នារសៀលថ្ងៃទី១ ខែសីហា នៅរាជធានីភ្នំពេញ គណៈប្រតិភូសមាគមមិត្តភាពវៀតណាម-កម្ពុជា ដឹកនាំដោយលោកស្រី Nguyen Thi Thanh អនុប្រធានគណៈចាត់តាំងមជ្ឈិមបក្ស និងជាប្រធានសមាគមមិត្តភាពវៀតណាម-កម្ពុជា បានជួបពិភាក្សាការងារជាមួយគណៈប្រតិភូសមាគមមិត្តភាពកម្ពុជា-វៀតណាម ដែលដឹកនាំដោយលោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានសមាគមមិត្តភាពកម្ពុជា-វៀតណាម។
 គណៈកម្មាធិការមជ្ឈិមរណសិរ្សមាតុភូមិវៀតណាម អញ្ជើញចូលជួបសម្តែងការគួរសមជាមួយសម្តេច សាយ ឈុំ និងលោកជំទាវ ម៉ែន សំអន |
 អគ្គលេខាបក្ស លោក Nguyen Phu Trong បានអញ្ជើញទទួលជួបជាមួយលោកជំទាវ ម៉ែន សំអន |
 |
| ភាគីទាំងពីរបានចុះហត្ថលេខាលើអនុស្សរណៈនៃកិច្ចសហប្រតិបត្តិការ |
ថ្លែងមតិក្នុងជំនួបនេះ លោកជំទាវ ម៉ែន សំអន បានបញ្ជាក់ថា ប្រជាជនកម្ពុជាចងចាំជានិច្ចនូវការគាំទ្រ និងការលះបង់ដ៏ធំធេងរបស់អ្នកជំនាញ និងកងទ័ពស្ម័គ្រចិត្តវៀតណាមដែលបានរួមជាមួយកងទ័ព និងប្រជាជនកម្ពុជាវាយផ្តួលរំលំរបបប្រល័យពូជសាសន៍ខ្មែរក្រហមក្នុងឆ្នាំ ១៩៧៩។
លោកជំទាវឧបនាយករដ្ឋមន្ត្រី ម៉ែន សំអន បានសង្កត់ធ្ងន់ថា “វៀតណាម-កម្ពុជា គឺជាបងប្អូន អ្នកជិតខាង ទំនាក់ទំនងមិត្តភាពជាយុទ្ធសាស្ត្រនិងប្រពៃណីរវាងប្រជាជាតិទាំងពីរស្ថិតស្ថេរជារៀងរហូតដែលគ្មានអ្វីៗអាចបំបែកបំបាក់បានឡើយ។ប្រទេសទាំងពីរដែលឆ្លងកាត់សង្គ្រាមការពារឯករាជ្យភាពនិងសន្តិភាព ហើយទំនាក់ទំនងនេះកាន់តែរីកចម្រើន ជាពិសេសក្នុង រយៈពេលថ្មីៗនេះដែលប្រទេសទាំងពីរមានសន្តិភាព ស្ថិរភាព និងទទួលបានជោគជ័យក្នុងកិច្ចសហប្រតិបត្តិការលើគ្រប់វិស័យ” ។
ប្រធានសមាគមមិត្តភាពវៀតណាម-កម្ពុជា លោកស្រី Nguyen Thi Thanh ក៏បានអះអាងផងដែរថា វៀតណាមនឹងខិតខំប្រឹងប្រែងអស់ពីសមត្ថភាពរួមជាមួយកម្ពុជាដើម្បីពង្រឹងនិងពង្រីកឥតឈប់ឈរនូវទំនាក់ទំនងមិត្តភាពជាប្រពៃណី សាមគ្គីភាព និងកិច្ចសហប្រតិបត្តិការលើគ្រប់ជ្រុងជ្រោយ និងជួយគ្នាទៅវិញទៅមករវាងប្រជាជាតិទាំងពីរ។
បន្ទាប់ពីបង្កើតទំនាក់ទំនងការទូត ទំនាក់ទំនងរវាងសាធារណរដ្ឋប្រជាធិបតេយ្យវៀតណាម និងព្រះរាជាណាចក្រកម្ពុជា មានការអភិវឌ្ឍន៍ថ្មី។ រដ្ឋាភិបាលនៃព្រះរាជាណាចក្រកម្ពុជា គឺជារដ្ឋាភិបាលមួយក្នុងចំណោមរដ្ឋាភិបាលដំបូងគេនៅលើពិភពលោក ដែលទទួលស្គាល់រដ្ឋាភិបាលបដិវត្តបណ្តោះអាសន្ននៃសាធារណរដ្ឋវៀតណាមខាងត្បូង ដោយអនុវត្តគោលនយោបាយអព្យាក្រឹតភាព និងសកម្មគាំទ្រការតស៊ូរបស់ប្រជាជនវៀតណាម។
ប៉ុន្មានឆ្នាំក្រោយមក ប្រជាជនវៀតណាម និងកម្ពុជាបានបន្តឈរក្បែរគ្នាក្នុងការតស៊ូរំដោះជាតិ ដោយផ្តល់ការគាំទ្រដ៏មានតម្លៃដល់គ្នាទៅវិញទៅមក និងទទួលបានជ័យជំនះជាប្រវត្តិសាស្ត្រនៅនិទាឃរដូវឆ្នាំ ១៩៧៥។
ក្នុងអំឡុងពេលនេះ វៀតណាម និងកម្ពុជាបានចុះហត្ថលេខាលើឯកសារកិច្ចសហប្រតិបត្តិការជាច្រើន ដើម្បីជំរុញទំនាក់ទំនងរវាងប្រទេសទាំងពីរ រួមទាំងសន្ធិសញ្ញាសន្តិភាព មិត្តភាព និងកិច្ចសហប្រតិបត្តិការនៅខែកុម្ភៈ ឆ្នាំ១៩៧៩។ ទន្ទឹមនឹងនោះ វៀតណាមបន្តគាំទ្រកម្ពុជាដោយអស់ពីចិត្តក្នុងដំណើរការកសាង កសាង និងអភិវឌ្ឍន៍ប្រទេស។
ជម្នះរាល់ការលំបាក កម្ពុជាបន្តរីកចម្រើនឥតឈប់ឈរលើមាគ៌ាកសាងជាតិ។ ទំនាក់ទំនងមិត្តភាព និងកិច្ចសហប្រតិបត្តិការរវាងប្រទេសយើងទាំងពីរ បន្តត្រូវបានថែរក្សា និងអភិវឌ្ឍន៍៕
មតិពីមិត្តអ្នកអាន