មន្ទីរពេទ្យហូឡង់៖ សំណង់គូសសញ្ញាសម្គាល់មនោសញ្ចេតនារបស់ប្រជាជនវៀតណាម និងប្រជាជនហូឡង់

ពង្រឹងកិច្ចសហប្រតិបត្តិការរវាងសាកលវិទ្យាល័យវៀតណាម និងហូឡង់

ក្លឹបការទូតស្ត្រីអាស៊ាននៅប្រទេសហូឡង់ត្រូវបានបង្កើតឡើងក្នុងគោលបំណងថែរក្សា និងលើកកម្ពស់ស្មារតីនៃសាមគ្គីភាពក្នុងចំណោមស្ថានទូតនានាក្នុងអាស៊ាន។

Quang Tri - MCNV Memorial House មានទីតាំងនៅក្នុងបរិវេណមហាវិទ្យាល័យវេជ្ជសាស្ត្រ Quang Tri ជាកន្លែងដែលវត្ថុបុរាណរបស់មន្ទីរពេទ្យហូឡង់ចាស់ត្រូវបានរក្សាទុក។

នៅពេលទៅលេងផ្ទះអនុស្សាវរីយ៍មួយ ដែលមានទីតាំងនៅបរិវេណនៃមហាវិទ្យាល័យវេជ្ជសាស្ត្រ Quang Tri លោក Marcel Tromp ដែលជាម្ចាស់ជំនួយជនជាតិហូឡង់បានចង្អុលទៅកែវចាស់ដែលដាក់ក្នុងប្រអប់កញ្ចក់ ហើយនិយាយថា៖ «ខ្ញុំក៏មានកែវបែបនេះដែរ។ ខ្ញុំ​និង​បង​ប្អូន​ផ្សេង​ទៀត​យក​មក​គោះ​ទ្វារ​ផ្ទះ​ដើម្បី​ប្រមូល​ជំនួយ​ជួយប្រជាជន​វៀតណាម»។

Ans Hartskeerl សមាជិកម្នាក់ទៀតនៃក្រុមអ្នកផ្តល់ជំនួយជនជាតិហូឡង់ បានមើលរូបថតបុរសជនជាតិហូឡង់ដែលកំពុងជួសជុលម៉ាស៊ីនដេរ ហើយនិយាយថា៖ «ពេល​នោះ​ខ្ញុំ​បាន​សុំ​ប្តី​ខ្ញុំ​យក​ម៉ាស៊ីន​ដេរ​នៅ​ផ្ទះ​ទៅ​បរិច្ចាគ​ដល់​ជន​ជាតិ​វៀតណាម។​ ពេល​នោះ​ខ្ញុំ​សោកស្ដាយ​ព្រោះ​វា​ជា​វត្ថុ​អនុស្សាវរីយ៍​ដែល​ម្ដាយ​ខ្ញុំ​បន្សល់​ទុក ប៉ុន្តែ​ខ្ញុំ​គិត​ថា​ប្រជាជន​វៀតណាម​ត្រូវ​ការ​វា​ច្រើន​ជាង​ខ្ញុំ»។

នៅឯវិមានអនុស្សាវរីយ៍ Quang Tri - MCNV ក៏រក្សាទុកវត្ថុបុរាណជាច្រើនទៀតផងដែរ។ ទាំងនេះគឺជាវីដេអូ ផ្ទាំងរូបភាព និងរូបភាពនៃចលនាប្រឆាំងសង្រ្គាម ដែលបង្ហាញពីសាមគ្គីភាពរបស់ប្រជាជនហូឡង់ ចំពោះប្រជាជនវៀតណាម ក៏ដូចជាប្រវត្តិនៃការអភិវឌ្ឍន៍របស់ MCNV។

នៅឆ្នាំ ១៩៧៣ ផ្តើមចេញពីគំនិតផ្តួចផ្តើមរបស់លោកវេជ្ជបណ្ឌិត Nick Van Rhijn MCNV គ្រោងនឹងសាងសង់មន្ទីរពេទ្យវាលយសម្រាប់ខេត្ត Quang Tri ដែលជាតំបន់ដែលរងផលប៉ះពាល់ខ្លាំងបំផុតដោយសង្រ្គាម។ ឆ្នាំ ១៩៧៧ មន្ទីរពេទ្យហូឡង់ត្រូវបានសម្ពោធជាផ្លូវការ។

ថ្លែងមតិក្នុងកម្មវិធីសន្ទនា និងផ្លាស់ប្តូរមិត្តភាពជាមួយដៃគូ អ្នកជំនាញ និងម្ចាស់ជំនួយហូឡង់ដែលកំពុងធ្វើការនៅ Quang Tri ក្នុងឱកាសរំលឹកខួបលើកទី ៤៥ នៃការបង្កើតទំនាក់ទំនងការទូតវៀតណាម - ហូឡង់ និង ៥០ ឆ្នាំ នៃការបង្កើត MCNV, លោក Ha Sy Dong - អនុប្រធាន គណៈកម្មាធិការប្រជាជនខេត្ត Quang Tri បានថ្លែងអំណរគុណចំពោះការយកចិត្តទុកដាក់ និងការគាំទ្រទាន់ពេលវេលា និងប្រកបដោយប្រសិទ្ធភាពរបស់រដ្ឋាភិបាល និងប្រជាជនហូឡង់ ក្នុងរយៈពេលកន្លងមកសម្រាប់ខេត្ត Quang Tri៕

ឌឹកអាញ់

Thoidai.com.vn