ឥណ្ឌា - អាស៊ានមានទំនាក់ទំនងយ៉ាងជិតស្និទ្ធលើវិស័យជាច្រើន

ឥណ្ឌា - អាស៊ានមានទំនាក់ទំនងយ៉ាងជិតស្និទ្ធលើវិស័យជាច្រើន។

អ្នកប្រាជ្ញមកពីអាស៊ានបានទទួលស្គាល់ថា ឥណ្ឌាជាមិត្តល្អនិងជាដៃគូជិតស្និទ្ធ។ ភាគីនានាគួរតែបន្តធ្វើការដើម្បីពង្រឹងទំនាក់ទំនងទ្វេភាគីហើយគួរតែផ្តោតលើការលើកកម្ពស់ទំនាក់ទំនងរវាងប្រជាជននិងប្រជាជន។ បណ្ឌិត Faisal Ahmed នៃសាលាគ្រប់គ្រង FORE បានចាត់ទុកថា អាស៊ានថាជាតំបន់នៃវឌ្ឍនភាពសេដ្ឋកិច្ច វប្បធម៌រស់រវើក និងមានសារៈសំខាន់ខាងភូមិសាស្ត្រនយោបាយ។ ឥណ្ឌានិងបណ្តាប្រទេសអាស៊ានមានទំនាក់ទំនងវប្បធម៌អរិយធម៌និងវប្បធម៌រឹងមាំ។ ក្នុងឆ្នាំ ២០១៨-១៩ ពាណិជ្ជកម្មទំនិញរវាងឥណ្ឌានិងអាស៊ានសម្រេចបាន ៩៧ ពាន់លានដុល្លារពាណិជ្ជកម្មសេវាកម្មកើនដល់ ៤៥ ពាន់លានដុល្លារ។

លោកបណ្ឌិត Mahjabin Banu ប្រធាន SPRE សមាជិកនៃមជ្ឈមណ្ឌលស្រាវជ្រាវវៀតណាមនៅទីក្រុងញូវដែលីបានសង្កត់ធ្ងន់ថាប្រទេសវៀតណាមមានកេរ្តិ៍ឈ្មោះក្នុងការរៀបចំការសន្ទនាសកលនិងតំបន់។ ដោយមានការប្តេជ្ញាចិត្តយូរអង្វែងចំពោះសមាហរណកម្មអាស៊ានប្រទេសវៀតណាមបានរៀបចំកិច្ចប្រជុំកំពូលអាស៊ានក្នុងឆ្នាំ ១៩៩៨ និងបានអំពាវនាវឱ្យបង្កើនកិច្ចសហប្រតិបត្តិការរវាងប្រទេសជាសមាជិក។ ប្រទេសវៀតណាមបានដាក់ចេញនូវផែនការសកម្មភាពទីក្រុងហាណូយ ដើម្បីអំពាវនាវឱ្យមានកិច្ចសហប្រតិបត្តិការម៉ាក្រូសេដ្ឋកិច្ចនិងហិរញ្ញវត្ថុការធ្វើឱ្យមានសុខដុមនីយកម្មនៃនីតិវិធីគយនិងសេរីភាវូបនីយកម្មពាណិជ្ជកម្ម។

នៅក្នុងសិក្ខាសាលានេះអ្នកប្រាជ្ញក៏បានវាយតម្លៃខ្ពស់ចំពោះសមិទ្ធិផលរបស់វៀតណាមក្នុងការប្រយុទ្ធប្រឆាំងនឹងជំងឺរាតត្បាតកូវិដ១៩។ ចំនួនអ្នកជំងឺវៀតណាមតិចតួចមិនមានអ្នកស្លាប់និងការវិលត្រឡប់មករកសកម្មភាពធម្មតាវិញបានធ្វើឱ្យសហគមន៍អន្តរជាតិមានការចាប់អារម្មណ៍។

ថ្លែងនៅក្នុងសន្និសីទនេះសាស្ត្រាចារ្យរងបណ្ឌិត Le Van Toan ប្រធានស្ថាបនិកនៃមជ្ឈមណ្ឌលស្រាវជ្រាវឥណ្ឌា (បណ្ឌិតសភានយោបាយជាតិហូជីមិញ) បានអះអាងថាវៀតណាមបានចូលរួមវិភាគទានប្រកបដោយការទទួលខុសត្រូវខ្ពស់ក្នុង បញ្ហាសកល។ ក្នុងកំឡុងពេលនៃជំងឺរាតត្បាតកូវិដ១៩បច្ចុប្បន្ន ប្រទេសវៀតណាមមិនត្រឹមតែបានចែករំលែកបទពិសោធន៍របស់ខ្លួនក្នុងការប្រយុទ្ធប្រឆាំងនឹងជំងឺរាតត្បាតប៉ុណ្ណោះទេថែមទាំងបានគាំទ្រឪបត្ថម្ភចំពោះប្រទេសជាច្រើនតាមតយៈបរិច្ចាគសុំភារពេត្យ រួមមានប្រទេសឥណ្ឌានិងប្រទេសអាស៊ានមួយចំនួន។

ទាក់ទិននឹងទំនាក់ទំនងវៀតណាម - ឥណ្ឌាលោកសាស្ត្រាចារ្យ Toan មានលើកឡើងថាចាំបាច់ត្រូវសិក្សានិងពិនិត្យមើលទំនៀមទម្លាប់វប្បធម៌ដែលបានបង្កើតទំនាក់ទំនងរវាងប្រទេសទាំងពីរក្នុងរយៈពេលប៉ុន្មានឆ្នាំកន្លងមកនេះ។ ប្រទេសវៀតណាម - ឥណ្ឌាមានប្រវត្តិទំនាក់ទំនងនិងការផ្លាស់ប្តូរវប្បធម៌ជាយូរមកហើយដែលដាំដុះដោយមេដឹកនាំនៃប្រទេសទាំងពីរ។ បច្ចុប្បន្នវៀតណាមមានទំនាក់ទំនងការទូតជាមួយបណ្តាប្រទេសចំនួន ១៩៨ ជុំវិញពិភពលោកប៉ុន្តែមានតែដៃគូយុទ្ធសាស្ត្រគ្រប់ជ្រុងជ្រោយចំនួន ៣ ប៉ុណ្ណោះក្នុងនោះមានឥណ្ឌា៕

（ប្រែសម្រូលដោយវិច្ឆិកា）

（ប្រែសម្រូលដោយវិច្ឆិកា）