ប្រព័ន្ធផ្សព្វផ្សាយរុស្ស៊ី៖ ប្រទេសចិនដាក់ឈ្មោះសម្រាប់អង្គភាពភូមិសាស្រ្តនៅសមុទ្រ ខាងកើតគឺជា“អំពើទាមទារខុសច្បាប់ដោយចេតនា”ទាំងស្រុង

ប្រព័ន្ធផ្សព្វផ្សាយរុស្ស៊ី៖ ប្រទេសចិនដាក់ឈ្មោះសម្រាប់អង្គភាពភូមិសាស្រ្តនៅសមុទ្រ ខាងកើតគឺជា“អំពើទាមទារខុសច្បាប់ដោយចេតនា”ទាំងស្រុង

ទីភ្នាក់ងារសារព័ត៌មានរុស្ស៊ីបានអត្ថាធិប្បាយថា “អនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ ចែងថាបណ្តាប្រទេសមិនអាចទាមទារអធិបតេយ្យភាពលើអង្គភាពក្រោមសមុទ្របានទេ ប្រសិនបើអង្គភាពទាំងនេះមិនស្ថិតក្រោមការគ្រប់គ្រង ក្នុងចម្ងាយ ១២ ម៉ាយល៍ពីចំណុចដែលនៅជិតបំផុតនៅលើដីគោក»។

ហេតុដូច្នេះជាការដែលប្រទេសចិនប្រកាសដាក់ឈ្មោះសម្រាប់អង្គភាពភូមិសាស្ត្រ ប្រមាណ ២០ រួមមានកោះ ថ្មប៉ប្រះ និងតំបន់ផ្កាថ្មនៅសមុទ្រខាងកើតក៏ដូចជាថ្មប៉ប្រះទឹកក្រោមបាតសមុទ្រខាងកើតជាង ៥០ គឺជាអំពើទាមទារអធិបតេយ្យភាពខុសច្បាប់ដោយចេតនា ដោយមិនសមហេតុផលនិងពុំគោរពតាមច្បាប់អន្តរជាតិ រួមទាំងបង្កការអុជអាលដែលត្រូវរងការតបតពីបណ្តាប្រទេសជិតខាងនៅអាស៊ីអាគ្នេយ៍ផងដែរ។

នៅថ្ងៃដដែលនោះ គេហទំព័រព័ត៌មានសេដ្ឋកិច្ច Enovosti.ru បានផ្សាយការអត្ថាធិប្បាយស្តីពីអធិបតេយ្យភាពរបស់ចិននៅសមុទ្រខាងកើតដែលប៉ះពាល់ដល់សន្តិសុខក្នុងតំបន់។ យោងតាម Enovosti.ru ស្ថានភាពនៃការរីករាលដាលនៃជំងឺកូវីដ១៩ និងខែដ៏ពិសិដ្ឋនៃបុណ្យរ៉ាម៉ាដានរបស់ជនឥស្លីម មិនបានធ្វើឱ្យពិភពលោកស្ងប់ស្ងៀមទេពីព្រោះការសម្រេចចិត្តនាពេលថ្មីៗនេះរបស់ចិនបានប្រកាសដាក់ឈ្មោះអង្គភាពភូមិសាស្ត្រ នៅសមុទ្រខាងកើតដែរ។ Enovosti.ru បានហៅសកម្មភាពនេះរបស់ចិនថាជាសកម្មភាពបង្កើនភាពតានតឹងនៅសមុទ្រខាងកើត៕

（បកប្រែដោយ ហេង វុធ្ធី）

（ប្រភពព័ត៌មាន: baoquocte.vn）

（បកប្រែដោយ ហេង វុធ្ធី）