សវនកម្មរដ្ឋវៀតណាម និងអាជ្ញាធរសវនកម្មជាតិកម្ពុជាជំរុញកិច្ចសហប្រតិបត្តិកា

សមាគមមិត្តភាពវៀតណាម - កម្ពុជាផ្តល់ថវិកាចំនួន ១២០ លានដុងជួយឧបត្ថម្ភអណិកជនវៀតណាមនៅកម្ពុជា

ឃោសនាផ្សព្វផ្សាយលទ្ធផលនៃការងារខ័ណ្ឌសីមានិងបោះបង្គោលព្រំដែនវៀតណាម - កម្ពុជា

លោក Tran Si Thanh អគ្គសវនកររដ្ឋវៀតណាម (រូបថត៖ TTXVN)

នៅក្នុងកិច្ចពិភាក្សា លោក Tran Si Thanh អគ្គសវនកររដ្ឋវៀតណាមបានវាយតម្លៃខ្ពស់ចំពោះកិច្ចសហប្រតិបត្តិការប្រកបដោយប្រសិទ្ធភាពរវាងស្ថាប័នទាំងពីរក្នុងរយៈពេលកន្លងមក។ លោកបានសម្តែងនូវបំណងថា នាពេលខាងមុខទំនាក់ទំនងមិត្តភាព និងកិច្ចសហប្រតិបត្តិការរវាងសវនកម្មរដ្ឋវៀតណាម និងអាជ្ញាធរសវនកម្មជាតិកម្ពុជា នឹងកាន់តែជិតស្និទ្ធ និងជាក់ស្តែងថែមទៀតសមស្របទៅនឹងទំនាក់ទំនងរវាងប្រទេសទាំងពីរ វៀតណាម - កម្ពុជា។

ជំនួសមុខអាជ្ញាធរសវនកម្មជាតិកម្ពុជា លោកស្រី សោម គីមសួគ៌ អគ្គសវនករ នៃអាជ្ញាធរសវនកម្មជាតិកម្ពុជា បានថ្លែងអំណរគុណចំពោះមនោសញ្ចេតនារបស់វៀតណាមនិយាយរួម និងរបស់សវនកម្មរដ្ឋវៀតណាមនិយាយដោយឡែក ដែលបានផ្ដល់ចំពោះប្រជាជនកម្ពុជានាពេលកន្លងមក ក៏ដូចជានៅក្នុងបរិបទជំងឺរាតត្បាត Covid-19 បច្ចុប្បន្ន។

ពិធីជួបពិភាក្សារវាងលោក Tran Si Thanh អគ្គសវនកររដ្ឋវៀតណាមនិងលោកស្រី សោម គីមសួគ៌ អគ្គសវនករ នៃអាជ្ញាធរសវនកម្មជាតិកម្ពុជា។ (រូបថត៖ TTXVN)

ភាគីទាំងពីរបានឯកភាពជាមួយគ្នាពិនិត្យ និងវាយតម្លៃចំពោះលទ្ធផលនៃការអនុវត្តកិច្ចព្រមព្រៀងស្តីពីការផ្លាស់ប្តូរ និងកិច្ចសហប្រតិបត្តិការរវាងសវនកម្មរដ្ឋវៀតណាម និងអាជ្ញាធរសវនកម្មជាតិកម្ពុជា ដែលបានចុះហត្ថលេខាកាលពីឆ្នាំ ២០០៨។ ដោយផ្អែកលើមូលដ្ឋាននោះ ភាគីទាំងពីរលើកឡើងដំណោះស្រាយដើម្បីលើកកម្ពស់គុណភាព និងប្រសិទ្ធភាពនៃកិច្ចសហប្រតិបត្តិការទ្វេភាគី និងកិច្ចសហប្រតិបត្តិការក្នុងក្របខ័ណ្ឌនៃអង្គការពហុភាគីនាពេលខាងមុខនេះ ប្រកបដោយមានទំនួលខុសត្រូវ ត្រង់ ៗ និងជាក់ស្តែង។

ភាគីទាំងពីរបានឯកភាពជាមួយគ្នា ពង្រឹងការផ្លាស់ប្តូរគណៈប្រតិភូគ្រប់លំដាប់ថ្នាក់ ផ្តោតសំខាន់លើការផ្លាស់ប្តូរចំណេះដឹងវិជ្ជាជីវៈលើប្រធានបទដែលភាគីទាំងពីរមានការយកចិត្តទុកដាក់តាមរយៈទម្រង់សមស្រប; ពង្រឹងការបណ្តុះបណ្តាលវិជ្ជាជីវៈសម្រាប់សវនករនៃភាគីទាំងពីរ។ល។

ពិធីចុះហត្ថលេខាលើកិច្ចព្រមព្រៀងសហប្រតិបត្តិការរវាងសវនកម្មរដ្ឋវៀតណាម និងអាជ្ញាធរសវនកម្មជាតិកម្ពុជា គ្រោងនឹងប្រព្រឹត្តទៅនៅខែមិថុនា ឆ្នាំ ២០២២ ក្នុងឱកាសរំលឹកខួបលើកទី ៥៥ នៃការបង្កើតទំនាក់ទំនងការទូតរវាងវៀតណាម និងកម្ពុជា៕

យោងតាមកាសែតកងទ័ពប្រជាជន