ផលិតម្រេចនិងគ្រឿងទេសដែលមានគុណភាពត្រូវបានជំរុញ

បង្កើតលក្ខខណ្ឌអំណោយផល សម្រាប់ផលិតផលត្រីប្រា ត្រីបាសារបស់វៀតណាមចូលទីផ្សារអូស្ត្រាលី

គំរូតភ្ជាប់ការដាំដើម​ស្រកានាគគ្មានជាតិគីមីជួយផ្លាស់ប្ដូរ ផ្នត់​គំនិត​ផលិតកម្ម​របស់​ម្ចាស់ចំការនៅខេត្ត Tien Giang (វៀតណាម)

ផលិតម្រេចនិងគ្រឿងទេសដែលមានគុណភាពត្រូវបានជំរុញ

ការលើកទឹកចិត្តនេះធ្វើឡើងដោយមន្ត្រីជាន់ខ្ពស់រដ្ឋាភិបាល និង CPSF ក្នុងសម័យប្រជុំពេញអង្គរបស់សហព័ន្ធដែលធ្វើឡើងនៅថ្ងៃទី ២៣ ខែធ្នូ។

ថ្លែងក្នុងពិធីនេះ លោក អប់ រ៉ាឌី អគ្គនាយករង នៃអគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម បានមានប្រសាសន៍ថា ក្រសួង ស្ថាប័នពាក់ព័ន្ធ បានខិតខំជានិច្ច ក្នុងការរៀបចំឯកសារផ្លូវច្បាប់ពាក់ព័ន្ធ និងវគ្គបណ្តុះបណ្តាល ស្តីពីការដាំដុះ អនាម័យ ការកែច្នៃ ការវេចខ្ចប់ និង ស្ដង់ដារ ដើម្បីបំពេញតម្រូវការក្នុងទីផ្សារក្នុងស្រុក និងអន្តរជាតិ។

លោក រ៉ាឌី មានប្រសាសន៍ថា “ពាណិជ្ជករម្រេច កសិករ អ្នកកែច្នៃ និងប្រតិបត្តិករ គួរបង្កើនតម្លៃបន្ថែម (value-added price) ដោយពង្រឹង និងពង្រីកខ្សែច្រវ៉ាក់តម្លៃលើការដាំដុះ ការកែច្នៃ អនាម័យ និងការវេចខ្ចប់ ក្រោមម៉ាកដែលបានផ្ទៀងផ្ទាត់ ដើម្បីធានាបាននូវគុណភាព និងវិញ្ញាបនបត្របញ្ជាក់ប្រភពដើមទំនិញ ដើម្បីបំពេញតម្រូវការក្នុងស្រុក និង អតិថិជនបរទេស” ។

យោងតាមក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា ម្រេចត្រូវបានដាំដុះនៅក្នុងខេត្តជាច្រើន ជាពិសេសខេត្តត្បូងឃ្មុំ រតនគិរី ក្រចេះ មណ្ឌលគិរី និងកំពត។

លោក ខាន់ សំបាន អគ្គនាយករងនៃអគ្គនាយកដ្ឋាននៃក្រសួងកសិកម្មបានចង្អុលបង្ហាញ ចាប់ពីឆ្នាំ២០១០ ដល់ឆ្នាំ២០២០ កសិដ្ឋានម្រេចបានកើនឡើងពី ៨៦១ ទៅ ៨,០០៨ ហិកតា ហើយផលិតផលម្រេចត្រូវបាននាំចេញទៅកាន់ប្រទេសវៀតណាម ថៃ សហភាពអឺរ៉ុប ស្វីស ម៉ាឡេស៊ី កូរ៉េខាងត្បូង ជប៉ុន និងឥណ្ឌា។

លោក សំបាន បានមានប្រសាសន៍ថា “ដើម្បីឆ្លើយតបទៅនឹងតម្រូវការទីផ្សារ ដែលបានធានាសុវត្ថិភាពចំណីអាហារ កសិករបានងាកទៅរកការដាំដុះម្រេចក្នុងកសិកម្មល្អ ឬ GAP និងការដាំដុះសរីរាង្គ។

សហព័ន្ធម្រេច និងគ្រឿងទេសកម្ពុជា ដែលបង្កើតឡើងក្នុងឆ្នាំ ២០១៩ មានក្រុមហ៊ុនចំនួន ១៤ និងសមាគមសហគមន៍ម្រេចចំនួន ១៥ ជាសមាជិក ដោយមានគ្រួសារម្រេចសរុបចំនួន ១០០០ គ្រួសារ ក្នុងខេត្តកំពត កោះកុង ពោធិសាត់ បាត់ដំបង ព្រះវិហារ កំពង់ធំ ត្បូងឃ្មុំ មណ្ឌលគិរី និងរតនគិរី។

លោក ម៉ក់ នី ប្រធាន CPSF មានប្រសាសន៍ថា សហព័ន្ធនឹងបន្តធ្វើការយ៉ាងជិតស្និទ្ធជាមួយក្រសួងពាក់ព័ន្ធ និងដៃគូអភិវឌ្ឍន៍ សមាគម និងអ្នកនាំចេញ ដើម្បីជួយលើកកម្ពស់វិស័យម្រេចកម្ពុជាឱ្យមានទីផ្សារកាន់តែទូលំទូលាយ៕

ហេង វុធ្ធី

Khmertimes