យុគសម័យ - លោកស្រី Le Thi Thu Hang អ្នកនាំពាក្យក្រសួងការបរទេសវៀតណាមបានបញ្ជាក់ថា ការដែលចិនបានបន្ត រៀបចំការប្រណាំងទូកក្ដោងនៃពានរង្វាន់ Ty Nam លើកទី ៧ នៅលើប្រជុំកោះ Hoang Sa របស់វៀតណាម គឺបានរំលោភបំពាន់យ៉ាងធ្ងន់ធ្ងរលើអធិបតេយ្យរបស់វៀតណាម។
លោកស្រី Le Thi Thu Hang អ្នកនាំពាក្យក្រសួងការបរទេសវៀតណាម
នាថ្ងៃទី ២៣ ខែឧសភា ឆ្លើយសំណួររបស់អ្នកយកព័ត៌មានអំពីការដែលចិនបានបន្ត រៀបចំការប្រណាំងទូកក្ដោងនៃពាន រង្វាន់ Ty Nam លើកទី៧នៅលើប្រជុំកោះ Hoang Sa របស់វៀតណាម ពីថ្ងៃ ២២ ដល់ ២៤ ខែឧសភាលោកស្រី Le Thi Thu Hang អ្នកនាំពាក្យក្រសួងការបរទេសវៀតណាមបានបញ្ជាក់ថា៖ វៀតណាមមានមូលដ្ឋានគតិយុត្តិនិងភ័ស្តុតាងជាប្រវត្តិសាស្ត្រយ៉ាងគ្រប់គ្រាន់ដើម្បីអះអាងនូវអធិបតេយ្យចំពោះប្រជុំកោះទាំងពីរគឺ Hoang Sa និង Truong Sa តាមច្បាប់អន្តរជាតិ។
ការដែលចិនបានបន្តរៀបចំការប្រណាំងទូកក្ដោងនៃពាន់រង្វាន់ Ty Nam លើកទី៧ នៅលើប្រជុំកោះHoang Sa របស់វៀតណាម គឺបានរំលោភបំពានយ៉ាងធ្ងន់ធ្ងរលើអធិបតេយ្យរបស់វៀតណាមចំពោះកោះទាំង២នេះ ផ្ទុយពីកិច្ចព្រមព្រៀងស្ដីពីបណ្ដាគោលការណ៍ជាមូលដ្ឋានក្នុងការបញ្ជាណែនាំដោះស្រាយបញ្ហាលើដែនសមុទ្ររវាងវៀតណាមនិងចិននិងស្មារតីនៃសេចក្ដីថ្លែងការណ៍ស្ដីពីការប្រតិបត្តិ សម្រាប់ភាគីនានានៅសមុទ្រខាងកើត (DOC)។ ធ្វើឱ្យស្មុគស្មាញដល់ស្ថានការណ៍និងមិនអនុគ្រោះដល់ការថែរក្សាបរិយាកាសសន្តិភាពស្ថិរភាពនិងសហប្រតិបត្តិការនៅក្នុងសមុទ្រខាងកើត។
វៀតណាមស្នើឲ្យភាគីចិនគោរពអធិបតេយ្យរបស់វៀតណាមចំពោះប្រជុំកោះ Hoang Sa និង Truong Sa ហើយមិនបន្តកើតឡើងសកម្មភាពដូចនេះម្តងទៀត និងមិនធ្វើសក្មភាពនានាដែលបង្កើនភាពតានតឹងដែលធ្វើឲ្យស្ថានផាពកាន់តែស្មុគស្មាញផងដែរ៕
(យោងតាម baoquocte បកប្រែដោយ សមុទ្រ)
មតិពីមិត្តអ្នកអាន