យុគសម័យ - នាព្រឹកថ្ងៃទី ១៨ ខែឧសភា នៅទីស្នាក់ការសមាគមសហគ្រាសកូរ៉េខាងត្បូងប្រចាំនៅវៀតណាម (KOCHAM) នៅ Hanoi, KOCHAM និងអង្គការអន្តរជាតិ Good Neighbors International (GNI) ប្រចាំនៅវៀតណាម បានចុះហត្ថលេខាជាផ្លូវការលើអនុស្សរណៈនៃការយោគយល់គ្នា (MOU) ដែលបង្កើតជាជំហានឈានជើងថ្មីមួយនៅក្នុងទំនាក់ទំនងសហប្រតិបត្តិការយុទ្ធសាស្ត្រ សំដៅជំរុញបណ្ដាសកម្មភាពទទួលខុសត្រូវសង្គមរបស់សហគ្រាស (CSR) និងបង្កើនការតភ្ជាប់រវាងសហគមន៍សហគ្រាសកូរ៉េខាងត្បូង ជាមួយសហគមន៍មូលដ្ឋាននៅវៀតណាម។
| គំនិតផ្តួចផ្តើមសហគមន៍ចំនួន ៦ នៅការប្រកួតប្រជែង "អ្នកផ្លាស់ប្តូរ" ដែលរៀបចំដោយ GNI GNI គាំទ្រការសម្លាប់មេរោគ និងការការពារជំងឺសម្រាប់គ្រួសារជាង ១,០០០ បន្ទាប់ពីព្យុះទី ៣ នៅ Tuyen Quang |
អញ្ជើញចូលរួមក្នុងពិធីមាន លោក Ko Tae-Yeon ប្រធាន KOCHAM; លោកស្រី Park Seo Yun ប្រធានគណៈប្រតិបត្តិ KOCHAM និងលោក Cho Eun Seung ប្រធានតំណាងអង្គការ Good Neighbors International ប្រចាំនៅវៀតណាម។
អនុស្សរណៈនៃការយោគយល់គ្នាត្រូវបានចុះហត្ថលេខាលើមូលដ្ឋាននៃភាពជឿជាក់ និងកិច្ចសហប្រតិបត្តិការយូរអង្វែង សំដៅទៅរកគោលដៅផ្សព្វផ្សាយវប្បធម៌នៃការចែករំលែក, បើកទូលាយការចូលរួមរបស់សហគ្រាសទៅក្នុងបណ្ដាសកម្មភាពសង្គម និងបង្កើតនូវបណ្ដាតម្លៃជាវិជ្ជមាន និងប្រកបដោយចីរភាពសម្រាប់សហគមន៍។
 |
| KOCHAM និង GNI ចុះហត្ថលេខាលើអនុស្សរណៈនៃការយោគយល់គ្នាសម្រាប់កិច្ចសហប្រតិបត្តិការ។ |
យោងតាមខ្លឹមសារនៃកិច្ចសហប្រតិបត្តិការ KOCHAM និង GNI នឹងសហការគ្នាដាក់ឱ្យអនុវត្តបណ្ដាសកម្មភាព CSR សម្រាប់សហគ្រាសកូរ៉េខាងត្បូងនៅវៀតណាម, អនុវត្តបណ្ដាកម្មវិធីអាហារូបករណ៍ និងគាំទ្រដល់កុមារដែលមានជីវភាពជួបការលំបាក ស្ថិតនៅក្នុងកម្មវិធីឧបត្ថម្ភគាំពាររបស់ GNI ទន្ទឹមនឹងនោះ បើកទូលាយឱកាសចូលរួមសកម្មភាពស្ម័គ្រចិត្តសម្រាប់បុគ្គលិករបស់សហគ្រាស។
ស្ថិតនៅក្នុងក្របខ័ណ្ឌនៃកិច្ចសហប្រតិបត្តិការ KOCHAM នឹងគាំទ្រដល់ការផ្សព្វផ្សាយបណ្ដាកម្មវិធី CSR របស់ GNI ទៅកាន់សហគមន៍សហគ្រាសជាសមាជិក និងជំរុញបណ្ដាឱកាសសហប្រតិបត្តិការដែលសមស្រប។ ចំណែកខាងភាគី GNI វិញ អង្គការនឹងកសាងនិងដាក់ឱ្យអនុវត្តបណ្ដាកម្មវិធីសហគមន៍ សកម្មភាពអាហារូបករណ៍ និងការងារស្ម័គ្រចិត្ត ព្រមទាំងផ្តល់ព័ត៌មាននិងខ្លឹមសារចាំបាច់នានា សំដៅគាំទ្រដល់សហគ្រាសក្នុងការចូលរួមប្រកបដោយប្រសិទ្ធភាពទៅក្នុងបណ្ដាសកម្មភាពសង្គម។
ថ្លែងមតិនៅក្នុងពិធី តំណាង KOCHAM បានសង្កត់ធ្ងន់ថា តម្លៃរបស់សហគ្រាសមិនត្រឹមតែត្រូវបានវាស់ស្ទង់ដោយប្រសិទ្ធភាពអាជីវកម្មប៉ុណ្ណោះទេ ប៉ុន្តែថែមទាំងតាមរយៈបណ្ដាការរួមចំណែកជាក់ស្តែងសម្រាប់សហគមន៍ និងសង្គមក្នុងស្រុកទៀតផង។ ទន្ទឹមនឹងនោះ ក៏បានសម្តែងនូវក្តីសង្ឃឹមចំពោះទំនាក់ទំនងសហប្រតិបត្តិការដ៏ល្អប្រសើររវាង GNI និង KOCHAM ក្នុងពេលវេលាខាងមុខ។
 |
| ទិដ្ឋភាពទូទៅនៃពិធីចុះហត្ថលេខា។ |
លោក Cho Eun Seung ប្រធានតំណាង GNI ក៏បានសម្តែងនូវការថ្លែងអំណរគុណយ៉ាងជ្រាលជ្រៅចំពោះស្មារតីនៃការចែករំលែកដែល KOCHAM កំពុងឆ្ពោះទៅរក ក៏ដូចជាភាពជឿជាក់ដែល KOCHAM បានផ្តល់ជូន GNI។ លោក Cho ក៏បានសង្កត់ធ្ងន់ផងដែរថា GNI ប្តេជ្ញាចិត្តនឹងតែងតែរួមដំណើរជាមួយ KOCHAM ក្នុងពេលអនាគត។
កិច្ចសហប្រតិបត្តិការរវាង KOCHAM - អង្គការតំណាងឱ្យសហគមន៍សហគ្រាសកូរ៉េខាងត្បូងនៅវៀតណាម និង GNI - អង្គការក្រៅរដ្ឋាភិបាលអន្តរជាតិដែលមានសកម្មភាពជាច្រើនឆ្នាំដើម្បីសហគមន៍នៅលើសកលលោក ត្រូវបានរំពឹងថានឹងរួមចំណែកកសាងបណ្តាញសហប្រតិបត្តិការប្រកបដោយចីរភាព និងជំរុញស្មារតីទទួលខុសត្រូវសង្គមនៅក្នុងសហគមន៍សហគ្រាស។
តាមរយៈអនុស្សរណៈនៃកិច្ចសហប្រតិបត្តិការនេះ KOCHAM និង GNI រំពឹងថានឹងរួមគ្នាផ្សព្វផ្សាយនូវបណ្ដាតម្លៃមនុស្សសាស្ត្រ, បង្កើនការផ្សារភ្ជាប់គ្នារវាងសហគ្រាសនិងសហគមន៍ ទន្ទឹមនឹងនោះ រួមចំណែកជាវិជ្ជមានទៅក្នុងសេចក្តីអភិវឌ្ឍន៍ប្រកបដោយចីរភាពនៅវៀតណាម។
 |
| ភាគីទាំងពីរប្តេជ្ញាចិត្តរួមចំណែកជាវិជ្ជមានទៅក្នុងសេចក្តីអភិវឌ្ឍន៍ប្រកបរដោយចីរភាពនៅវៀតណាម។ |
| Good Neighbors International ប្រចាំនៅវៀតណាម (GNI) គឺជាអង្គការក្រៅរដ្ឋាភិបាលអន្តរជាតិមកពីប្រទេសកូរ៉េខាងត្បូង ដែលធ្វើសកម្មភាពនៅក្នុងវិស័យមនុស្សធម៌ និងអភិវឌ្ឍន៍សហគមន៍ចាប់តាំងពីឆ្នាំ ២០M0៥ មក ដោយផ្តោតសំខាន់ទៅលើសិទ្ធិកុមារ, អប់រំ, ទឹកស្អាត, ជីវភាពរស់នៅ និងការគាំពារកុមារ។ ក្នុងរយៈពេលជិត ២០ ឆ្នាំនៃសកម្មភាពនៅវៀតណាម GNI បានដាក់ឱ្យអនុវត្តកម្មវិធីលើកកម្ពស់ការយល់ដឹងអំពីសិទ្ធិកុមារជាច្រើន ដោយមានប្រជាជនចូលរួមជាង ១៦៤.០០០ នាក់/លើក ទន្ទឹមនឹងនោះ បានគាំទ្រដល់ប្រជាពលរដ្ឋជាង ៣៥០.០០០ នាក់ នៅតាមមូលដ្ឋានចំនួន ២៦ តាមរយៈបណ្ដាសកម្មភាពសង្គ្រោះបន្ទាន់ និងជំនួយមនុស្សធម៌ ដែលមានតម្លៃសរុប ២៤,៦ លានដុល្លារអាមេរិក។ តាមរយៈបណ្ដាកម្មវិធីសហគមន៍ GNI បានរួមចំណែកជំរុញបណ្ដាគោលដៅអភិវឌ្ឍន៍ប្រកបដោយចីរភាព (SDGs) នៅវៀតណាម ដូចជា ការលុបបំបាត់ភាពអត់ឃ្លាននិងកាត់បន្ថយភាពក្រីក្រ, ការអប់រំមានគុណភាព, សមភាពយេនឌ័រ, ទឹកស្អាត, ជីវភាពរស់នៅប្រកបដោយចីរភាព និងការឆ្លើយតបទៅនឹងការប្រែប្រួលអាកាសធាតុ៕ |
 GNI បានជយយឧបត្ថម្ភជាង ១.៩ លានដុល្លារអាមេរិក ដើម្បីលើកកម្ពស់គុណភាពជីវភាពរស់នៅរបស់កុមារ និងប្រជាជននៃស្រុក Cu Chi យុគសម័យ - នាថ្ងៃទី ២១ ខែវិច្ឆិកា គណៈកម្មាធិការប្រជាជនស្រុក Cu Chi ទីក្រុងហូជីមិញ សហការជាមួយ Good Neighbors International (GNI)-Korea បានរៀបចំពិធីសម្ពោធគម្រោង “ជួយឧបត្ថម្ភការអភិវឌ្ឍន៍សហគមន៍នៅស្រុក Cu Chi”។ គោលបំណងនៃគម្រោងនេះគឺដើម្បីរួមចំណែកលើកកម្ពស់គុណភាពជីវិតរបស់កុមារ និងប្រជាជនក្នុងតំបន់។ |
 GNI: រៀបចំសកម្មភាពដើម្បីជួយយុវជនការពារ និងថែរក្សាបរិស្ថានរស់នៅ យុគសម័យ - GNI ទើបតែបានរៀបចំសកម្មភាពផ្លាស់ប្តូរជាមួយប្រធានបទ “ការពារបរិស្ថាន ការពារអាយុជីវិតយើង” នៅភូមិ Cao Ngoi ឃុំ Dong Loi ស្រុក Son Duong ខេត្ត Tuyen Quang ដោយមានការចូលរួមពីអ្នកស្ម័គ្រចិត្តចំនួន ១៥ នាក់មកពីទីក្រុងហាណូយ ប្រជាជនក្នុងតំបន់ចំនួន ៥៧ នាក់បានចូលរួម។ |
thoidai.com.vn
មតិពីមិត្តអ្នកអាន