កម្មវិធីសមយុទ្ធជួយសង្គ្រោះ ដោយក្រសួងការពារជាតិឡាវ វៀតណាម និងកម្ពុជា សម្របសម្រួលរៀបចំឡើងនាថ្ងៃទី១០ ខែកញ្ញា នៅស្រុក Naxaythong រដ្ឋធានីវៀងច័ន្ទ ប្រទេសឡាវ។
 “ស្ពាន” ចងភ្ជាប់ចំណងមិត្តភាពរវាងវៀតណាម និងកម្ពុជា |
 វៀតណាម និងកម្ពុជា ជំរុញកិច្ចសហប្រតិបត្តិការលើច្បាប់យោធា ការពារជាតិ |
 |
| យោងតាមគណៈចាត់តាំង កម្មាភិបាលនិងយុទ្ធជន ជាង ៥០០ នាក់នៃប្រទេសទាំងបីបានចូលរួមក្នុងសមយុទ្ធរួមគ្នាមួយស្តីពីការជួយសង្គ្រោះ |
នេះជាលើកទីមួយហើយដែលកម្មវិធីត្រូវបានប្រព្រឹត្តទៅ តាមកិច្ចព្រមព្រៀងរបស់រដ្ឋមន្ត្រីក្នុងកិច្ចប្រជុំរដ្ឋមន្ត្រីការពារជាតិកម្ពុជា-ឡាវ-វៀតណាមឆ្នាំ ២០១៩ នៅទីក្រុងហាណូយ។ អញ្ជើញចូលរួមក្នុងពិធីបើកសមយុទ្ធនេះ មានឧត្តមសេនីយ៍ឯក Chanthong Soneta-at អនុរដ្ឋមន្ត្រីក្រសួងការពារជាតិឡាវ និងតំណាងក្រសួងការពារជាតិវៀតណាម តំណាងក្រសួងការពារជាតិកម្ពុជា។
ថ្លែងក្នុងពិធីបើកសមយុទ្ធ ឧត្តមសេនីយ៍ឯក Chanthong Soneta-at អនុរដ្ឋមន្ត្រីក្រសួងការពារជាតិឡាវ បានសង្កត់ធ្ងន់ថា សមយុទ្ធនេះគឺជាព្រឹត្តិការណ៍ដ៏សំខាន់ និងមានអត្ថន័យខ្លាំងណាស់សម្រាប់យោធានៃប្រទេសទាំងបី មិនត្រឹមតែពង្រឹងសមត្ថភាព អភិវឌ្ឍន៍ជំនាញក្នុងការឆ្លើយតបទៅនឹងគ្រោះមហន្តរាយធម្មជាតិនៅគ្រប់ស្ថានភាពទាំងអស់ ប៉ុណ្ណោះទេ ថែមទាំងបង្កើតឱកាសសម្រាប់អ្នកចូលរួមផ្លាស់ប្តូរបទពិសោធន៍ និងវប្បធម៌ រួមចំណែកក្នុងការពង្រឹងសាមគ្គីភាព និងការកសាងទំនុកចិត្តរវាងកងកម្លាំងប្រដាប់អាវុធនៃប្រទេសទាំងបី។
កម្មវិធីសមយុទ្ធនេះមានការចូលរួមពីកម្មាភិបាលនិងយុទ្ធជនជិត ៥០០ នាក់នៃកងទ័ពរបស់ប្រទេសទាំងបី។ ក្នុងអំឡុងពេលសមយុទ្ធចាប់ពីថ្ងៃទី ១០ ដល់ថ្ងៃទី ១៥ ខែកញ្ញា កងកម្លាំងជួយសង្គ្រោះ កងទ័ពរបស់ប្រទេសទាំងបីនឹងផ្តោតលើខ្លឹមសារសំខាន់ៗចំនួនពីរ រួមមានការស្វែងរក និងជួយសង្គ្រោះនៅតំបន់លិចទឹក ការងារស្វែងរក និងជួយសង្គ្រោះនៅតំបន់ដែលងាយនឹងរអិលបាក់ដី; ការដួលរលំនៃសំណង់ ការលេចធ្លាយសារធាតុពុលចូលទៅក្នុងបរិស្ថានជាដើម។
យោងតាមលោកឧត្តមសេនីយ៍ឯក Chanthong Soneta-at បាតុភូតអាកាសធាតុខ្លាំង និងបញ្ហាទាក់ទងនឹងការប្រែប្រួលអាកាសធាតុនាំឱ្យកើតមានគ្រោះធម្មជាតិដូចជា ទឹកជំនន់ ខ្យល់ព្យុះ រលកយក្សស៊ូណាមិ ការរញ្ជួយដី ការបាក់ដី គ្រោះរាំងស្ងួត និងជំងឺរាតត្បាត... មិនត្រឹមតែបង្កការគំរាមកំហែងយ៉ាងធ្ងន់ធ្ងរដល់អាយុជីវិត ទ្រព្យសម្បត្តិ និងជីវភាពរស់នៅរបស់ប្រជាជនប៉ុណ្ណោះទេ ប៉ុន្តែថែមទាំងបង្កការខូចខាតយ៉ាងសម្បើមដល់ហេដ្ឋារចនាសម្ព័ន្ធសេដ្ឋកិច្ច និងបរិស្ថាន ដែលរារាំងដល់ការអភិវឌ្ឍន៍សេដ្ឋកិច្ចសង្គមរបស់សមាគមនៃប្រទេសជុំវិញពិភពលោក រួមទាំងប្រទេសចំនួនបី៖ ឡាវ វៀតណាម និងកម្ពុជា។
ដូច្នេះហើយ រដ្ឋាភិបាល និងកងទ័ពនៃប្រទេសទាំងបី តែងតែផ្តល់អាទិភាពលើការងារ ដើម្បីទប់ស្កាត់ និងឆ្លើយតបទៅនឹងការគំរាមកំហែងផ្នែកសន្តិសុខដែលមិនមែនជាប្រពៃណី ជាពិសេសគ្រោះមហន្តរាយធម្មជាតិ៕
មតិពីមិត្តអ្នកអាន