ចូលរួមព្រឹត្តិការណ៍នេះ មានថ្នាក់ដឹកនាំក្រសួងពាណិជ្ជកម្មឥណ្ឌូណេស៊ី និងសហគ្រាសចំនួន ១០០ នៃប្រទេសទាំងពីរ ដែលធ្វើសកម្មភាពលើវិស័យផ្សេងៗគ្នាដូចជា៖ ចំណីអាហារ ភេសជ្ជៈ បច្ចេកវិទ្យាឧបករណ៍អេឡិចត្រូនិចជាដើម។
វៀតណាមជំរុញកិច្ចសហប្រតិបត្តិការពាណិជ្ជកម្ម ឧស្សាហកម្ម និងវិនិយោគនៅ ឥណ្ឌូនេស៊ី (រូបថត៖ ទីភ្នាក់ងារសារព័ត៌មានវៀតណាម)
នាថ្ងៃទី ១៤ ខែវិច្ឆិកា នៅរដ្ឋធានីហ្សាកាតា ស្ថានទូតវៀតណាមប្រចាំនៅឥណ្ឌូនេស៊ីបានរួមសហការជាមួយក្រសួងឧស្សាហពាណិជ្ជកម្មវៀតណាម និងសម្ព័ន្ធសមាគមម្ហូបអាហារនិងភេសជ្ជៈឥណ្ឌូនេស៊ីរៀបចំសិក្ខាសាលាដោះដូរពាណិជ្ជកម្មរវាងសហគ្រាសវៀតណាម និង ឥណ្ឌូនេស៊ី សំដៅជំរុញកិច្ចសហប្រតិបត្តិការពាណិជ្ជកម្ម ឧស្សាហកម្ម និងវិនិយោគនៅឥណ្ឌូណេស៊ី។ ចូលរួមព្រឹត្តិការណ៍នេះ មានថ្នាក់ដឹកនាំក្រសួងពាណិជ្ជកម្មឥណ្ឌូណេស៊ី និងសហគ្រាសចំនួន ១០០ នៃប្រទេសទាំងពីរ ដែលធ្វើសកម្មភាពលើវិស័យផ្សេងៗគ្នាដូចជា៖ ចំណីអាហារ ភេសជ្ជៈ បច្ចេកវិទ្យាឧបករណ៍អេឡិចត្រូនិចជាដើម។
អញ្ជើញថ្លែងនៅទីនេះ ឯកអគ្គរដ្ឋទូតវៀតណាមប្រចាំនៅឥណ្ឌូណេស៊ីលោក Pham Vinh Quang បានវាយតម្លៃថា នារយៈពេលកន្លងទៅ វៀតណាមនិងឥណ្ឌូនេស៊ីទទួលបានសមិទ្ធិលេចធ្លោលើវិស័យសហប្រតិបត្តិការសេដ្ឋកិច្ច និងពាណិជ្ជកម្ម។ លោកបានសង្កត់ធ្ងន់លើសារៈសំខាន់របស់សហគមន៍សហគ្រាសនៃប្រទេសទាំងពីរ ជាពិសេសគឺតួនាទីដីសំខាន់របស់សហក្រាសក្នុងការអនុវត្តន៍គោលដៅទទួលបានទំហំពាណិជ្ជកម្មទ្វេភាគីឡើង ១០ ពាន់លានដុល្លារអាមេរិកនាឆ្នាំ២០២០ខាងមុខ។
ក្នុងក្របខ័ណ្ឌនៃកម្មវិធី សហគមន៍សហគ្រាសនៃប្រទេសទាំងពីរត្រូវបានឧទ្ទេសនាម និងស្វែងយល់តម្រូវការ ក៏ដូចជាបណ្ដាគោលនយោបាយថ្មីអំពីទីផ្សារឥណ្ឌូនេស៊ីនិងវៀតណាមផងដែរ៕
（ប្រភព៖ vovworld.vn）
មតិពីមិត្តអ្នកអាន