ការបន្ត "ដំណើរការសាបព្រោះពន្លកបៃតងនៃក្តីសង្ឃឹម" សម្រាប់កុមារពិការនៅខេត្ត Dien Bien

ថ្នាក់ដឹកនាំមន្ទីរសុខាភិបាល និងតំណាងអ្នកឧបត្ថម្ភ ប្រគល់កាដូជូនដល់កុមារមានជំងឺ និងក្រុមគ្រួសារដែលបានចូលរួមក្នុងកម្មវិធី។

នៅក្នុងការថ្លែងមតិក្នុងកម្មវិធី ប្រធានមន្ទីរសុខាភិបាលខេត្ត Dien Bien លោក Pham Giang Nam បានឱ្យដឹងថា ចាប់តាំងពីឆ្នាំ ២០១៩ រហូតមកដល់ពេលនេះ តាមរយៈកិច្ចសហការរវាងមន្ទីរសុខាភិបាល និងមជ្ឈមណ្ឌលទី ២ គាំទ្រកុមារពិការដោយផ្ទាល់ នៃសមាគមសង្គ្រោះកុមារពិការវៀតណាម កម្មវិធីសម្រេចបានការវះកាត់ចំនួន ៨៧៤ ករណី និងការអនុវត្តនីតិវិធីវេជ្ជសាស្ត្រចំនួន ៤០ ករណីដោយឥតគិតថ្លៃ ជូនដល់កុមារពិការនៅក្នុងភូមិសាស្ត្រខេត្ត។ រាល់ករណីទាំងអស់សុទ្ធសឹងតែត្រូវបានតាមដាន ព្យាបាលយ៉ាងគ្រប់ជ្រុងជ្រោយ និងធានាបាននូវសុវត្ថិភាពមុនពេលចាកចេញពីមន្ទីរពេទ្យ។

នៅក្នុងឆ្នាំ ២០២៦ នេះ ដោយបន្តនូវលទ្ធផលទាំងឡាយដែលសម្រេចបាន ក្រោយដំណើរការពិនិត្យជម្រុះនៅតាមបណ្តាមូលដ្ឋានសុខាភិបាល មានកុមារដែលមានពិការភាពផ្សេងៗផ្នែកចលនា ភ្នែក ធ្មេញ ថ្គាម មុខ ត្រចៀក ច្រមុះ បំពង់ក រលាក ផ្លូវទឹកនោម... ចំនួន ៣៧០ នាក់ ត្រូវបានពិនិត្យ ពិគ្រោះយោបល់ ព្យាបាល និងវះកាត់។ នេះគឺជាសកម្មភាពដែលមានអត្ថន័យមនុស្សធម៌យ៉ាងជ្រាលជ្រៅ ដែលរួមចំណែកជួយឱ្យប្អូនៗមានឱកាសទទួលបានការព្យាបាល ស្តារមុខងារឡើងវិញ កែលម្អគុណភាពជីវិត និងធ្វើសមាហរណកម្មសង្គម។

ប្រធានមន្ទីរសុខាភិបាលខេត្ត Dien Bien លោក Pham Giang Nam បានកត់សម្គាល់ និងថ្លែងអំណរគុណចំពោះការជួយជ្រោមជ្រែងពីសំណាក់មជ្ឈមណ្ឌលទី ២ គាំទ្រកុមារពិការដោយផ្ទាល់ បណ្តាអ្នកជំនាញ គ្រូពេទ្យ អង្គការសប្បុរសធម៌ និងបណ្តាអ្នកឧបត្ថម្ភ ដែលបានរួមដំណើរជាមួយកម្មវិធីក្នុងរយៈពេលច្រើនឆ្នាំកន្លងមកនេះ ដោយនាំមកនូវឱកាសព្យាបាលជំងឺ និងផ្លាស់ប្តូរជីវិតសម្រាប់កុមារដែលមានជីវភាពជួបការលំបាកជាពិសេសជាច្រើនរូបនៅក្នុងភូមិសាស្ត្រខេត្ត។

ដើម្បីឱ្យកម្មវិធីទទួលបានប្រសិទ្ធភាពខ្ពស់ ប្រធានមន្ទីរសុខាភិបាលបានស្នើឱ្យមន្ទីរពេទ្យបង្អែកខេត្ត បន្តសហការយ៉ាងជិតស្និទ្ធជាមួយមជ្ឈមណ្ឌលទី ២ ក្រុមការងារអ្នកជំនាញ និងបណ្តាអង្គភាពពាក់ព័ន្ធ ដើម្បីអនុវត្តឱ្យបានម៉ឺងម៉ាត់នូវរាល់ដំណើរការជំនាញក្នុងការពិនិត្យ ជម្រុះ វះកាត់ និងការថែទាំក្រោយការវះកាត់ ធានាបាននូវសុវត្ថិភាពដាច់ខាតសម្រាប់អ្នកជំងឺ ព្រមទាំងបង្កលក្ខណៈងាយស្រួលបំផុតដើម្បីឱ្យប្អូនៗអាចឈានទៅទទួលបាននូវសេវាសុខាភិបាលដែលមានគុណភាព និងប្រសិទ្ធភាព។

កម្មវិធី «ដំណើរការសាបព្រោះពន្លកបៃតងនៃក្តីសង្ឃឹម» បន្តអះអាងអំពីការយកចិត្តទុកដាក់របស់បណ្តាថ្នាក់ ជំនាញ និងសង្គមទាំងមូល ចំពោះការងារថែទាំ និងការពារកុមារ ដែលរួមចំណែកអនុវត្តប្រកបដោយប្រសិទ្ធភាពនូវគោលនយោបាយសន្តិសុខសង្គម នាំមកនូវជំនឿចិត្ត និងក្តីសង្ឃឹមសម្រាប់កុមារដែលមានវាសនាមិនល្អនៅក្នុងភូមិសាស្ត្រខេត្ត Dien Bien៕

នាយករដ្ឋមន្ត្រីវៀតណាមចុះសួរសុខទុក្ខប្រជាពលរដ្ឋ និងដឹកនាំការស្តារទឹកជំនន់នៅខេត្ត Dien Bien យុគសម័យ - នារសៀលថ្ងៃទី៣ ខែសីហា នាយករដ្ឋមន្ត្រី Pham Minh Chinh បានអញ្ជើញទៅបំពេញទស្សនកិច្ចនៅខេត្ត Dien Bien ដើម្បីសាកសួរសុខទុក្ខ ចែករំលែក លើកទឹកចិត្ត និងដឹកនាំការងារជំនះពុះពារលើផលវិបាកនៃទឹកជំនន់ និងខ្យល់ព្យុះ ខណៈបន្តផ្តោតការយកចិត្តទុកដាក់លើការឆ្លើយតបនឹងគ្រោះរអិលបាក់ដី និងគ្រោះទឹកជំនន់ដែលអាចកើតមានឡើងក្នុងរយៈពេលប៉ុន្មានថ្ងៃខាងមុខ។

ស្មារតី “Dien Bien Phu” ត្រូវតែបន្តពង្រីកក្នុងសម័យកាលសន្តិភាព យុគសម័យ - នារសៀលថ្ងៃទី២៧ ខែកក្កដា លោក To Lam អគ្គលេខាបក្ស និងគណៈប្រតិភូមជ្ឈិមបក្សបានធ្វើការជាមួយគណៈកម្មាធិការបក្សភាគខេត្ត Dien Bien អំពីស្ថានភាព និងលទ្ធផលនៃការអនុវត្តសេចក្តីសម្រេចចិត្ត និងសេចក្តីសន្និដ្ឋានរបស់គណៈកម្មាធិការមជ្ឈិមបក្ស ការដឹកនាំអភិវឌ្ឍសេដ្ឋកិច្ចសង្គម ធានាការពារជាតិ សន្តិសុខ និងសន្តិសុខសង្គមក្នុងខេត្ត។

ឌឹកអាញ់

thoidai.com.vn