Trending now

ប្រធាន WHO សង្ឃឹមថា ជំងឺរាតត្បាតសកល COVID-19 «នឹងមិនអូសបន្លាយលើសពី ២ឆ្នាំនោះឡើយ»

15:59 | 22/08/2020

ប្រធានអង្គការសុខភាពពិភពលោក (WHO) លោក ថេដ្រូស អាដាណម ហ្គេប្រេយែសឹស (Tedros Adhanom Ghebreyesus) បានលើកឡើងថា ការរាតត្បាតវីរុសកូរ៉ូណា (COVID-19) នឹងមានរយៈពេលខ្លីជាង ជំងឺគ្រុនផ្ដាសាយអេស្ប៉ាញកាលពីឆ្នាំ១៩១៨ នោះគឺអាចនឹងត្រូវបន្លាយតិចជាងរយៈពេល ២ឆ្នាំប៉ុណ្ណោះ ប្រសិនបើពិភពលោករួបរួមគ្នា ក្នុងការស្វែងរកវ៉ាក់សាំងឲ្យទាន់ពេល។

ប្រធានអង្គការសុខភាពពិភពលោក (WHO) លោក ថេដ្រូស អាដាណម ហ្គេប្រេយែសឹស (Tedros Adhanom Ghebreyesus)។ (រូបថត៖ freshnews)

នៅក្នុងសន្និសីទសារព័ត៌មានមួយនាទីក្រុងហ្សឺណែវ (Geneva) ប្រទេសស្វីស លោក Tedros បានគូសបញ្ជាក់ថា «ជំងឺគ្រុនផ្ដាសាយអេស្ប៉ាញកាលពីឆ្នាំ១៩១៨ បានអូសបន្លាយពេល ២ឆ្នាំទើបអាចបញ្ឈប់។ ដោយឡែកនៅក្នុងស្ថានភាពយើងឥឡូវនេះ ជាមួយបច្ចេកវិទ្យាកាន់តែជឿនលឿន និងទំនាក់ទំនងកាន់ច្រើន គឺជាហេតុដែលអាចនាំឲ្យ COVID-19 មានឱកាសច្រើនក្នុងការរីករាលដាលលឿន ដោយសារយើងមានទំនាក់ទំនង កាន់តែច្រើនររវាងគ្នានាពេលបច្ចុប្បន្ន។ ប៉ុន្តែទន្ទឹមនឹងនេះ យើងក៏មានចំណេះវិជ្ជា និងបច្ចេកវិទ្យាទំនើប ដើម្បីបញ្ឈប់វាផងដែរ»។ ក្នុងន័យនេះប្រធាន WHO សង្ឃឹមថា យើងនឹងអាចបញ្ឈប់ជម្ងឺរាតត្បាតនេះ (COVID-19) ក្នុងរយៈពេលតិចជាង ២ឆ្នាំ ដោយលោកបានអំពាវនាវឲ្យមានឯកភាពជាតិ និងសាមគ្គីភាពជាសកល។

គួរបញ្ជាក់ថា បើតាមគេហទំព័រ worldometers គិតត្រឹមព្រឹកថ្ងៃសៅរ៍ ទី២២ ខែសីហា ឆ្នាំ២០២០នេះ មនុស្សច្រើនជាង ២៣.១លាននាក់ ត្រូវបានរាយការណ៍ថា បានឆ្លង COVID-19 នៅទូទាំងពិភពលោក ចាប់តាំងពីវាត្រូវបានគេរកឃើញដំបូង នៅក្នុងទីក្រុងវូហាន ប្រទេសចិនកាលពីចុងឆ្នាំ២០១៩ ក្នុងនោះមនុស្សជិត ៨០៣,០០០នាក់បានស្លាប់ និងជាង ១៥,៧០៥,០០០នាក់ បានជាសះស្បើយ៕

（ប្រភពព័ត៌មាន: freshnews）

Tags: ប្រធាន WHO ជំងឺរាតត្បាតសកល COVID-19 មិនអូសបន្លាយ

មតិពីមិត្តអ្នកអាន

អត្ថបទដែលទាក់ទង

ប្រធាន WHO អំពាវនាវឲ្យប្រទេសអ្នកមានៗ ចូលរួមកម្មវិធីអភិវឌ្ឍវ៉ាក់សាំង COVAX ព្រោះថ្ងៃផុតកំណត់កាន់តែកៀកមែនទែនហើយ

ប្រធានអង្គការសុខភាពពិភពលោក (WHO) លោក ថេដ្រូស អាដាណម ហ្គែប្រេយេសឹស (Tedros Adhanom Ghebreyesus) នៅថ្ងៃចន្ទនេះបាននិយាយថា ប្រទេសនានាជាពិសេសប្រទេសអ្នកមានៗ គួរតែចុះឈ្មោះចូលរួមក្នុងកម្មវិធី COVAX របស់ខ្លួននៅត្រឹមថ្ងៃសុក្រទី១៨ ខែកញ្ញា ឆ្នាំ២០២០ខាងមុខនេះ ដែលជាថ្ងៃផុតកំណត់ ដើម្បីធានាសមភាពនៃការទទួលបានវ៉ាក់សាំង COVID-19 ដែលប្រកបដោយសុវត្ថិភាព និងប្រសិទ្ធភាព។ នេះបើយោងតាមការចេញផ្សាយ ដោយសារព័ត៌មាន CNA នៅល្ងាចថ្ងៃចន្ទ ទី១៤ ខែកញ្ញា ឆ្នាំ២០២០។

ប្រធាន WHO ស្នើអាស៊ានបូក៣ ចែករំលែកបទពិសោធន៍ ការទប់ស្កាត់កូវីដ១៩ ទៅកាន់ពិភពលោក

ប្រធានអង្គការសុខភាពពិភពលោក (WHO) លោក Tedros Adhanom Ghebreyesus បានស្នើដល់ប្រទេសអាស៊ានបូក៣ ចែករំលែកបទពិសោធន៍របស់ខ្លួន ក្នុងការការពារ និងទប់ស្កាត់ជំងឺកូវីដ១៩ ទៅកាន់ពិភពលោក ដោយសារប្រទេសអាស៊ានបូក៣ មានអត្រាអ្នកឆ្លងជំងឺនេះទាបបំផុត បើធៀបនឹងការឆ្លងនៅលើពិភពលោក។

ព័ត៌មានថ្មីៗ

លោកសាស្ត្រាចារ្យ បណ្ឌិត វង់ សុធារ៉ា៖ ប្រវត្តិវិទូកម្ពុជាលើកសរសើរជ័យជំនះ Dien Bien Phu

ក្នុងឱកាសរំលឹកខួបលើកទី ៧០ នៃជ័យជំនះ Dien Bien Phu (៧ ឧសភា១៩៥៤ - ៧ ឧសភា ២០២៤) អ្នកយកព័ត៌មានវៀតណាមបានជួបសំណេះសំណាល និងស្តាប់ លោកសាស្ត្រាចារ្យ បណ្ឌិត វង់ សុធារ៉ា ប្រធានដេប៉ាតឺម៉ង់ប្រវត្តិវិទ្យានៃសាកលវិទ្យាល័យភូមិន្ទភ្នំពេញ ចែករំលែក និងវាយតម្លៃជ័យជម្នះជាប្រវត្តិសាស្ត្ររបស់ Dien Bien Phu។

វៀតណាមរៀបចំសប្តាហ៍វប្បធម៌នៅកម្ពុជាឆ្នាំ២០២៤

សប្តាហ៍វប្បធម៌វៀតណាមនៅកម្ពុជាឆ្នាំ ២០២៤ នឹងប្រព្រឹត្តទៅនៅរាជធានីភ្នំពេញ និងខេត្តបន្ទាយមានជ័យ ចាប់ពីថ្ងៃទី ២០-២៥ ខែឧសភា។

ទីក្រុងហូជីមិញ - សមាជិកនៃបណ្តាញទីក្រុងសិក្សាសកលរបស់អង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ

៤៩ ឆ្នាំក្រោយរំដោះ (១៩៧៥ - ២០២៤) ទីក្រុងហូជីមិញសព្វថ្ងៃនេះ កំពុងអភិវឌ្ឍន៍ទៅជាមជ្ឈមណ្ឌលរដ្ឋបាលទីក្រុងទំនើបនៃតំបន់អាស៊ីអាគ្នេយ៍។ នាពេលថ្មីៗនេះ ទីក្រុងហូជីមិញត្រូវបានទទួលស្គាល់ដោយអង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (UNESCO) ជាសមាជិកនៃបណ្តាញទីក្រុងសិក្សារៀនសូត្រសកល។

ភាពត្រឹមត្រូវនៃគោលមាគ៌ាការទូត «ដើមឬស្សីវៀតណាម»

ទទួលតាមការអញ្ជើញរបស់នាយករដ្ឋមន្ត្រីជប៉ុនលោក Kishida Fumio និងអគ្គលេខាធិការអង្គការសហប្រតិបត្តិការសេដ្ឋ កិច្ច និងអភិវឌ្ឍន៍ (OECD) Mathias Cormann រដ្ឋមន្ត្រីការបរទេសវៀតណាមលោក Bui Thanh Son នៅថ្ងៃនេះ បានចាប់ផ្តើមចូលរួមកិច្ចប្រជុំក្រុមប្រឹក្សារដ្ឋមន្ត្រី OECD រួមផ្សំសកម្មភាពទ្វេភាគីជាច្រើននៅទីក្រុងប៉ារីស ប្រទេសបារាំង។ ដំណើរទស្សនកិច្ចនេះបានបង្ហាញពីការសម្របខ្លួនយ៉ាងសកម្មរបស់វៀតណាមទៅនឹងនិន្នាការទូទៅរបស់ពិភពលោក បម្រើផលប្រយោជន៍ជាតិយ៉ាងល្អបំផុត។ ទន្ទឹមនឹងនោះក៏ជាការបង្ហាញពីគោលមាគ៌ាការទូតដើមឬស្សីរបស់វៀតណាមផងដែរ។

ពិធីបំពាក់គ្រឿងជូននាយទាហាន និងកម្មាភិបាលថ្នាក់ដឹកនាំ ដែលបានចូលរួមវិភាគទានដ៏សំខាន់ក្នុងសកម្មភាពសហការស្វែងរក ជីកគាស់ និងធ្វើមាតុភូមិនិវត្តន៍អដ្ឋិធាតុកងទ

នាថ្ងៃទី៣ ខែឧសភា នៅរាជធានីភ្នំពេញ បានប្រព្រឹត្ដទៅពិធីបំពាក់គ្រឿងឥស្សរិយយសមិត្តភាពរបស់រដ្ឋាភិបាលនៃសាធារណរដ្ឋសង្គមនិយមវៀតណាម ជូននាយទាហានជាន់ខ្ពស់ និងមន្ដ្រីកម្ពុជាដែលមានស្នាដៃល្អក្នុងការសហការជីករុករក និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្តវៀតណាមដែលពលីជីវិតកាលពីសម័យសង្គ្រាមនៅកម្ពុជា។