យុគសម័យ - យោងតាមចំណាត់ថ្នាក់ថ្មីរបស់ Hostelworld នៃទិសដៅទេសចរណ៍ល្អបំផុតនៅលើពិភពលោកនាឆ្នាំ ២០២០ ប្រទេសវៀតណាមមានកិត្តិយសដែលមាន ៥ កន្លែងជាប់នៅបញ្ជី Top នៃទិសដៅដ៏អស្ចារ្យបំផុត ។ ទាំងនេះរួមមាន ខេត្ត Ha Giang ឈូងសមុទ្រ Ha Long ខេត្ត Ninh Binh ខេត្ត Quy Nhon និងខេត្ត Quang Binh ។
ភាពស្រស់ស្អាតនៃរដូវផ្កាម៉ាក់ខៃ។ (រូបថត៖ dulich24h)
នេះគឺជាទិសដៅដែលទាក់ទាញភ្ញៀវទេសចរជាតិនិងបរទេសយ៉ាងច្រើន។ ខេត្ត Ha Giang ស្ថិតនៅចំណាត់ថ្នាក់ទីបួនក្នុងបញ្ជី Top នៃទិសដៅដ៏អស្ចារ្យបំផុត បើយោងតាមទិន្នន័យពីគេហទំព័រ Hostelworld ចំនួននៃការកក់នៅទីនេះបានកើនឡើង ១១៨% ក្នុងឆ្នាំ ២០១៨ និងឆ្នាំ ២០១៩ ដែលជាចំនួនគួរឲ្យមោទនភាព។
ខេត្ត Ha Giang បានទាក់ទាញភ្ញៀវទេសចរដោយសម្រស់នៃព្រៃភ្នំ ព្រៃផ្កានិងវប្បធម៌ប្រជាជននៅទី។ ភ្ញៀវទេសចរចូលចិត្តស្វែងយល់នូវវប្បធរបស់ក្រុមជនជាតិរស់នៅទីនេះសម្លៀកបំពាក់ចម្រុះពណ៌ របាំ ចម្រៀង ផ្សារបុរាណដែលភ្ញៀវទេសចរមិនអាចបំភ្លេចបាន។
តំបន់ទេសចរណ៍លេចធ្លោជាងគេនៅខេត្ត Ha Giang គឺខ្លោងទ្វារមេឃ Quan Ba ខ្ពង់រាបថ្ម Dong Van បង្គោលទង់ Lung Cu Dinh Vuong ចំណោត Ma Pi Leng…
ល្អាង Phong Nha - Ke Bang គឺអាថ៌កំបាំងនិងអស្ចារ្យ។ (រូបថត៖ Vietnam Stock Images/Shutterstock)
ឧទ្យានជាតិ Phong Nha - Ke Bang នៅខេត្ត Quang Ninh ជាប់ចំណាត់ថ្នាក់ទី ៦ ។ ត្រូវបានទទួលស្គាល់ដោយអង្គការ UNESCO ជាបេតិកភណ្ឌធម្មជាតិពិភពលោក ដោយមានរូងថ្ម ភ្នំកំបោរដែលបានកកើតរាប់លានឆ្នាំមក ហើយនេះក៏ជាតំបន់ថ្មកំបោរចំណាស់ជាងគេបំផុតនៅលើពិភពលោកដែលមានល្អាងភ្នំចំនួន ៣៩២ រួមទាំងល្អាងភ្នំ ធំជាងគេបំផុតនៅលើពិភពលោក Son Doong ។
កេរ្តិ៍ដំណែល Trang An - Ninh Binh។ (រូបថតៈ Pelikh Alexey / Shutterstock )
ជាប់ចំណាត់ថ្នាក់ទី ១០ ខេត្ត Ninh Binh គឺជាទិសដៅដ៏អស្ចារ្យដែលជាការរួមបញ្ចូលគ្នានៃសម្រស់ភ្នំ ល្អាងភ្នំថ្មកំបោរ និងទន្លេ បឹងមានទឹកពណ៌ស៊ីលៀប។ ខេត្ត Ninh Binh មានកេរ្តិ៍ដំណែល ល្បីៗ ដូចជា កេរ្តិ៍ដំណែល Trang An Tam Coc – Bich Dong វត្ត Bai Dinh អតីតរាជរដ្ឋធានី Hoa Lu … កន្លែងនេះ ត្រូវបានជ្រើសរើស ដោយអ្នកដឹកនាំ ភាពយន្ត Jordan Vogt-Roberts ជាកន្លែងមួយថតនៅក្នុងខ្សែភាពយន្ត“Kong ៖ កោះទីមួយ” ។ ទស្សន៍ទស្សនិកជនទូទាំងពិភពលោកមានឱកាសកោតសរសើរពីភាពស្រស់ស្អាតនៅទីនេះ។ ខេត្ត Ninh Binh ពិតទិសដៅដ៏អស្ចារ្យបំផុត។
សម្រស់ស្អាតនៃឈូងសមុទ្រ Ha Long។ (រូបថត៖ អេសអេហ្វ / Shutterstock )
ឈូងសមុទ្រ Ha Long ខេត្ត Quang Ninh ជាប់ចំណាត់ថ្នាក់ទី ១៨។ សម្រស់ទីក្រុង Ha Long មិនត្រឹមតែមានពណ៌ផ្ទៃមេឃភ្នំថ្មកំបោរស្ថិតក្នុងភាពស្ងាត់ស្ងៀមនៅឈូងសមុទ្រទៀតផង។ បទពិសោធន៍មួយដែលអ្នកទេសចរចូលចិត្ត នៅពេលធ្វើដំណើរមកទីនេះគឺការជិះទូកលេងឈូងសមុទ្រនិងទស្សនារូងភ្នំ Sung Sot ល្អាង Thien Cung កោះ Ti Top …ក្រៅពីនេះភ្ញៀវទេសចរអាចហែលទឹកសមុទ្រ Bai Chay ទស្សនាសារមន្ទីរនៅខេត្ត Quang Ninh។ HaLong តែងតែទាក់ទាញភ្ញៀវទេសចរមកពីគ្រប់ទិសទី ភ្ញៀវទេសចរបរទេស តែងតែមានចំណាប់អារម្មណ៍ល្អលើទេសភាពនិងប្រជាជននៅទីនេះ។
ទីក្រុង Quy Nhon ។ (រូបថត៖ Huong Chi)
កន្លែងចុងក្រោយនៅក្នុងប្រទេសវៀតណាមដែលត្រូវបានជាប់ក្នុងបញ្ជីនេះគឺទីក្រុង Quy Nhon ដែលជាប់ចំណាត់ថ្នាក់ទី ២០។ ហើយបានក្លាយជាគោលដៅទេសចរណ៍មួយដែលទាក់ទាញភ្ញៀវទេសចរច្រើនក្នុងស្រុកនិងក្រៅប្រទេស។ សម្រស់ធម្មជាតិ Quy Nhon គឺជាការរួមបញ្ចូលគ្នារវាងសមុទ្រខៀវស្រងាត់ ឆ្នេរខ្សាច់ពណ៌មាស បង្កើតជាទេសភាព ស្អាតដូចក្នុងកំណាព្យដែលទាក់ទាញចំណាប់អារម្មណ៍ភ្ញៀវទេសចរ។ Quy Nhon ឥឡូវនេះល្បីល្បាញសម្រាប់កន្លែងដែលភ្ញៀវទេសចរចង់មកទស្សនា ដូចជា Eo Gio, សួនឧទ្យានកំណាព្យ Han Mac Tu, Thap doi, Ghenh Rang, Hon Seo, ... និងមុខម្ហូបពិសេសៗ នៅទីនេះមានម្ហូបដូចជា នំ Hoi នំ canh ណែមអាំង... អ្វីៗទាំងអស់នេះជួយទីក្រុង Quy Nhon បានទាក់ទាញបេះដូងភ្ញៀវទេសចរជិតនិងឆ្ងាយ./.
（បកប្រែដោយឌីណា）
មតិពីមិត្តអ្នកអាន