ផ្ទះស្នាក់បៃតង គឺជារមណីយដ្ឋានកែច្នៃមួយកន្លែង ដែលមានទីតាំងស្ថិតនៅ ភូមិស្រះខ្វាវ ឃុំត្បែង ស្រុកបន្ទាយស្រី។ អភិបាលស្រុកបន្ទាយស្រីរំពឹងថា រមណីយដ្ឋានកែច្នៃមួយនេះ នឹងទាក់ទាញទេសចរក្នុងស្រុកបានកាន់តែច្រើន។
ផ្ទះស្នាក់បៃតង រមណីយដ្ឋានកែច្នៃថ្មីមួយទៀតនៅស្រុកបន្ទាយស្រី។ (រូបថត៖ Thmey Thmey.com)
ធ្វើដំណើរចំងាយប្រមាណជា38 Km ពីក្រុងសៀមរាប យើងអាចធ្វើដំណើរកាត់តាមភូមិព្រះដាក់ ជាទីកន្លែងដែលមាន នំបញ្ចុកឈ្ងុយឆ្ងាញ់ពិសារ ( ធ្លាប់សាកហើយឬនៅ? ) ហើយ ត្រូវបន្តដំនើរឆ្ពោះទៅទីតាំងគោលគឺ រង្វង់មូលភ្នំគូលែន ស្រុកបន្ទាយស្រី បន្ទាប់មកក៏បន្តដំណើរទៀតទៅកាន់វត្តស្រះដូនរីក ដែលមានស្រះទឹក និងទេសភាពស្រស់ស្អាតផងដែរ ។ នៅចំងាយប្រមាណជា100m ខាងមុខរបងវត្តយើងហ្នឹង នឹងមកដល់ទីរមណីយដ្ឋាន ផ្ទះស្នាក់បៃតង ។
រមណីយដ្ឋានកែច្នៃផ្ទះស្នាក់បៃតង គឺជាគោលដៅទេសចរណ៍ថ្មីមួយ របស់ស្រុកបន្ទាយស្រី ដែលមានទីតាំងស្ថិតនៅ ភូមិស្រះខ្វាវ ឃុំត្បែង។ រមណីយដ្ឋាននេះ មានចម្ងាយប្រមាណ៣០គីឡូម៉ែត្រប៉ុណ្ណោះ ពីក្រុងសៀមរាប។ ឃឹម ហ្វីណង់ អភិបាលស្រុកបន្ទាយស្រី បញ្ជាក់នៅទំព័រហ្វេសប៊ុករបស់ខ្លួនថា ផ្ទះស្នាក់បៃតង នឹងអាចទាក់ទាញភ្ញៀវទេសចរ ជាពិសេសទេសចរក្នុងស្រុក មកលេងកម្សាន្តកាន់តែច្រើន នាអំឡុងពេលសម្រាកលំហែកាយ។
ផ្ទះស្នាក់បៃតង រមណីយដ្ឋានកែច្នៃថ្មីមួយទៀតនៅស្រុកបន្ទាយស្រី ។ (រូបថត៖ Thmey Thmey.com)
តាមអភិបាលស្រុកបន្ទាយស្រីដដែល ទេសភាពធម្មជាតិដ៏ស្រស់ត្រកាល បូករួមនឹងទឹកធ្លាក់យ៉ាងត្រជាក់ គឺជាចំណុចពិសេស និងលេចធ្លោបំផុត នៃរមណីយដ្ឋានផ្ទះស្នាក់បៃតង។ លើសពីនេះ ទេសចរទេសចរ អាចសម្រាក បន្ទូរអារម្មណ៍ជាមួយនឹងទិដ្ឋភាពយ៉ាងខៀវស្រងាត់នៅជុំវិញតំបន់ផ្ទះស្នាក់បៃតង, ងូតទឹកឬជិះទូកលេងកម្សាន្ត, ស្ទូចត្រី, និងអាចបោះតង់នៅទីនោះបានទៀតផង។ «ជារៀងរាល់ថ្ងៃចុងសប្ដាហ៍ តែងមានភ្ញៀវទេសចរ ដែលមកពីតំបន់ឆ្ងាយៗ តែងឈាងចូលលេងកម្សាន្ត និងសម្រាកលំហែកាយជាលក្ខណៈគ្រួសារ យ៉ាងសប្បាយរីករាយនៅទីនេះ»។ នេះជាការលើកឡើងរបស់លោក ឃឹម ហ្វីណង់។
ផ្ទះស្នាក់បៃតង បានរួមចំនែកដើម្បីបង្កើតនូវភាពរីករាយ និងស្នាមញញឹម ជាមួយក្រុមគ្រួសារ មិត្តភក្តិ បងប្អូន ផងដែរ។ ប្លែកអារម្មណ៏ ស្តាប់សំលេងទឹកហូរ ពពេញទៅដោយដើមឈើត្រជាក់ត្រជុំ កម្សាន្តសប្បាយក្នុងការជិះទូក ស្ទូចត្រី ហែលទឹក គេងអង្រឹងនៅលើផ្ទៃទឹក បោះតង់ ក្នុងនោះផងដែរ ក៏មានការ បង្ហាញរបាំពីសំណាក់ក្មេងៗដែលនៅក្នុងភូមិ នៅពេលរាត្រីបោះតង់ ជាមួយនឹងតន្ត្រីដ៏ពិរោះ ព្រមទាំងអាហារឆ្ងាញ់ៗ ។
ស្រុកបន្ទាយស្រី គឺជាគោលដៅទេសចរណ៍សំខាន់បំផុតមួយ ក្នុងខេត្តសៀមរាប ព្រោះបន្ទាយស្រី សម្បូរទៅដោយទីតាំងកម្សាន្តស្អាតប្លែក ដូចជាប្រាសាទបន្ទាយស្រី,រមណីយដ្ឋានធម្មជាតិភ្នំគូលែន, បឹងឈូក, ភូមិព្រះដាក់, និងសួនផ្កាចម្រុះពណ៌ជាដើម./.
（បកប្រែដោយឌីណា）
មតិពីមិត្តអ្នកអាន