យុគសម័យ - នាថ្ងៃទី២៧ ខែធ្នូ ក្រសួងសុខាភិបាល បានសម្របសម្រួលជាមួយក្រសួងការបរទេស ដើម្បីរៀបចំកិច្ចប្រជុំ តាមប្រព័ន្ធអ៊ីនធើណិត ដើម្បីភ្ជាប់ខេត្ត-ក្រុងចំនួន៦៣ នៅទូទាំងប្រទេស ដើម្បីឆ្លើយតបទៅនឹងទិវាអន្តរជាតិសម្រាប់ការបង្ការ និងប្រឆាំងនឹងជំងឺ (ថ្ងៃទី២៧ ខែធ្នូ) ក្រោមប្រធានបទ «ការពង្រឹងនូវការគ្រប់គ្រងក្រុមហានិភ័យ "។
 ការធានាអនាម័យ និងសុវត្ថិភាពចំណីអាហារក្នុងអំឡុងពិធីបុណ្យតេត និងពិធីរដូវបុណ្យនិទាឃរដូវឆ្នាំ ២០២២ |
 វៀតណាមគ្រប់គ្រងសកម្មភាពឆ្លងដែនយ៉ាងតឹងរ៉ឹងដើម្បីការពារកូវីដ-១៩ |
 |
| លោកវេជ្ជបណ្ឌិត Kidong Park ប្រធានតំណាងអង្គការសុខភាពពិភពលោក (WHO) ប្រចាំប្រទេសវៀតណាម ថ្លែងសុន្ទរកថា។ ( រូបថត៖ Minh Quyet/VNA) |
ប្រធានតំណាងអង្គការសុខភាពពិភពលោក (WHO) ប្រចាំនៅវៀតណាម លោក Kidong Park បានសង្កត់ធ្ងន់ថា៖ “វាពិតជាគួរអោយចាប់អារម្មណ៍ណាស់ដែលវៀតណាមអាចទទួលបានវ៉ាក់សាំងជាង ១៦០ លានដូស និងបែងចែកវ៉ាក់សាំងជាង ១៤០ លានដូសដល់ប្រជាជនត្រឹមតែក្នុងរយៈពេល ខ្លីប៉ុណ្ណោះ "។
យោងតាមអនុរដ្ឋមន្ត្រីក្រសួងសុខាភិបាល លោក Nguyen Truong Son គិតត្រឹមថ្ងៃទី ២៣ ខែធ្នូ ឆ្នាំ ២០២១ ប្រទេសទាំងមូលបានចាក់វ៉ាក់សាំង កូវីដ - ១៩ ជិត ១៤៤ លានដូស ក្នុងចំណោមវ៉ាក់សាំងសរុបជាង ១៦៦ លានដូសដែលត្រូវបានបែងចែក។
អត្រាគ្របដណ្តប់នៃវ៉ាក់សាំងយ៉ាងហោចណាស់ ១ ដូសគឺ ៧៩% ហើយអត្រាគ្របដណ្តប់នៃវ៉ាក់សាំងកម្រិតមូលដ្ឋានគ្រប់គ្រាន់គឺ ៦៦% នៃចំនួនប្រជាជនសរុបនៃប្រទេសវៀតណាម។ រហូតមកដល់ពេលនេះ អត្រានេះបានលើសពីគោលដៅកំណត់ដោយអង្គការសុខភាពពិភពលោកនៅចុងឆ្នាំ ២០២១ ដែល ៤០% នៃចំនួនប្រជាជននៃប្រទេសនីមួយៗ បានចាក់វ៉ាក់សាំងប្រឆាំងនឹងកូវីដ -១៩ ។
 |
| ទិដ្ឋភាពនៃកិច្ចប្រជុំ។ (រូបថត៖ Minh Quyet/VNA) |
សម្រាប់ប្រជាជនដែលមានអាយុចាប់ពី ១៨ ឆ្នាំឡើងទៅ ការគ្របដណ្តប់នៃវ៉ាក់សាំងយ៉ាងហោចណាស់ ១ ដូសគឺ ៩៨% ហើយអត្រាចាក់វ៉ាក់សាំងកម្រិតមូលដ្ឋានគ្រប់គ្រាន់គឺ ៨៦% ។ ចាប់ពីខែវិច្ឆិកា ឆ្នាំ ២០២១ តទៅ ខេត្ត ក្រុង បានចាប់ផ្តើមចាក់វ៉ាក់សាំងកុមារអាយុពី ១២ ឆ្នាំដល់អាយុក្រោម ១៨ ឆ្នាំ។
អនុរដ្ឋមន្ត្រី លោក Nguyen Truong Son បានអំពានាវថា៖ "ប្រជាជនទាំងអស់ដែលកំពុងរស់នៅ និងធ្វើការក្នុងប្រទេសវៀតណាម គួរតែទទួលការចាក់វ៉ាក់សាំងបង្ការជំងឺកូវីដ -១៩។ ការចាក់វ៉ាកសាំងមិនត្រឹមតែជាសិទ្ធិនឹងជាទំនួលខុសត្រូវរបស់បុគ្គលម្នាក់ៗ ប៉ុណ្ណោះទេ ប៉ុន្តែក៏ជាទំនួលខុសត្រូវសម្រាប់សហគមន៍ផងដែរ"៕
មតិពីមិត្តអ្នកអាន