ម្ហូបខ្មែរ ឬ អាហារខ្មែរ មានរសជាតិឆ្ងាញ់ហើយមានដើមកំណើតតាំងពីមុខសម័យអង្គរ។ ម្ហូបខ្មែរមានអាចចម្អិនតាមរបស់ សម្ល ចៀន អាំង ស៊ុប គុយទាវ និងតាមរបៀប បង្អែមខ្មែរ ។ បង្អែមខ្មែរនិងភេសជ្ជៈរបស់ជនជាតិមានច្រើនប្រភេទដោយផ្សំឡើងដោយប្រើគ្រឿងក្នុងស្រុកទាំងអស់។ អាហារជាចំបងរបស់ជនជាតិខ្មែរគឺបាយ ហើយម្ហូបភាគច្រើនរបស់ខ្មែរធ្វើពីបន្លែនិងសាច់ដោយម្ហូបខ្លះជនជាតិខ្មែរចូលចិត្តដាក់ប្រហុក ឬខ្ទិះដូង។
 សិល្បៈចម្រៀងចាប៉ីរបស់ ជនជាតិ ខ្មែរ ណាមបូ |
 ជនជាតិ ខ្មែរ ណាមបូ រីករាយពិធីបុណ្យចូលឆ្នាំថ្មី |
 |
| រូបថត៖ ក្រសួងទេសចរ |
ក្នុងសន្និសីទសារព័ត៌មានស្ដីពីការតាំងពិព័រណ៍ពាណិជ្ជកម្មឆ្នាំ២០២២ ក្រោមប្រធានបទ «ម្ហូបអាហារ ភេសជ្ជៈ ទេសចរណ៍ និងសម្ភារៈចម្រុះ» លោក ធួន ស៊ីណាន ប្រធានសមាគមទេសចរណ៍អាស៊ី បាស៊ីហ្វិក (PATA) លើកឡើងថា អាហារបានដើរតួយ៉ាងសំខាន់ក្នុងជីវភាពរស់នៅ និងវិស័យទេសចរណ៍។ យ៉ាងណាមិញ ការរៀបចំពិព័រណ៍ពាណិជ្ជកម្ម ដោយរួមបញ្ចូលទាំងម្ហូបអាហារ គឺដើម្បីផ្សព្វផ្សាយអាហារតាមតំបន់ក្នុងប្រទេសកម្ពុជាដល់ទេសចរអន្តរជាតិ និងលើកកម្ពស់ជីវភាពប្រជាជនក្នុងសហគមន៍។
«ក្នុងពិព័រណ៍ដែលយើងកំពុងធ្វើនេះក្រៅពីទេសចរណ៍ អាហារស្ថិតនៅលំដាប់លេខ២។ យើងចង់ឱ្យខេត្តនីមួយៗមានអត្តសញ្ញាណរបស់ខ្លួន ក្នុងការផ្សព្វផ្សាយដល់ទេសចរជាតិ-អន្តរជាតិ។ ឧទាហរណ៍ទេសចរទៅសៀមរាបគេញ៉ាំអី ទៅមណ្ឌលគិរីញ៉ាំម្ហូបអី។ ពេលដែលបងប្អូននឹកឃើញម្ហូបអីមួយ នឹងនឹកឃើញខេត្តនោះតែម្ដង។ ម្ហូបក្នុងប្រទេសកម្ពុជាមានម្ហូបរាប់ពាន់មុខតែ ម្ហូបដែលពិភពលោកស្គាល់តិចតួចមែនទែន ដូចជាហហ្មុក និងឡុកឡាក់សាច់គោជាដើម»។ នេះជាការលើកឡើងរបស់ ធួន ស៊ីណាន។
លោក ធួន ស៊ីណាន បន្តថា ក្នុងពិព័រណ៍ពាណិជ្ជកម្មនេះ អាជីវករតូចតាច នឹងទទួលបានឱកាសលក់គ្រឿងទេសម្ហូប និងផ្សព្វផ្សាយពីម្ហូបតាមតំបន់របស់ពួកគេ ដល់ភ្ញៀវទេសចរ និងក្រុមហ៊ុនមកពីប្រទេសក្នុងតំបន់អាស៊ាន។ លោក ស៊ីណាន រំពឹងថា ទេសចរប្រមាណ ៤០ម៉ឺននាក់នឹងចូលរួមពិព័រណ៍ពាណិជ្ជកម្មនេះ ខណៈក្រុមហ៊ុនចំនួន ៧៥ពីប្រទេសអាស៊ាន និងបណ្ដាប្រទេសផ្សេងទៀតនឹងចូលរួម។
សូមជម្រាបថា ក្រសួងទេសចរណ៍ក៏កំពុងរៀបចំបោះពុម្ពផែនទីម្ហូបអាហារតំបន់ និងសៀវភៅម្ហូបអាហារតំបន់ ដើម្បីប្រែក្លាយម្ហូបតាមតំបន់ទៅជាផលិតផលទេសចរណ៍ថ្មី។ ឯកសារទាំងពីរ នេះក៏ជាជំនួយសម្រាប់ទេសចរ ដែលចង់សិក្សាបន្ថែមពីវប្បធម៌អាហារតាមតំបន់។ លើសពីនេះក្រសួងទេសចរណ៍ នឹងធ្វើឱ្យកម្ពុជាក្លាយជាទេសចរណ៍ម្ហូបអាហារ៕
មតិពីមិត្តអ្នកអាន