លើកកម្ពស់តួនាទីរបស់សហគ្រាស ក្នុងទំនាក់ទំនងមិត្តភាព វៀតណាម - កម្ពុជា

សន្និសីទនេះត្រូវបានរៀបចំឡើងក្នុងបរិបទនៃទំនាក់ទំនងមិត្តភាពប្រពៃណី វៀតណាម - កម្ពុជា បន្តត្រូវបានពង្រឹង និងអភិវឌ្ឍន៍លើគ្រប់ជ្រុងជ្រោយ ជាពិសេសលើវិស័យសហប្រតិបត្តិការសេដ្ឋកិច្ច ការផ្លាស់ប្តូរវប្បធម៌ និងសុខុមាលភាពសង្គម។ ទន្ទឹមនឹងនេះ នេះគឺជាជំហានត្រៀមរៀបចំដ៏សំខាន់សម្រាប់សន្និសីទចម្រុះរវាងសមាគមមិត្តភាព វៀតណាម - កម្ពុជា និងសមាគមមិត្តភាព កម្ពុជា - វៀតណាម ដែលគ្រោងនឹងប្រព្រឹត្តទៅក្នុងខែឧសភា ឆ្នាំ ២០២៦ នៅទីក្រុងហូជីមិញ។

នៅក្នុងសន្និសីទ បណ្តាប្រតិភូបានឯកភាពគ្នាវាយតម្លៃថា ការអនុវត្តសេចក្តីសន្និដ្ឋាននៃសន្និសីទគណៈកម្មាធិការប្រតិបត្តិមជ្ឈិមសមាគមលើកទី ៥ អាណត្តិទី ៥ មានអត្ថន័យសំខាន់ក្នុងការតម្រង់ទិសសកម្មភាពរបស់សមាគមក្នុងឆ្នាំ ២០២៦។ ក្នុងនោះ ចំណុចស្នូលគឺការលើកកម្ពស់ប្រសិទ្ធភាពការងារការបរទេសប្រជាជន ផ្សារភ្ជាប់ជាមួយនឹងការពង្រីកបណ្តាញសមាជិក និងការលើកកម្ពស់តួនាទីរបស់សហគមន៍សហគ្រាស ដើម្បីបង្កើតកម្លាំងចលករថ្មីសម្រាប់កិច្ចសហប្រតិបត្តិការទ្វេភាគី។

ថ្លែងមតិក្នុងសន្និសីទ បណ្ឌិត Le Hong Liem អនុប្រធានប្រចាំការភាគខាងត្បូងនៃមជ្ឈិមសមាគម និងជាប្រធានក្លឹបសហគ្រាស វៀតណាម - កម្ពុជា បានបង្ហាញរបាយការណ៍អនុវត្តសេចក្តីសន្និដ្ឋាននៃសន្និសីទមជ្ឈិមសមាគម ព្រមទាំងផ្តល់ព័ត៌មានអំពីកម្មវិធីសកម្មភាពឆ្នាំ ២០២៦ របស់ផ្នែកអចិន្ត្រៃយ៍មជ្ឈិមសមាគមភាគខាងត្បូង។ អាស្រ័យហេតុនេះ ភារកិច្ចស្នូលរួមមាន៖ ការពង្រឹងការចាត់តាំងសមាគមនៅតាមមូលដ្ឋាន; បង្កើនសកម្មភាពផ្លាស់ប្តូរមិត្តភាព; ជម្រុញការតភ្ជាប់សហគ្រាស; និងអនុវត្តកម្មវិធីសុខុមាលភាពសង្គមជាក់ស្តែង។

សន្និសីទអនុវត្តសេចក្តីសន្និដ្ឋាននៃសន្និសីទគណៈកម្មាធិការប្រតិបត្តិមជ្ឈិមសមាគមលើកទី ៥ អាណត្តិទី ៥ ដោយកំណត់ភារកិច្ចស្នូលក្នុងឆ្នាំ ២០២៦។

ជាក់ស្តែងក្នុងប៉ុន្មានឆ្នាំថ្មីៗនេះ ការងារការបរទេសប្រជាជនបានក្លាយជាសសរស្តម្ភដ៏សំខាន់មួយ រួមចំណែកពង្រឹងទំនាក់ទំនងមិត្តភាព និងកិច្ចសហប្រតិបត្តិការលើគ្រប់ជ្រុងជ្រោយរវាងវៀតណាម និងកម្ពុជា។ តាមរយៈសកម្មភាពផ្លាស់ប្តូរ កិច្ចសហប្រតិបត្តិការវប្បធម៌ អប់រំ និងសង្គម សមាគមគ្រប់ជាន់ថ្នាក់បានរួមចំណែកបង្កើនទំនុកចិត្ត ជំរុញការផ្សារភ្ជាប់គ្នារវាងប្រជាជននៃប្រទេសទាំងពីរ ព្រមទាំងបង្កើតបរិយាកាសអំណោយផលសម្រាប់កិច្ចសហប្រតិបត្តិការសេដ្ឋកិច្ច ពាណិជ្ជកម្ម និងការវិនិយោគ។

ក្នុងឆ្នាំ ២០២៦ សមាគមបានកំណត់បន្តពង្រឹងការចាត់តាំងនៅតាមបណ្តាមូលដ្ឋានភាគខាងត្បូងដូចជា៖ Dak Lak, Lam Dong, Dong Nai, Tay Ninh, Vinh Long, Can Tho និង Ca Mau ព្រមទាំងពង្រីកបណ្តាញសមាជិកតាមទិសដៅចម្រុះ និងប្រកបដោយចីរភាព។ ក្រៅពីកម្លាំងស្នូលគឺជាអតីតកងទ័ពស្ម័គ្រចិត្ត និងអ្នកជំនាញដែលធ្លាប់បំពេញការងារនៅកម្ពុជា សមាគមបន្តលើកទឹកចិត្តឱ្យមានការចូលរួមពីសំណាក់សហគ្រិន សហគ្រាស កម្មាភិបាល និស្សិត និងជំនាន់វ័យក្មេង។

ការងារឃោសនា អប់រំប្រពៃណីសាមគ្គីភាព មិត្តភាព វៀតណាម - កម្ពុជា បន្តត្រូវបានជម្រុញ តាមរយៈការសម្របសម្រួលជាមួយស្ថាប័នសារព័ត៌មាន អង្គការវប្បធម៌ និងគ្រឹះស្ថានអប់រំ។ សកម្មភាពឃោសនានឹងត្រូវដាក់ឱ្យអនុវត្តយ៉ាងចម្រុះនៅលើបណ្តាញផ្សព្វផ្សាយនានា រួមចំណែកលើកកម្ពស់ការយល់ដឹងរបស់សហគមន៍ ជាពិសេសគឺជំនាន់វ័យក្មេង អំពីទំនាក់ទំនងមិត្តភាពរវាងប្រទេសទាំងពីរ។

ចំណុចគួរឱ្យកត់សម្គាល់គឺ សមាគមបន្តពង្រីកបណ្តាថ្នាក់បណ្តុះបណ្តាលភាសាខ្មែរ ទាំងតាមទម្រង់ផ្ទាល់ និងតាមប្រព័ន្ធអនឡាញ (Online) ដើម្បីឆ្លើយតបនឹងតម្រូវការផ្លាស់ប្តូរ និងកិច្ចសហប្រតិបត្តិការក្នុងបរិបទដែលទំនាក់ទំនងសេដ្ឋកិច្ច - ពាណិជ្ជកម្មកាន់តែរីកចម្រើន។ ការលើកកម្ពស់សមត្ថភាពភាសា និងការយល់ដឹងអំពីវប្បធម៌ ត្រូវបានចាត់ទុកថាជាកត្តាសំខាន់ដែលជួយបង្កើនការតភ្ជាប់រវាងប្រជាជន និងជំរុញកិច្ចសហប្រតិបត្តិការប្រកបដោយចីរភាព។

ក្នុងទិសដៅអភិវឌ្ឍន៍ឆ្នាំ ២០២៦ សកម្មភាពតភ្ជាប់សហគ្រាសត្រូវបានកំណត់ថាជាសសរស្តម្ភដ៏សំខាន់មួយ។ ផ្នែកអចិន្ត្រៃយ៍មជ្ឈិមសមាគមភាគខាងត្បូង នឹងសម្របសម្រួលរៀបចំបណ្តាសន្និសីទ វេទិកាជំរុញការវិនិយោគ និងពាណិជ្ជកម្មនៅទីក្រុងហូជីមិញ និងខេត្ត Ba Ria - Vung Tau នាចុងខែឧសភា និងដើមខែមិថុនា ឆ្នាំ ២០២៦ តាមរយៈនោះបង្កើតលក្ខខណ្ឌអំណោយផលឱ្យសហគ្រាសនៃប្រទេសទាំងពីរ បង្កើនការផ្លាស់ប្តូរ ស្វែងរកឱកាសសហប្រតិបត្តិការ និងពង្រីកទីផ្សារ។

ទន្ទឹមនឹងនោះ សមាគមក៏នឹងជ្រើសរើស និងណែនាំបណ្តាសហគ្រាសឆ្នើមឱ្យចូលរួមក្នុងកម្មវិធីសន្ទនាសហគ្រាសនៅរាជធានីភ្នំពេញ រួមចំណែកបង្កើនការតភ្ជាប់ទីផ្សារ និងបង្កើតទំនាក់ទំនងសហប្រតិបត្តិការយូរអង្វែងរវាងសហគមន៍សហគ្រាសនៃប្រទេសទាំងពីរ។

សន្និសីទនេះ មិនត្រឹមតែជាសកម្មភាពអនុវត្តភារកិច្ចឆ្នាំ ២០២៦ ប៉ុណ្ណោះទេ ប៉ុន្តែថែមទាំងជាវេទិកាដ៏សំខាន់មួយដើម្បីតភ្ជាប់ប្រភពធនធានសង្គម ជាពិសេសគឺសហគមន៍សហគ្រាស ក្នុងការជំរុញកិច្ចសហប្រតិបត្តិការសេដ្ឋកិច្ច និងការអភិវឌ្ឍន៍ប្រកបដោយចីរភាពរវាងវៀតណាម និងកម្ពុជា។ ក្នុងបរិបទនៃសមាហរណកម្មអន្តរជាតិយ៉ាងស៊ីជម្រៅ ការបង្កើនការងារការបរទេសប្រជាជនផ្សារភ្ជាប់នឹងកិច្ចសហប្រតិបត្តិការសេដ្ឋកិច្ច បន្តត្រូវបានកំណត់ថាជាគ្រឹះស្ថានដ៏សំខាន់សម្រាប់ទំនាក់ទំនងនៃប្រទេសទាំងពីរឱ្យមានការអភិវឌ្ឍន៍ប្រកបដោយស្ថិរភាព និងយូរអង្វែង។

ផ្នែកអចិន្ត្រៃយ៍ភាគខាងត្បូងនៃមជ្ឈិមសមាគមមិត្តភាព វៀតណាម - កម្ពុជា បានប្រគល់ប័ណ្ណសរសើររបស់មជ្ឈិមសមាគម ជូនដល់បណ្តាសហគ្រាស និងសហគ្រិនឆ្នើម ដែលមានការរួមចំណែកយ៉ាងច្រើនក្នុងសកម្មភាពរបស់សមាគម។

វៀតណាម​ - កម្ពុជា ចែករំលែកបទពិសោធន៍ក្នុងវិស័យធានាសណ្តាប់ធ្នាប់ និងសុវត្ថិភាពចរាចរណ៍ នាព្រឹកថ្ងៃទី ២៩ ខែវិច្ឆិកា លោកឧត្តមសេនីយ៍ត្រី Nguyen Hong Ky នាយករងនគរបាលក្រុងហាណូយ និងការិយាល័យនគរបាលចរាចរណ៍ បានទទួលជួបគណៈប្រតិភូមន្ត្រីក្រសួងមហាផ្ទៃនៃព្រះរាជាណាចក្រកម្ពុជា ដែលបំពេញទស្សនកិច្ចការងារ និងផ្លាស់ប្តូរបទពិសោធន៍ក្នុងវិស័យធានាសណ្តាប់ធ្នាប់ និងសុវត្ថិភាពចរាចរណ៍។

រដ្ឋមន្ត្រីក្រសួងការពារជាតិនៃប្រទេសទាំងបី វៀតណាម ឡាវ កម្ពុជា អញ្ជើញចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នាព្រឹកថ្ងៃទី២៦ ខែវិច្ឆិកា នៅរាជធានីភ្នំពេញ លោកនាយឧត្តមសេនីយ៍ Phan Van Giang សមាជិកការិយាល័យនយោបាយ អនុលេខាគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារប្រទេសវៀតណាម លោកនាយឧត្តមសេនីយ៍ Chansamone Chanyalath សមាជិកការិយាល័យនយោបាយបក្សប្រជាជនបដិវត្តន៍ឡាវ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិឡាវ លោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា បានចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ...

ហេង វុធ្ធី

thoidai.com.vn