ប្រទេសបារាំងវាយតម្លៃខ្ពស់ចំពោះរាល់វិធានការរបស់រដ្ឋាភិបាលវៀតណាមក្នុងការប្រឆាំងនឹងការរីករាលដាលនៃជំងឺ Covid-19

ឧបនាយករដ្ឋមន្ត្រីនិងជារដ្ឋមន្រ្តីក្រសួងការបរទេសវៀតណាមលោក Pham Binh Minh និងលោក Nicolas Warnery ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋបារាំងប្រចាំនៅ វៀតណាម (រូបថត៖ VGP)

នាថ្ងៃទី ៤ ខែមីនា នៅទីក្រុងហាណូយ ឧបនាយករដ្ឋមន្ត្រីនិងជារដ្ឋមន្រ្តីក្រសួងការបរទេសវៀតណាមលោក Pham Binh Minh បានអញ្ជើញទទួលជួបជាមួយ លោក Nicolas Warnery ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋបារាំងប្រចាំនៅ វៀតណាម មកចួបសម្តែងការគួរសមក្នុងឱកាសដែលលោកទទួលបេសកកម្មថ្មីនៅប្រទេសវៀតណាម។

នៅក្នុងជំនួបនេះ ឯកអគ្គរដ្ឋទូតបារាំងលោក Nicolas Warnery បានអះអាងពីការប្តេជ្ញាចិត្តរបស់លោកក្នុងការលើកកម្ពស់ទំនាក់ទំនងល្អរវាងប្រទេសអភិវឌ្ឍន៍ទាំងពីរឱ្យកាន់តែរីកចំរើនយ៉ាងស៊ីជម្រៅនិងប្រសិទ្ធភាពលើគ្រប់វិស័យ។ លោក Nicolas Warnery អបអរសារទរវៀតណាមដែលត្រៀមខ្លួនជាស្រេចដោយភាពម្ចាស់ការ និងទទួលតំណែងតួនាទីដ៏សំខាន់គឺជាប្រធានក្រុមប្រឹក្សាសន្តិសុខ​ដែលក្នុងនោះ មានគំនិតផ្តួចផ្តើមក្នុងការលើកកម្ពស់ការអនុលោមតាមធម្មនុញ្ញរបស់អង្គការសហប្រជាជាតិនិងកិច្ចសហប្រតិបត្តិការរវាងអង្គសហប្រតិបត្តិ និងអាស៊ាន។ បារាំងបានវាយតម្លៃខ្ពស់ចំពោះវិធានការយ៉ាងប្តូតផ្តាច់និងមានប្រសិទ្ធិភាពរបស់រដ្ឋាភិបាលវៀតណាមក្នុងការគ្រប់គ្រងជំងឺ Covid-19 ជាពិសេសក្នុងករណីដែលគ្មានករណីថ្មីនិងការស្លាប់ដោយ សារជំងឺរាតត្បាតនេះ៕

（បកប្រែដោយ ហេង វុធ្ធី）

（បកប្រែដោយ ហេង វុធ្ធី）