អតីតអនុរដ្ឋមន្រ្តីក្រសួងការបរទេសជប៉ុនបានអះអាងវៀតណាមនឹងធ្វើជាម្ចាស់ផ្ទះរៀបចំកិច្ចប្រជុំកំពូលពិសេសអាស៊ានបូក ៣ ប្រកបដោយជោគជ័យ

Ảលោក Asano Katsuhito អតីតអនុប្រធានខុទ្ទកាល័យជប៉ុននិងជាអតីតអនុរដ្ឋមន្រ្តីក្រសួងការបរទេសជប៉ុន

លោក Asano Katsuhito បានសង្កត់ធ្ងន់ថាក្នុងការប្រយុទ្ធប្រឆាំងនឹងជំងឺរាតត្បាតកូវីដ១៩ (Covid-19) រដ្ឋាភិបាលវៀតណាមបានដាក់ចេញនូវវិធានការប្រឆាំងនឹងជំងឺឆ្លងនេះយ៉ាងលឿនបំផុតនិងមានប្រសិទ្ធភាពបំផុត។ រហូតមកដល់ពេលនេះចំនួនករណីនៃជំងឺនេះនៅប្រទេសវៀតណាមមានជាង ២០០ នាក់តែប៉ុណ្ណោះហើយពុំមានអ្នកស្លាប់បានកើតឡើងឡើយ។ នេះគឺជាសមិទ្ធិផលលេចធ្លោមួយនៅក្នុងបរិបទនៃការផ្ទុះជំងឺនិងពិបាកគ្រប់គ្រងសព្វថ្ងៃនេះ។

លើសពីនេះទៀត វាយតម្លៃពីសារៈសំខាន់នៃកិច្ចសហប្រតិបត្តិការនិងការសម្របសម្រួលក្នុងអាស៊ានបូក ៣ (ជប៉ុន កូរ៉េខាងត្បូង និងចិន) ក្នុងការប្រយុទ្ធប្រឆាំងនឹងជំងឺរោគរាតត្បាតកូវីដ១៩ លោក Asano Katsuhito មានប្រសាសន៍ថាក្នុងស្ថានភាពរាតត្បាតជម្ងឺឆ្លងនាពេលបច្ចុប្បន្ននេះ ការកសាងក្របខ័ណ្ឌនៃកិច្ចសហប្រតិបត្តិការការតភ្ជាប់ទ្វេភាគីនិងពហុភាគីក្នុងការការពារជំងឺគឺចាំបាច់បំផុតនិងទាន់ពេលវេលា។ លោក Asano ក៏បន្ថែមទៀតថានៅក្នុងសន្និសីទនេះបណ្តាប្រទេសសមាជិកអាស៊ានរួមជាមួយប្រទេសជប៉ុន កូរ៉េខាងត្បូង និងចិនចាំបាច់ត្រូវបង្កើតស្ថាប័នរួមមួយដើម្បីឆ្លើយតបនឹងជំងឺរាតត្បាត កូវីដ១៩ ព្រមទាំងសម្តែងក្តីសង្ឃឹមថាវៀតណាមនឹងធ្វើជាអធិបតីភាពដ៏ល្អប្រសើរក្នុងកិច្ចការនេះតែម្តង៕

（បកប្រែដោយ ហេងវុធ្ធី）

（បកប្រែដោយ ហេងវុធ្ធី）