នាថ្ងៃទី២១ ខែកញ្ញា គណៈប្រតិភូគណៈកម្មាធិការទទួលបន្ទុកជនជាតិវៀតណាមនៅឯបរទេស ទីក្រុងហូជីមិញ និងសមាគមខ្មែរ-វៀតណាម នៅកម្ពុជា បានផ្ដល់អំណោយជូនប្រជាជនដើមកំណើតវៀតណាម និងប្រជាជនកម្ពុជាដែលមានស្ថានភាពលំបាកជាង ៣៥០ នាក់ក្នុងខេត្តកំពង់ឆ្នាំង។ អំណោយរួមមាន សាច់ប្រាក់មួយលានដុង សំលៀកបំពាក់ និងមីកញ្ចប់។
 ជាលើកដំបូងដែលកងទ័ពនៃប្រទេសទាំងបី ឡាវ វៀតណាម និងកម្ពុជា បានចូលរួមក្នុងសមយុទ្ធជួយសង្គ្រោះ |
 ចំណុចលេចធ្លោ នៃកិច្ចសហប្រតិបត្តិការរវាងរដ្ឋសភាវៀតណាម និងកម្ពុជា |
 |
| លោក Vo Thanh Chat ផ្ដល់អំណោយជូនប្រជាជនដើមកំណើតវៀតណាម និងប្រជាជនកម្ពុជាដែលមានស្ថានភាពលំបាក |
ក្នុងពិធីនេះ លោក Vo Thanh Chat អនុប្រធានគណៈកម្មាធិការទទួលបន្ទុកជនវៀតណាមនៅឯបរទេស ទីក្រុងហូជីមិញ បានឲ្យដឹងថា នេះជាសកម្មភាពជ្រោមជ្រែង “ឆ្នាំមិត្តភាព និងសាមគ្គីភាពរវាងវៀតណាម - កម្ពុជា កម្ពុជា - វៀតណាម ឆ្នាំ ២០២២” ដើម្បីអបអរសាទរខួបលើកទី៥៥ នៃការបង្កើតទំនាក់ទំនងការទូតរវាងវៀតណាម និងកម្ពុជា (ថ្ងៃទី២៤ ខែមិថុនា ឆ្នាំ១៩៦៧ - ថ្ងៃទី២៤ ខែមិថុនា ឆ្នាំ២០២២) ចូលរួមចំណែកពង្រឹងនិងពង្រីកស្មារតីសាមគ្គីភាព និងមិត្តភាពរវាងប្រជាជននៃប្រទេសទាំងពីរវៀតណាម-កម្ពុជា ក្នុងដំណើរការអភិវឌ្ឍ និងសមាហរណកម្មសេដ្ឋកិច្ចអន្តរជាតិ។ ទន្ទឹមនឹងនោះ ក៏បង្ហាញពីមនោសញ្ចេតនា និងការយកចិត្តទុកដាក់ពីថ្នាក់ដឹកនាំ និងប្រជាជនទីក្រុងហូជីមិញ ចំពោះសហគមន៍ជនវៀតណាមនៅកម្ពុជា។
តំណាងអាជ្ញាធរខេត្តកំពង់ឆ្នាំង បានថ្លែងអំណរគុណយ៉ាងជ្រាលជ្រៅចំពោះការជួយដ៏ធំធេងដែលបក្ស រដ្ឋ និងប្រជាជនវៀតណាមជូនដល់ប្រជាជនកម្ពុជា និងថ្លែងអំណរគុណចំពោះមនោសញ្ចេតនារបស់គណៈកម្មាធិការប្រជាជនទីក្រុងហូជីមិញ។
ក្នុងក្របខណ្ឌនៃដំណើរទស្សនកិច្ចនៅកម្ពុជា នាថ្ងៃទី២២ ខែកញ្ញា គណៈកម្មាធិការទទួលបន្ទុកជនវៀតណាមនៅឯបរទេស ទីក្រុងហូជីមិញ និងសមាគមខ្មែរ-វៀតណាមនៅកម្ពុជា បន្តផ្តល់អំណោយជូនដល់បងប្អូនដើមកំណើតវៀតណាម និងប្រជាជនកម្ពុជាដែលមានស្ថានភាពលំបាកចំនួន ១៥០ នាក់នៅខេត្តពោធិ៍សាត់៕
មតិពីមិត្តអ្នកអាន