សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានពន្យល់ថា នាពេលថ្មីៗនេះកម្ពុជាមាន អ្នកជំងឺកូវីដ-១៩ចំនួនច្រើន គឺជាអ្នកដំណើរមកពីប្រទេស ម៉ាឡេស៊ី-ឥណ្ឌូនេស៊ី ទើបធ្វើឲ្យកម្ពុជា សម្រេចផ្អាកជើងហោះហើរមកពីប្រទេសទាំងពីរជាបណ្ដោះអាសន្ន។
លោក ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានគណៈកម្មការអន្តរក្រសួងប្រយុទ្ធនឹងជំងឺកូវីដ-១៩។ (រូបថត៖ Thmey Thmey.com)
សម្ដេចតេជោ ហ៊ុន សែន បានសរសេរនៅលើបណ្ដាញសង្គមហ្វេសប៊ុក នៅព្រឹកថ្ងៃទី២៦ ខែកក្កដា ឆ្នាំ២០២០ ថា «ថ្មីៗនេះយើងបានឃើញចំនួនអ្នកមានមេរោគកូវីដ-១៩ ចំនួនច្រើន គឺជាអ្នកធ្វើដំណើរ តាមជើងយន្តហោះមកពីប្រទេសម៉ាឡេស៊ី និងឥណ្ឌូនេស៊ី ដូច្នេះហើយពេលនេះកម្ពុជាយើង បានសម្រេចផ្អាកជើងហោះហើរមកពីប្រទេសទាំងពីរនេះ ជាបណ្តោះអាសន្នសិន»។
សម្ដេចតេជោ អំពាវនាវឲ្យប្រជាពលរដ្ឋប្រុងប្រយ័ត្នខ្ពស់ជាប់ជានិច្ច កុំមើលស្រាលជំងឺកូវីដ-១៩ឲ្យសោះ ព្រោះជំងឺរលាកផ្លូវដង្ហើមនេះ គឺជាជំងឺឆ្លងរាតត្បាតដ៏កាចសហាវបំផុត ហើយពុំទាន់មានថ្នាំព្យាបាល នៅឡើយទេ។
លោក ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានគណៈកម្មការអន្តរក្រសួងប្រយុទ្ធនឹងជំងឺកូវីដ-១៩ថ្មីៗក្រោយមានករណីនាំចូលអ្នកឆ្លង COVID-19 ជាបន្តបន្ទាប់ គណៈកម្មការអន្តរក្រសួងប្រយុទ្ធនឹងជំងឺកូវីដ-១៩ បានសម្រេចផ្អាកជាបណ្តោះអាសន្ននូវជើងហោះហើរពីម៉ាឡេស៊ី និងឥណ្ឌូណេស៊ី មួយរយៈចាប់ពីថ្ងៃទី១ ខែសីហនា។ ការផ្អាកនេះ គឺធ្វើតាមចំណារនាយករដ្ឋមន្ត្រីចុះនៅថ្ងៃទី២៥ ខែកក្កដា។
សេចក្តីប្រកាសដែលចុះហត្ថលេខាដោយ លោក ម៉ម ប៊ុនហេង រដ្ឋមន្ត្រីក្រសួងសុខាភិបាលនិងជាប្រធានគណៈកម្មការអន្តរក្រសួងប្រយុទ្ធនឹងជំងឺកូវីដ-១៩ កត់សម្គាល់ពីការឆ្លង COVID-19 នារយៈពេលចុងក្រោយនេះ នៅកម្ពុជា ដោយភាគច្រើនអ្នកដំណើរពីម៉ាឡេស៊ី និងឥណ្ឌូណេស៊ី។
ក្នុងចំណោមករណីឆ្លងថ្មី១០៨នាក់ ចាប់ពីថ្ងៃទី២០ ខែមិថុនា មាន៥៥នាក់ បានជិះតាមជើងហោះហើរពីម៉ាឡេស៊ី និងផ្សេងទៀតពីឥណ្ឌូណេស៊ី៕
(បូកសរុបដោយឌីណា)
មតិពីមិត្តអ្នកអាន