នគរបាលវៀតណាមត្រៀមខ្លួនជាស្រេចដើម្បីចូលរួមកម្លាំងរក្សាសន្តិភាពនៃអង្គការសហប្រជាជាតិ

មេដឹកនាំប្រទេសនានាផ្ញើសារទូលេខ និងសារលិខិតអបអរសាទរខួបលើកទី៧៧ ទិវាបុណ្យជាតិ នៃសាធារណរដ្ឋសង្គមនិយមវៀតណាម

ពិធីអបអរសាទរទិវាបុណ្យឯករាជ្យជាតិវៀតណាមនៅស៊ូដង់ខាងត្បូង

នគរបាលវៀតណាមត្រៀមខ្លួនជាស្រេចដើម្បីចូលរួមកម្លាំងរក្សាសន្តិភាពនៃអង្គការសហប្រជាជាតិ

កិច្ចប្រជុំកំពូលប៉ូលីសអង្គការសហប្រជាជាតិលើកទី៣ (UNCOPS) ដែលជាព្រឹត្តិការណ៍ដ៏ធំបំផុតដែលរៀបចំដោយអង្គការសហប្រជាជាតិស្តីពីប៉ូលីសអន្តរជាតិ ប្រព្រឹត្តិទៅនៅទីស្នាក់ការអង្គការសហប្រជាជាតិនៅទីក្រុងញូវយ៉ក ចាប់ពីថ្ងៃទី ៣០ ខែសីហាដល់ថ្ងៃទី ៣ ខែកញ្ញា។

ព្រឹត្តិការណ៍នេះមានការចូលរួមពីអគ្គលេខាធិការរងអង្គការសហប្រជាជាតិទទួលបន្ទុកប្រតិបត្តិការសន្តិភាព លោក Jean-Pierre Lacroix មន្ត្រីជាន់ខ្ពស់អង្គការសហប្រជាជាតិជាច្រើននាក់ផ្សេងទៀត និងមេបញ្ជាការប៉ូលិសរាប់រយនាក់មកពីបណ្តាប្រទេសជាសមាជិកអង្គការសហប្រជាជាតិ។

គណៈប្រតិភូវៀតណាមដឹកនាំដោយឧត្តមសេនីយ៍ឯក អនុរដ្ឋមន្ត្រីក្រសួងសន្តិសុខសាធារណៈ Nguyen Duy Ngoc សមាជិកគណៈកម្មាធិការមជ្ឈិមបក្សបានចូលរួម និងផ្ញើជូនអង្គការសហប្រជាជាតិនូវសារមួយថា វៀតណាមត្រៀមខ្លួនជាស្រេចដើម្បីចូលរួមជាមួយកម្លាំងរក្សាសន្តិភាពអន្តរជាតិ។

គណៈប្រតិភូវៀតណាមដឹកនាំដោយ លោក Nguyen Duy Ngoc អនុរដ្ឋមន្ត្រីក្រសួងនគរបាលវៀតណាមបានចូលរួម និងប្រកាសថា វៀតណាមត្រៀមខ្លួនជាស្រេចដើម្បីចូលរួមកម្លាំងរក្សាសន្តិភាពអន្តរជាតិ។

ថ្លែងមតិក្នុងកិច្ចប្រជុំ គណៈប្រតិភូវៀតណាមបានអះអាងថា កម្លាំងនគរបាលវៀតណាមមិនត្រឹមតែគោរពច្បាប់ជាតិប៉ុណ្ណោះទេ ថែមទាំងគោរពគោលការណ៍ជាមូលដ្ឋាននៃច្បាប់អន្តរជាតិ និងធម្មនុញ្ញអង្គការសហប្រជាជាតិ ព្រមទាំងសន្ធិសញ្ញាអន្តរជាតិដែលវៀតណាមជាសមាជិកផងដែរ។

យោងតាមលោកអនុរដ្ឋមន្ត្រី Nguyen Duy Ngoc ក្រសួងនគរបាលវៀតណាមបាននិងកំពុងត្រៀមរៀបចំយ៉ាងសកម្មក្នុងការបញ្ជូននាយទាហានទៅចូលរួមកងកម្លាំងរក្សាសន្តិភាពរបស់អង្គការសហប្រជាជាតិ ក៏ដូចជាផ្លាស់ប្តូរ និងរៀនពីបទពិសោធន៍របស់ដៃគូក្នុងវិស័យនេះ។ បច្ចុប្បន្ននេះ ក្រសួងនគរបាលកំពុងបង្កើនការបណ្តុះបណ្តាលសម្រាប់នាយទាហានដើម្បីចូលរួមកងកម្លាំងនគរបាលរក្សាសន្តិភាពនៃអង្គការសហប្រជាជាតិ។ ក្រសួងនគរបាលវៀតណាមបានស្នើឲ្យអង្គការសហប្រជាជាតិបញ្ជូនអ្នកជំនាញ និងទីប្រឹក្សា ដើម្បីជួយគាំទ្រការបណ្តុះបណ្តាលសម្រាប់នគរបាលវៀតណាម៕

យោងតាមកាសែតកងទ័ពប្រជាជន