អ្នកជំនាញបារាំងវាយតម្លៃជាវិជ្ជមានយថាទស្សយ៍របស់ក្រុមហ៊ុនបរទេសនៅវៀតណាម

គម្រោងចំនួន ១៥៧ ដែលអំពាវនាវឲ្យមានការវិនិយោគពីបរទេស ក្នុងអំឡុងឆ្នាំ ២០២១-២០២៥

អង្គភាពអាជីវកម្មមានជំនឿជាក់លើទីផ្សារវិនិយោគរបស់វៀតណាម

លោក Jean-Noël Poirier អ្នក​ជំនាញ​ផ្តល់យោបល់​អំពីការវិនិយោគបរទេសនៅវៀតណាម និងអាស៊ីអាគ្នេយ៍

លោក Jean-Noël Poirier បានវាយតម្លៃថា ដំណើរទស្សនកិច្ចរបស់លោកនាយករដ្ឋមន្ត្រី Pham Minh Chinh នៅប្រទេសបារាំង គឺជាព្រឹត្តិការណ៍ដ៏មានអត្ថន័យ ទាក់ទាញការចាប់អារម្មណ៍ជាច្រើននៅប្រទេសបារាំង ជាពិសេសពីមជ្ឈដ្ឋាន​សហគ្រាស។ ដំណើរ​ទស្សនកិច្ច​នេះ​សម្រេច​បាន​នូវ​គោល​បំណង​ដែល​បានដាក់ចេញ​មុន និង​ទទួលបាន​ភាពជោគជ័យ​ដ៏​អស្ចារ្យ។ ភាគីទាំងពីរមាន​បំណាងចង់ស្តារកិច្ចសហប្រតិបត្តិការរវាងក្រសួង និងវិស័យ ក៏ដូចជារវាងសហគ្រាសនានាផងដែរ។

ក្រុមហ៊ុនបារាំងជាច្រើនបានចាប់ផ្តើមពិចារណាពីលទ្ធភាពនៃការវិលត្រឡប់ទៅក្រៅប្រទេសវិញ និងឆ្ពោះទៅអាស៊ីអាគ្នេយ៍ ជាពិសេសប្រទេសវៀតណាម។ ចំពោះអឺរ៉ុប ក្នុងរយៈពេលពីរឆ្នាំចុងក្រោយនេះ វៀតណាមបានក្លាយជាប្រទេសឧស្សាហកម្មពិតប្រាកដ។ នៅពេលដែលរោងចក្រនៅក្នុងប្រទេសវៀតណាមបានបិទទ្វារ ដោយសារតែការរាតត្បាតនៃជំងឺកូវីដ-១៩ នៅរដូវក្តៅកន្លងមកនេះ សារព័ត៌មានអឺរ៉ុបបាននិយាយច្រើនអំពីរឿងនេះ ដោយសារតែការបិទរោងចក្របានបង្កើតបញ្ហាជាច្រើននៅក្នុងខ្សែសង្វាក់ផ្គត់ផ្គង់និងការផលិត។ ចាប់តាំងពីពេលនោះមក ក្រុមហ៊ុនបារាំងបានដឹងថា វៀតណាម​នឹង​មាន​អនាគតដ៏ជោគជ័យ ហើយអាចនាំមកជូនពួកគេនូវឱកាសសហប្រតិបត្តិការជាច្រើន។

លោក Jean-Noël Poirier បានសង្កត់ធ្ងន់ថា វៀតណាមជាប្រទេសមានស្ថិរភាព និងអភិវឌ្ឍន៍ក្នុងរយៈពេល 30 ឆ្នាំកន្លងមក ហើយនឹងបន្តអភិវឌ្ឍន៍ជាច្រើនឆ្នាំទៅមុខទៀត។ លើស​ពី​នេះ ប្រជាជន​វៀតណាម​ជា​មនុស្ស​ឧស្សាហ៍​ព្យាយាម និង​ទទួល​ការ​អប់រំ​ល្អ។ អាជីវកម្មបារាំងអាចស្វែងរកវិស្វករល្អ នាយកល្អ ដើម្បីដំណើរការក្រុមហ៊ុនដែលមានស្រាប់ក្នុងទ្រង់ទ្រាយធំ។ ស្ថានភាពនៅវៀតណាមកាន់តែមានភាពប្រសើរឡើង ស្ថិរភាពនយោបាយ និងសង្គម។ នេះជាហេតុផលដែលលោក Jean-Noël Poirier ជឿជាក់ថា សហគ្រាសបរទេសនឹងមិនវប្រឈមមុខនឹងហានិភ័យ នៅពេលវិនិយោគនៅវៀតណាម។

យោង​តាម​លោក Jean-Noël Poirier បញ្ហា​​ប្រឈមមុខ​ធំបំផុត​គឺ​​ការ​ខុសប្លែក​គ្នា​នៃ​​វប្បធម៌។

ក្រុមហ៊ុនបារាំង និងវៀតណាមត្រូវខិតខំប្រឹងប្រែងស្វែងយល់ពីគ្នាទៅវិញទៅមកឱ្យកាន់តែច្បាស់ និងបង្ហាញសុច្ឆន្ទៈក្នុងកិច្ចសហប្រតិបត្តិការ។ ភាពខុសគ្នានៃកាធ្វើអាជីវកម្ម និងទម្លាប់គិតអាចបណ្តាលឱ្យមានការយល់ច្រឡំដោយអចេតនារវាងភាគីទាំងពីរ។ ដូច្នេះហើយ ភាគីទាំងពីរត្រូវព្យាយាមស្វែងយល់ពីគ្នាទៅវិញទៅមកឱ្យកាន់តែច្បាស់ថែមទៀតហើយការជួយក្រុមហ៊ុនបារាំងដោះស្រាយបញ្ហានេះគឺការងាររបស់គាត់ ក្នុង​នាមជាអ្នកផ្តល់​យោបល់​នូវ​​ការវិនិយោគនិងមានចំណេះដឹង​អំពីតំបន់នោះ។ តាម​ពិត​ទៅ មាន​ក្រុមហ៊ុន​បារាំង​ធ្វើអាជីវកម្មប្រកបដោយ​ជោគជ័យ​នៅ​វៀតណាម។ លោក Jean-Noël Poirier បានសម្តែងការជឿជាក់ថា នៅពេលអនាគតនឹងមានវិនិយោគិនវៀតណាមកាន់តែច្រើនមកប្រទេសបារាំង ហើយឥឡូវនេះក្រុមហ៊ុនវៀតណាមមួយចំនួន​មាន​បានយ៉ាងខ្លាំងក្នុងការវិនិយោគនៅប្រទេសបារាំង។

លោក Jean-Noël Poirier បានបញ្ជាក់ថា តំបន់ឥណ្ឌូ - ប៉ាស៊ីហ្វិកកំពុងទាក់ទាញការចាប់អារម្មណ៍កាន់តែខ្លាំងឡើងពីប្រទេសមហាអំណាចពិភពលោក រួមទាំងប្រទេសបារាំងផងដែរ ព្រោះតំបន់នេះគឺជាតំបន់យុទ្ធសាស្ត្រសម្រាប់ពាណិជ្ជកម្មអន្តរជាតិខាងសេដ្ឋកិច្ច។ លើសពីនេះ នេះក៏ជាកន្លែងដែលសកម្មភាពពាណិជ្ជកម្មដែនសមុទ្រសកលលោកភាគច្រើនកើតឡើង ដូច្នេះវាចាំបាច់ដើម្បីធានានូវសេរីភាពនៃការធ្វើនាវាចរណ៍នៅទីនេះ។ លោក Jean-Noël Poirier បានបញ្ជាក់ថា អាស៊ីអាគ្នេយ៍គឺជាតំបន់ផលិតកម្មឧស្សាហកម្មដ៏សំខាន់បំផុត។ ក្រៅពីវៀតណាម ដែលជាដៃគូសំខាន់ក្នុងតំបន់ ប្រទេសផ្សេងទៀតដូចជា ឥណ្ឌូនេស៊ី សិង្ហបុរី ថៃ និងម៉ាឡេស៊ី ក៏ជាប្រទេសទាក់ទាញការវិនិយោគផ្ទាល់ពីបរទេសយ៉ាងច្រើនផងដែរ។ ទាំងអស់នេះ​គឺ​ជា​ហេតុផល​ដែល​បារាំង​យកចិត្តទុកដាក់​លើ​តំបន់​នេះ​។

លោក Jean-Noël Poirier បាននិយាយថា ទន្ទឹមនឹងការបង្កើនវត្តមានយោធារបស់ខ្លួន បារាំងក៏យកចិត្តទុកដាក់លើកិច្ចសហប្រតិបត្តិការជាមួយប្រទេសទាំងអស់នៅក្នុងតំបន់ផងដែរ។ ការពង្រឹងកិច្ចសហប្រតិបត្តិការលើគ្រប់វិស័យ និងរួមចំណែកធានាស្ថិរភាពក្នុងតំបន់ គឺជាគោលដៅនៃយុទ្ធសាស្ត្រមហាសមុទ្រឥណ្ឌា- ប៉ាស៊ីហ្វិករបស់បារាំង៕

ឌីណា

Bao Tin tuc