ការជំរុញការទាក់ទាញ និងពង្រីកបណ្តាញអ្នកវិទ្យាសាស្ត្រ អ្នកជំនាញ និងបញ្ញវន្តវ័យក្មេងនៅប្រទេសស៊ុយអែត

ព្រឹត្តិការណ៍នេះត្រូវបានរៀបចំឡើងក្នុងពេលដំណាលគ្នានៅឯចំណុចតភ្ជាប់ទាំងពីរគឺទីក្រុង Stockholm និង Bjuv ដោយមានការចូលរួមពីសមាជិកផ្លូវការជាង ៤០ រូប រួមជាមួយនិងភ្ញៀវកិត្តិយសជាច្រើន។ នេះគឺជាឱកាសមួយដើម្បីឱ្យសមាគមរំលឹកឡើងវិញនូវផ្លូវនៃការកសាងនិងការអភិវឌ្ឍក្នុងរយៈពេលពីរឆ្នាំកន្លងមកនេះ ចាប់តាំងពីការបង្កើតឡើងនាថ្ងៃទី ២៩ មិថុនា ឆ្នាំ ២០២៤ ព្រមទាំងពិភាក្សាអំពីទិសដៅសកម្មភាពសម្រាប់ដំណាក់កាលបន្ទាប់។

នៅក្នុងក្របខ័ណ្ឌនៃកម្មវិធី គណៈប្រតិបត្តិសមាគមបានរាយការណ៍អំពីលទ្ធផលនៃសកម្មភាពលេចធ្លោនានាក្នុងរយៈពេលពីរឆ្នាំកន្លងទៅ។ ពីទ្រង់ទ្រាយដំបូងដែលមានសមាជិកប្រហែល ២០ រូប រហូតមកដល់ពេលនេះ សមាគមបានពង្រីកបណ្តាញរបស់ខ្លួនរហូតដល់ទៅជិត ១០០ រូប ដែលក្នុងនោះមានសមាជិកផ្លូវការប្រមាណ ៦០ រូប កំពុងបម្រើការងារ ស្រាវជ្រាវ និងធ្វើការនៅក្នុងវិស័យជាច្រើន ដូចជា វិទ្យាសាស្ត្រ បច្ចេកវិទ្យា ការច្នៃប្រឌិតបង្កើតថ្មី ការផ្លាស់ប្តូរឌីជីថល និងសុខាភិបាលនៅក្នុងប្រទេសស៊ុយអែត។

ឯកអគ្គរដ្ឋទូតវៀតណាមប្រចាំនៅប្រទេសស៊ុយអែត លោក Tran Van Tuan ថ្លែងមតិក្នុងព្រឹត្តិការណ៍។

ក្នុងរយៈពេលកន្លងមកនេះ សមាគមបានរៀបចំនូវសកម្មភាពជាក់ស្តែងនិងមានអត្ថន័យជាច្រើន ដែលរួមចំណែកបង្កើនការតភ្ជាប់សហគមន៍បញ្ញវន្តវៀតណាមនៅប្រទេសស៊ុយអែត។ អ្វីដែលលេចធ្លោនោះគឺ បណ្តាកម្មវិធីចែករំលែកអំពីភាពខុសប្លែកគ្នារវាងវប្បធម៌អាស៊ីខាងកើត (ដែលក្នុងនោះមានវៀតណាម) ជាមួយនឹងវប្បធម៌អឺរ៉ុបខាងជើង សំដៅជួយជ្រោមជ្រែងដល់សមាជិកវ័យក្មេងក្នុងការលើកកម្ពស់សមត្ថភាពធ្វើសមាហរណកម្ម និងការអភិវឌ្ឍអាជីព, សកម្មភាពប្រឹក្សាតម្រង់ទិសវិជ្ជាជីវៈ ជួយឱ្យសមាជិកកំណត់បាននូវទិសដៅនិងផ្លូវនៃការអភិវឌ្ឍដែលសមស្របនឹងខ្លួនឯង, ព្រមទាំងការរៀបចំជាទៀងទាត់នូវបណ្តាសិក្ខាសាលាឯកទេស និងវេទិកាផ្លាស់ប្តូរបទពិសោធន៍និងចំណេះដឹងនៅក្នុងបណ្តាវិស័យវិទ្យាសាស្ត្រ បច្ចេកវិទ្យា ការផ្លាស់ប្តូរឌីជីថល ការច្នៃប្រឌិតបង្កើតថ្មី និងការថែទាំសុខភាព។

នៅក្នុងព្រឹត្តិការណ៍ AVISE DAY ២០២៦ នេះផងដែរ AVISE បានរៀបចំការបោះឆ្នោតជ្រើសរើសគណៈកម្មាធិការប្រតិបត្តិសម្រាប់អាណត្តិ ២០២៦–២០២៧។ ជាមួយនឹងការឯកភាពគ្នាយ៉ាងដាច់ខាតពីសំណាក់សមាជិកដែលបានចូលរួម គណៈកម្មាធិការប្រតិបត្តិសម្រាប់អាណត្តិថ្មីត្រូវបានបោះឆ្នោតជ្រើសរើសឡើង ដែលរួមមានការចូលរួមពីបណ្តាសមាជិកដែលមានបទពិសោធន៍ជោកជាំពីអាណត្តិមុន រួមជាមួយនិងទម្រង់មុខវ័យក្មេងប្រកបដោយភាពរស់រវើកនិងការលះបង់ខ្ពស់ជាច្រើនរូប។ លទ្ធផលនេះបានបង្ហាញពីការបន្តវេននិងការអភិវឌ្ឍនៅក្នុងសកម្មភាពរបស់សមាគម ដោយមានការរួមបញ្ចូលគ្នារវាងបទពិសោធន៍ជំនាញរបស់អ្នកវិទ្យាសាស្ត្រ និងអ្នកជំនាញចាស់វស្សា ជាមួយនឹងស្មារតីច្នៃប្រឌិតនិងការផ្លាស់ប្តូរថ្មីនៃជំនាន់បញ្ញវន្តវ័យក្មេងវៀតណាមនៅប្រទេសស៊ុយអែត។

បណ្តាប្រតិភូថតរូបទុកជាអនុស្សាវរីយ៍។

នៅក្នុងការថ្លែងមតិក្នុងព្រឹត្តិការណ៍ AVISE DAY 2026 ឯកអគ្គរដ្ឋទូតវៀតណាមប្រចាំនៅប្រទេសស៊ុយអែត លោក Tran Van Tuan បានវាយតម្លៃខ្ពស់ចំពោះលទ្ធផលទាំងឡាយដែលសមាគមអ្នកជំនាញវិទ្យាសាស្ត្រ និងបច្ចេកវិទ្យាវៀតណាមនៅប្រទេសស៊ុយអែតសម្រេចបានក្នុងរយៈពេលកន្លងមក។ លោកឯកអគ្គរដ្ឋទូតបានកត់សម្គាល់នូវរាល់ការខិតខំប្រឹងប្រែងរបស់សមាគមក្នុងការពង្រីកបណ្តាញសមាជិក ការរៀបចំប្រកបដោយប្រសិទ្ធភាពនូវបណ្តាសកម្មភាពជំនាញ ការកសាងបរិយាកាសតភ្ជាប់ និងការជួយជ្រោមជ្រែងទៅវិញទៅមកក្នុងចំណោមអ្នកជំនាញនិងអ្នកវិទ្យាសាស្ត្រ ព្រមទាំងការចូលរួមយ៉ាងសកម្មជាមួយស្ថានទូតនៅក្នុងបណ្តាសកម្មភាពតម្រង់ទិសឆ្ពោះទៅរកសហគមន៍ជនជាតិវៀតណាមនៅប្រទេសស៊ុយអែត។

លោកឯកអគ្គរដ្ឋទូតបានសង្កត់ធ្ងន់ថា តាមរយៈបណ្តាសកម្មភាពរបស់ Avise ស្ថានទូតបានស្វែងរកឃើញ និងតភ្ជាប់ជាមួយអ្នកវិទ្យាសាស្ត្រ និងបញ្ញវន្តវ័យក្មេងវៀតណាមជាច្រើនរូប ដែលមានប្រធានបទស្រាវជ្រាវយ៉ាងឆ្នើម ម្ចាស់នៃបណ្តាគម្រោងវិទ្យាសាស្ត្រជឿនលឿន និងមានតម្លៃអនុវត្តជាក់ស្តែងខ្ពស់ ដែលពីចំណុចនោះមក បានណែនាំត្រឡប់ទៅកាន់ក្នុងប្រទេសវិញ ហើយត្រូវបានកត់សម្គាល់ ព្រមទាំងផ្តល់កិត្តិយសនៅក្នុងបណ្តារង្វាន់វិទ្យាសាស្ត្ររបស់ប្រទេសវៀតណាម។

នាពេលខាងមុខ ឯកអគ្គរដ្ឋទូត លោក Tran Van Tuan បានសម្តែងនូវបំណងចង់ឱ្យសមាគមបន្តពង្រីកតួនាទីជាស្ពានចម្លងដ៏សំខាន់នៃសហគមន៍បញ្ញវន្តវៀតណាមនៅប្រទេសស៊ុយអែត, ជំរុញការទាក់ទាញ និងពង្រីកបណ្តាញអ្នកវិទ្យាសាស្ត្រ អ្នកជំនាញ និងបញ្ញវន្តវ័យក្មេង, ម្ចាស់ការក្នុងការស្វែងរកឃើញ និងណែនាំបណ្តាបុគ្គលដែលមានស្នាដៃលេចធ្លោ ដើម្បីតភ្ជាប់និងផ្តល់កិត្តិយសនៅប្រទេសវៀតណាម, ទន្ទឹមនឹងនោះ បង្កើនការចែករំលែកបទពិសោធន៍ ជួយជ្រោមជ្រែងដល់បណ្តាសមាគម ក្លឹប និងក្រុមសហគមន៍ជនជាតិវៀតណាមផ្សេងទៀតនៅប្រទេសស៊ុយអែត សំដៅរួមចំណែកកសាងសហគមន៍ជនជាតិវៀតណាមមួយដ៏មានសាមគ្គីភាព រីកចម្រើន និងធ្វើសមាហរណកម្មយ៉ាងស៊ីជម្រៅទៅក្នុងសង្គមនៃប្រទេសម្ចាស់ផ្ទះ។

ព្រឹត្តិការណ៍ AVISE DAY 2026 បានប្រព្រឹត្តទៅក្នុងបរិយាកាសសាមគ្គីភាព បើកចំហ និងប្រកបដោយការទទួលខុសត្រូវ ដែលបង្ហាញពីការរីកចម្រើនកាន់តែរឹងមាំឡើងៗនៃសហគមន៍បញ្ញវន្តវៀតណាមនៅប្រទេសស៊ុយអែត។ លទ្ធផលទាំងឡាយដែលសម្រេចបានក្នុងរយៈពេលពីរឆ្នាំកន្លងមកនេះ រួមជាមួយនិងទិសដៅសកម្មភាពនៃអាណត្តិថ្មី សន្យានឹងបន្តរួមចំណែកយ៉ាងសកម្មសម្រាប់ដំំណើរការរីកចម្រើននៃសហគមន៍ជនជាតិវៀតណាមនៅប្រទេសស៊ុយអែត ព្រមទាំងបង្កើនការតភ្ជាប់ចំណេះដឹង ជំរុញកិច្ចសហប្រតិបត្តិការវិទ្យាសាស្ត្រ បច្ចេកវិទ្យា និងការច្នៃប្រឌិតបង្កើតថ្មីរវាងវៀតណាម និងស៊ុយអែត៕

វៀតណាមគឺជាប្រទេសដែលមានទំនួលខុសត្រូវចំពោះការអភិវឌ្ឍប្រកបដោយចីរភាពរបស់ពិភពលោក ទីភ្នាក់ងារសារព័ត៌មានសហព័ន្ធរុស្ស៊ី (Riafan) ទើបបានចុះផ្សាយអត្ថបទមួយដែលវាយតម្លៃខ្ពស់ពីតួនាទីនិងឋានៈអន្តរជាតិរបស់វៀតណាម។

អ្នកជំនាញ៖ កំណត់ទូតរបស់អូស្ត្រាលីចំពោះសមុទ្រខាងកើតគឺជាជ័យជំនះនៃច្បាប់អន្តរជាតិ យុគសម័យ - យោងតាមលោកវេជ្ជបណ្ឌិត Bec Strating កំណត់ទូតរបស់អូស្រ្តាលីដែលបានផ្ញើទៅអង្គការសហប្រជាជាតិ «គឺផ្តោតលើទិដ្ឋភាពច្បាប់ច្រើនជាងការរិះគន់ចំពោះអំពើ»។

ឌឹកអាញ់

thoidai.com.vn