ការផ្សព្វផ្សាយបេតិកភណ្ឌប្រធានហូជីមិញនៅប្រទេសប្រេស៊ីល

ការថ្វាយផ្ការំលឹកគុណប្រធានហូជីមិញ នៅទីក្រុងរីអូ ដឺ ហ្សាណេរ៉ូ (Rio de Janeiro)

សកម្មភាពជាបន្តបន្ទាប់បានចាប់ផ្តើមជាមួយនឹងពិធីដាក់កម្រងផ្កានៅវិមានរំលឹកវិញ្ញាណក្ខន្ធលោកប្រធានហូជីមិញនៅ Santa Teresa រដ្ឋ Rio de Janeiro (ប្រេស៊ីល)។ ព្រឹត្តិការណ៍នេះត្រូវបានរៀបចំឡើងដោយស្ថានទូតវៀតណាមប្រចាំនៅប្រេស៊ីល សហការជាមួយសមាគមមិត្តភាពប្រេស៊ីល-វៀតណាម និងស្ថានកុងស៊ុលកិត្តិយសវៀតណាមប្រចាំនៅរដ្ឋ Rio de Janeiro (ប្រេស៊ីល)។

យោងតាមទីភ្នាក់ងារសារព័ត៌មានវៀតណាម អញ្ជើញចូលរួមក្នុងពិធីនេះមាន៖ កុងស៊ុលកិត្តិយសវៀតណាមប្រចាំរដ្ឋរីអូ ដឺ ហ្សាណេរ៉ូ លោកស្រី Marcelle Torres; អគ្គលេខាធិការសមាគមមិត្តភាពប្រេស៊ីល-វៀតណាម លោក Pedro de Oliveira; តំណាងអាជ្ញាធររដ្ឋរីអូ ដឺ ហ្សាណេរ៉ូ; តំណាងថ្នាក់ដឹកនាំបក្សកុម្មុយនីស្តប្រេស៊ីល (PCdoB); មិត្តភក្តិប្រេស៊ីលយ៉ាងច្រើនកុះករដែលស្រឡាញ់រាប់អានប្រធានហូជីមិញ និងប្រទេសវៀតណាម ព្រមទាំងតំណាងសហគមន៍ជនជាតិវៀតណាមដែលកំពុងរស់នៅក្នុងរដ្ឋរីអូ ដឺ ហ្សាណេរ៉ូ។

ពិធីថ្វាយផ្កានៅទីតាំងស្លាករំលឹកគុណដើម្បីលើកតម្កើងប្រធានហូជីមិញ ក្នុងទីក្រុងរីអូ ដឺ ហ្សាណេរ៉ូ (Rio de Janeiro)។

ថ្លែងមតិក្នុងពិធីនេះ ឯកអគ្គរដ្ឋទូតវៀតណាមប្រចាំនៅប្រេស៊ីល លោក Bui Van Nghi បានអះអាងថា រាល់ជ័យជម្នះដ៏អស្ចារ្យរបស់ប្រជាជាតិវៀតណាម សុទ្ធតែផ្សារភ្ជាប់នឹងគុណូបការៈដ៏ធំធេងរបស់ប្រធានហូជីមិញ ព្រមទាំងបានសង្កត់ធ្ងន់ថា សតិអារម្មណ៍ និងចក្ខុវិស័យឆ្លងកាត់យុគសម័យរបស់លោក បានដាក់គ្រឹះដំបូងសម្រាប់ទំនាក់ទំនងមិត្តភាព និងសហប្រតិបត្តិការរវាងប្រជាជនវៀតណាម និងប្រេស៊ីល កាលពីជាងមួយសតវត្សមុន។

ឯកអគ្គរដ្ឋទូតបានរំលឹកឡើងវិញនូវចំណុចរបត់ប្រវត្តិសាស្ត្រក្នុងឆ្នាំ ១៩១២ នៅពេលដែលយុវជនស្នេហាជាតិ Nguyen Tat Thanh (ឈ្មោះដើមរបស់ប្រធានហូជីមិញ) បានឈប់សម្រាកនៅទីក្រុងរីអូ ដឺ ហ្សាណេរ៉ូ ក្នុងដំណើរស្វែងរកផ្លូវសង្គ្រោះជាតិ។ ចេញពីបទពិសោធន៍ជាក់ស្តែងនៅប្រេស៊ីល ក៏ដូចជាបណ្តាប្រទេសដទៃទៀត សតិអារម្មណ៍បដិវត្តន៍ស្តីពីការរំដោះជាតិ ស្មារតីសាមគ្គីភាព និងចក្ខុវិស័យអន្តរជាតិដ៏ទូលំទូលាយរបស់លោក ត្រូវបានបង្កើតឡើងជាបណ្តើរៗ ដែលក្លាយជាប្រភពបំផុសគំនិតសម្រាប់ចលនាតស៊ូដើម្បីឯករាជ្យជាតិ និងវឌ្ឍនភាពសង្គមនៅលើពិភពលោក ជាពិសេសគឺនៅអាស៊ី អាហ្វ្រិក និងអាមេរិកឡាទីន។

ឯកអគ្គរដ្ឋទូតបានវាយតម្លៃខ្ពស់ចំពោះអាជ្ញាធររដ្ឋរីអូ ដឺ ហ្សាណេរ៉ូ ដែលបានថែរក្សាតំបន់រំលឹកគុណលើកតម្កើងប្រធានហូជីមិញ ដែលបង្ហាញពីទំនាក់ទំនងមិត្តភាព និងការផ្សារភ្ជាប់យ៉ាងពិសេសរវាងប្រជាជនវៀតណាម និងប្រេស៊ីល ព្រមទាំងបានសម្តែងនូវបំណងចង់ឱ្យភាគីទាំងពីរ បន្តជំរុញបណ្តាគំនិតផ្តួចផ្តើមសហប្រតិបត្តិការលើវិស័យវប្បធម៌ អប់រំ និងប្រវត្តិសាស្ត្រ ក៏ដូចជារៀបចំសកម្មភាពលើកតម្កើងលោកប្រធានហូជីមិញឱ្យបានកាន់តែច្រើន ដែលតាមរយៈនោះរួមចំណែកបង្កើនការយល់ដឹងគ្នា ស្មារតីសាមគ្គីភាព និងការផ្សារភ្ជាប់គ្នារវាងប្រជាជននៃប្រទេសទាំងពីរ។

នៅក្នុងព្រឹត្តិការណ៍នេះ បណ្តាតំណាងបានថ្វាយផ្កាដោយក្តីគោរពបំផុត ដើម្បីរំលឹកគុណ និងដឹងគុណយ៉ាងជ្រាលជ្រៅចំពោះគុណូបការៈរបស់ប្រធានហូជីមិញ។ នាឱកាសនេះ តំណាងនៃប្រទេសទាំងពីរបានជួបប្រាស្រ័យ ចែករំលែកនូវរឿងរ៉ាវអំពីប្រធានហូជីមិញ និងពិភាក្សាអំពីសៀវភៅដែលមានចំណងជើងថា “ហូជីមិញ - ជីវប្រវត្តិ និងបុព្វហេតុនៃមេដឹកនាំរំដោះជាតិវៀតណាម” របស់អ្នកសារព័ត៌មាន និងជាអ្នកប្រវត្តិសាស្ត្រ លោក Pedro de Oliveira។

ការជំរុញកិច្ចសហប្រតិបត្តិការវៀតណាម - ប្រេស៊ីល

ស្ថិតក្នុងក្របខ័ណ្ឌនៃដំណើរទស្សនកិច្ច និងបំពេញការងារនៅរដ្ឋរីអូ ដឺ ហ្សាណេរ៉ូ ឯកអគ្គរដ្ឋទូត Bui Van Nghi និងប្រតិភូស្ថានទូត បានអញ្ជើញចូលរួមអង្គសន្ទនា ក្រោមប្រធានបទ “ប្រេស៊ីល - វៀតណាម៖ កិច្ចសន្ទនាអំពីបេតិកភណ្ឌហូជីមិញ” ដែលរៀបចំឡើងដោយក្រុមប្រឹក្សានីតិប្បញ្ញត្តិនៃរដ្ឋរីអូ ដឺ ហ្សាណេរ៉ូ (ALERJ) ដែលបានទាក់ទាញតំណាងជិត ៧០ រូប ជាអ្នកតាក់តែងច្បាប់ តំណាងអាជ្ញាធរ អ្នកប្រាជ្ញ សាស្ត្រាចារ្យ និស្សិត និងសហគ្រិនប្រេស៊ីលចូលរួមយ៉ាងច្រើនកុះករ។

បណ្តាតំណាងអញ្ជើញចូលរួមអង្គសន្ទនា “ប្រេស៊ីល - វៀតណាម៖ កិច្ចសន្ទនាអំពីបេតិកភណ្ឌហូជីមិញ” ដែលរៀបចំដោយក្រុមប្រឹក្សានីតិប្បញ្ញត្តិនៃរដ្ឋរីអូ ដឺ ហ្សាណេរ៉ូ។

ថ្លែងមតិក្នុងពិធីនេះ ឯកអគ្គរដ្ឋទូតវៀតណាមប្រចាំនៅប្រេស៊ីល លោក Bui Van Nghi បានអះអាងថា រាល់ជ័យជម្នះដ៏អស្ចារ្យរបស់ប្រជាជាតិវៀតណាម សុទ្ធតែផ្សារភ្ជាប់នឹងគុណូបការៈដ៏ធំធេងរបស់ប្រធានហូជីមិញ ព្រមទាំងបានសង្កត់ធ្ងន់ថា សតិអារម្មណ៍ និងចក្ខុវិស័យឆ្លងកាត់យុគសម័យរបស់លោក បានដាក់គ្រឹះដំបូងសម្រាប់ទំនាក់ទំនងមិត្តភាព និងសហប្រតិបត្តិការរវាងប្រជាជនវៀតណាម និងប្រេស៊ីល កាលពីជាងមួយសតវត្សមុន។

ឯកអគ្គរដ្ឋទូតបានរំលឹកឡើងវិញនូវចំណុចរបត់ប្រវត្តិសាស្ត្រក្នុងឆ្នាំ ១៩១២ នៅពេលដែលយុវជនស្នេហាជាតិ Nguyen Tat Thanh បានឈប់សម្រាកនៅទីក្រុងរីអូ ដឺ ហ្សាណេរ៉ូ ក្នុងដំណើរស្វែងរកផ្លូវសង្គ្រោះជាតិ។ ចេញពីបទពិសោធន៍ជាក់ស្តែងនៅប្រេស៊ីល ក៏ដូចជាបណ្តាប្រទេសដទៃទៀត សតិអារម្មណ៍បដិវត្តន៍ស្តីពីការរំដោះជាតិ ស្មារតីសាមគ្គីភាព និងចក្ខុវិស័យអន្តរជាតិដ៏ទូលំទូលាយរបស់លោក ត្រូវបានបង្កើតឡើងជាបណ្តើរៗ ដែលក្លាយជាប្រភពបំផុសគំនិតសម្រាប់ចលនាតស៊ូដើម្បីឯករាជ្យជាតិ និងវឌ្ឍនភាពសង្គមនៅលើពិភពលោក ជាពិសេសគឺនៅអាស៊ី អាហ្វ្រិក និងអាមេរិកឡាទីន។

ឯកអគ្គរដ្ឋទូតបានវាយតម្លៃខ្ពស់ចំពោះអាជ្ញាធររដ្ឋរីអូ ដឺ ហ្សាណេរ៉ូ ដែលបានថែរក្សាតំបន់រំលឹកគុណលើកតម្កើងប្រធានហូជីមិញ ដែលបង្ហាញពីទំនាក់ទំនងមិត្តភាព និងការផ្សារភ្ជាប់យ៉ាងពិសេសរវាងប្រជាជនវៀតណាម និងប្រេស៊ីល ព្រមទាំងបានសម្តែងនូវបំណងចង់ឱ្យភាគីទាំងពីរ បន្តជំរុញបណ្តាគំនិតផ្តួចផ្តើមសហប្រតិបត្តិការលើវិស័យវប្បធម៌ អប់រំ និងប្រវត្តិសាស្ត្រ ក៏ដូចជារៀបចំសកម្មភាពលើកតម្កើងលោកប្រធានហូជីមិញឱ្យបានកាន់តែច្រើន ដែលតាមរយៈនោះរួមចំណែកបង្កើនការយល់ដឹងគ្នា ស្មារតីសាមគ្គីភាព និងការផ្សារភ្ជាប់គ្នារវាងប្រជាជននៃប្រទេសទាំងពីរ។

ប្រតិភូបំពេញការងារជាមួយសាកលវិទ្យាល័យសហព័ន្ធរីអូ ដឺ ហ្សាណេរ៉ូ។

នៅក្នុងព្រឹត្តិការណ៍នេះ បណ្តាតំណាងបានថ្វាយផ្កាដោយក្តីគោរពបំផុត ដើម្បីរំលឹកគុណ និងដឹងគុណយ៉ាងជ្រាលជ្រៅចំពោះគុណូបការៈរបស់ប្រធានហូជីមិញ។ នាឱកាសនេះ តំណាងនៃប្រទេសទាំងពីរបានជួបប្រាស្រ័យ ចែករំលែកនូវរឿងរ៉ាវអំពីប្រធានហូជីមិញ និងពិភាក្សាអំពីសៀវភៅដែលមានចំណងជើងថា “ហូជីមិញ - ជីវប្រវត្តិ និងបុព្វហេតុនៃមេដឹកនាំរំដោះជាតិវៀតណាម” របស់អ្នកសារព័ត៌មាន និងជាអ្នកប្រវត្តិសាស្ត្រ លោក Pedro de Oliveira។

ការជំរុញកិច្ចសហប្រតិបត្តិការវៀតណាម - ប្រេស៊ីល

ស្ថិតក្នុងក្របខ័ណ្ឌនៃដំណើរទស្សនកិច្ច និងបំពេញការងារនៅរដ្ឋរីអូ ដឺ ហ្សាណេរ៉ូ ឯកអគ្គរដ្ឋទូត Bui Van Nghi និងប្រតិភូស្ថានទូត បានអញ្ជើញចូលរួមអង្គសន្ទនា ក្រោមប្រធានបទ “ប្រេស៊ីល - វៀតណាម៖ កិច្ចសន្ទនាអំពីបេតិកភណ្ឌហូជីមិញ” ដែលរៀបចំឡើងដោយក្រុមប្រឹក្សានីតិប្បញ្ញត្តិនៃរដ្ឋរីអូ ដឺ ហ្សាណេរ៉ូ (ALERJ) ដែលបានទាក់ទាញតំណាងជិត ៧០ រូប ជាអ្នកតាក់តែងច្បាប់ តំណាងអាជ្ញាធរ អ្នកប្រាជ្ញ សាស្ត្រាចារ្យ និស្សិត និងសហគ្រិនប្រេស៊ីលចូលរួម។

នៅក្នុងអង្គសន្ទនា ឯកអគ្គរដ្ឋទូត Bui Van Nghi បានចែករំលែកអំពីជីវប្រវត្តិ បុព្វហេតុ និងសតិអារម្មណ៍របស់ប្រធានហូជីមិញ; ដោយសង្កត់ធ្ងន់លើតម្លៃអមតៈនៃឯករាជ្យជាតិ សន្តិភាព សាមគ្គីភាពអន្តរជាតិ និងការអភិវឌ្ឍមនុស្សជាតិ ដែលលោកបានបន្សល់ទុកមក គឺមិនត្រឹមតែសម្រាប់វៀតណាមប៉ុណ្ណោះទេ ប៉ុន្តែថែមទាំងមានអត្ថន័យជ្រាលជ្រៅសម្រាប់បណ្តាប្រជាជាតិដែលស្រឡាញ់សន្តិភាពនៅលើពិភពលោកផងដែរ។

វាគ្មិនប្រេស៊ីលដែលចូលរួមក្នុងអង្គសន្ទនា សុទ្ធតែបានសម្តែងនូវការគោរព និងកោតសរសើរយ៉ាងជ្រាលជ្រៅចំពោះជីវប្រវត្តិ បុព្វហេតុ និងសតិអារម្មណ៍របស់ប្រធានហូជីមិញ ដោយចាត់ទុកលោកជាជានិមិត្តរូបតំណាងឱ្យសេចក្តីប្រាថ្នាចង់បានឯករាជ្យជាតិ យុត្តិធម៌សង្គម និងស្មារតីសាមគ្គីភាពអន្តរជាតិ។ រាល់មតិយោបល់បានសង្កត់ធ្ងន់ថា បេតិកភណ្ឌសតិអារម្មណ៍របស់ប្រធានហូជីមិញ នៅតែបន្តជាប្រភពបំផុសគំនិតសម្រាប់ចលនាវឌ្ឍនភាពនៅលើពិភពលោក ព្រមទាំងរួមចំណែកជំរុញនូវកិច្ចខិតខំប្រឹងប្រែងឆ្ពោះទៅរកសន្តិភាព កិច្ចសន្ទនា និងការអភិវឌ្ឍប្រកបដោយចីរភាព។

បណ្តាអ្នកប្រាជ្ញប្រេស៊ីល ក៏បានវាយតម្លៃខ្ពស់ចំពោះសមិទ្ធផលអភិវឌ្ឍន៍របស់វៀតណាមនាពេលបច្ចុប្បន្ន ដោយចាត់ទុកថា នេះគឺជាសក្ខីភាពនៃតម្លៃមិនចេះរីងស្ងួតនៃសតិអារម្មណ៍ហូជីមិញ ស្តីពីសិទ្ធិស្វ័យសម្រេចរបស់ប្រជាជាតិ កិច្ចសហប្រតិបត្តិការរវាងបណ្តាប្រទេសកំពុងអភិវឌ្ឍន៍ និងការបង្កើនការយល់ដឹងគ្នារវាងប្រជាជាតិទាំងឡាយ។

នាឱកាសនេះ ឯកអគ្គរដ្ឋទូត Bui Van Nghi បានជួបពិភាក្សាការងារជាមួយតំណាងអាជ្ញាធរទីក្រុងរីអូ ដឺ ហ្សាណេរ៉ូ បណ្តាសាកលវិទ្យាល័យ និងគ្រឹះស្ថានអប់រំបណ្តុះបណ្តាលមួយចំនួន ដើម្បីជំរុញបណ្តាគំនិតផ្តួចផ្តើមលើកតម្កើងប្រធានហូជីមិញ និងផ្សព្វផ្សាយរូបភាពវៀតណាមនៅប្រទេសប្រេស៊ីល ក៏ដូចជាពិភាក្សាអំពីសក្តានុពលសហប្រតិបត្តិការលើវិស័យសេដ្ឋកិច្ច ពាណិជ្ជកម្ម វិទ្យាសាស្ត្របច្ចេកវិទ្យា និងអប់រំបណ្តុះបណ្តាល។

ឯកអគ្គរដ្ឋទូត Bui Van Nghi បានស្នើឱ្យភាគីប្រេស៊ីលពិនិត្យពិចារណាលើការដាក់ឈ្មោះផ្លូវ ឬសំណង់សាធារណៈតាមឈ្មោះប្រធានហូជីមិញ ព្រមទាំងកសាង “មជ្ឈមណ្ឌលវៀតណាមវិទ្យា” និង “មជ្ឈមណ្ឌលស្រាវជ្រាវអំពីប្រធានហូជីមិញ” នៅតាមសាកលវិទ្យាល័យ បណ្ណាល័យ និងលំហវប្បធម៌មួយចំនួន ដើម្បីណែនាំឱ្យកាន់តែទូលំទូលាយដល់មហាជនប្រេស៊ីល អំពីប្រវត្តិសាស្ត្រ វប្បធម៌ ប្រទេសជាតិ មនុស្សជាតិវៀតណាម ក៏ដូចជាជីវប្រវត្តិ និងសតិអារម្មណ៍របស់លោក។

សកម្មភាពជាបន្តបន្ទាប់នៅប្រទេសប្រេស៊ីល ដើម្បីរំលឹកខួបលើកទី ១៣៦ នៃថ្ងៃកំណើតរបស់លោកប្រធានហូជីមិញ ត្រូវបានគេរំពឹងថានឹងផ្សព្វផ្សាយបន្ថែមទៀតនូវរូបភាព មនោគមវិជ្ជា និងតម្លៃមនុស្សធម៌របស់លោកនៅក្នុងប្រទេសអាមេរិកខាងត្បូងនេះ ខណៈពេលដែលរួមចំណែកដល់ការជំរុញការផ្លាស់ប្តូរប្រជាជន បង្កើនការយល់ដឹងគ្នាទៅវិញទៅមក និងពង្រឹងមិត្តភាពប្រពៃណីរវាងវៀតណាម និងប្រេស៊ីល៕

វៀតណាម-ប្រេស៊ីល លើកកំពស់ទំនាក់ទំនងទៅជាដៃគូយុទ្ធសាស្ត្រ យុគសម័យ - នាយករដ្ឋមន្ត្រី Pham Minh Chinh និងប្រធានរដ្ឋ Luiz Inácio Lula da Silva បានឯកភាពលើកកំពស់ទំនាក់ទំនងវៀតណាម - ប្រេស៊ីលទៅជាដៃគូយុទ្ធសាស្ត្រ ហើយបានចេញសេចក្តីថ្លែងការណ៍រួមវៀតណាម - ប្រេស៊ីល ស្តីពីការបង្កើនទំនាក់ទំនងទៅជាដៃគូយុទ្ធសាស្ត្រដោយមានគោលការណ៍ និងទិសដៅដ៏អស្ចារ្យ។

បង្ហាញភាពស្រស់ស្អាតនៃវប្បធម៌និងប្រជាជនប្រេស៊ីល តាមរយៈផ្ទាំងគំនូរ "លំហរស់នៅប្រេស៊ីល" យុគសម័យ - នាថ្ងៃទី ៤ មិថុនា នៅសាកលវិទ្យាល័យហាណូយ បានប្រព្រឹត្តទៅពិធីសម្ពោធផ្ទាំងគំនូរ "លំហរស់នៅប្រេស៊ីល"។ នេះជាអំណោយរបស់ស្ថានទូតប្រេស៊ីលប្រចាំនៅវៀតណាមដល់សាកលវិទ្យាល័យហាណូយ និងនាយកដ្ឋានព័រទុយហ្គាល់។

ឌឹកអាញ់

thoidai.com.vn