អគ្គស្នងការនគរបាលជាតិ នៅថ្ងៃនេះថា នឹងរឹតបន្តឹងសន្តិសុខ សណ្តាប់ធ្នាប់ និងសុវត្ថិភាពក្នុងឱកាសបុណ្យអុំទូក ជាពិសេសនៅតាមតំបន់ទេសចរណ៍សំខាន់ៗ រួមទាំងមុខព្រះបរមរាជវាំង និងជុំវិញ។
 ស្រុកលីសឺន (Ly Son) រៀបចំពិធីអបអរសាទរការប្រណាំងអុំទូក Tu Linh |
 សម្តេចតេជោ ហ៊ុន សែន ថ្លែងសារអបអរសាទរ ក្នុងឱកាសព្រះរាជពិធីបុណ្យអុំទូក |
 |
| សន្តិសុខសណ្តាប់ធ្នាប់រឹតបន្តឹងឱកាសបុណ្យអុំទូក |
អ្នកនាំពាក្យសាលារាជធានីភ្នំពេញ លោក សាន សុខសីហា បានថ្លែងថា ថ្ងៃបុណ្យដំបូងប្រព្រឹត្តទៅដោយរលូន មិនមានឧបទ្ទវហេតុអ្វីកើតឡើងនោះទេ។
លោកបានបន្ថែមថា ទោះបីជាមិនមានឧបទ្ទវហេតុ ឬបញ្ហាអ្វីកើតឡើងក៏ដោយ ក៏កងកម្លាំងប្រដាប់អាវុធនឹងបន្តដើរល្បាតក្នុងឱកាសពិធីបុណ្យនេះ ដើម្បីរក្សាសណ្តាប់ធ្នាប់ និងសុវត្ថិភាពជាមួយនឹងភ្ញៀវទេសចរណ៍ដែលមកលេងកម្សាន្តជាមួយក្រុមគ្រួសារ ដើម្បីរីករាយនឹងតំបន់ទេសចរណ៍ល្បីៗមួយចំនួន។
ក្នុងឱកាសបុណ្យអុំទូកទាំង៣ថ្ងៃនេះ អគ្គស្នងការនគរបាលជាតិបានដាក់ពង្រាយកម្លាំងឯកសណ្ឋានប្រមាណ១.៦០០នាក់នៅមូលដ្ឋាន ដើម្បីធានាបាននូវសណ្តាប់ធ្នាប់ និងសន្តិសុខសុវត្ថិភាពជូនភ្ញៀវទេសចរណ៍ជាតិ និងអន្តរជាតិដែលមកលេងកម្សាន្តក្នុងរាជធានីភ្នំពេញ។
ប៉ូលីសក៏នឹងធានាឱ្យមានលំហូរចរាចរបានរលូននៅគ្រប់ផ្លូវសំខាន់ៗក្នុងរាជធានី ខណៈដែលប្រជាពលរដ្ឋធ្វើដំណើរពីខេត្តទៅរាជធានី និងពីរាជធានីទៅខេត្ត។
ថ្វីត្បិតតែឆ្នាំនេះមិនមានការប្រណាំងទូកស្របនឹងពិធីបុណ្យអុំទូកក៏ដោយ ក៏នៅមានសកម្មភាពជាច្រើនទៀតដែលត្រូវបានរៀបចំឡើងដើម្បីកម្សាន្តអារម្មណ៍ប្រជាពលរដ្ឋ ជាពិសេសអ្នកដែលមកលេងកម្សាន្តតាមមាត់ទន្លេ។
យោងតាមរដ្ឋបាលខណ្ឌដូនពេញ ចំនួនអ្នកទៅលេងកម្សាន្តតាមដងទន្លេ និងកន្លែងផ្សេងៗក្នុងតំបន់ក្នុងថ្ងៃដំបូងនៃពិធីបុណ្យនេះមានការកើនឡើងប្រមាណពី ៣០ ទៅ ៤០ ភាគរយ បើធៀបនឹងឆ្នាំមុន៕
Khmertime/Freshnews
មតិពីមិត្តអ្នកអាន