យុគសម័យ - កម្ពុជាបានកត់ត្រាពលករចំណាកស្រុកចំនួន ១២.០០០ នាក់ដែលបានវិលត្រឡប់មកកាន់មាតុភូមិវិញពីថៃក្នុងរយៈពេល ២០ ថ្ងៃចុងក្រោយនេះ។ ក្នុងចំណោមមនុស្សនេះ មានអ្នកចំនួន ២៧ នាក់ត្រូវបានបញ្ជាក់ថាមានវីរុសកូរ៉ូណា។
កម្ពុជាកត់ត្រាពលករចំនួន ១២.០០០ នាក់ដែលបានវិលត្រឡប់មក់កាន់មាតុភូមិវិញពីថៃ ហើយខិតខំដើម្បីគ្រប់គ្រងជំងឺរាតត្បាតនេះ
អ្នកនាំពាក្យក្រសួងសុខាភិបាលកម្ពុជាលោក Or Vandine បាននិយាយថា ទីភ្នាក់ងារនេះកំពុងធ្វើការដើម្បីគ្រប់គ្រងរលកនៃពលករដែលវិលត្រឡប់មកកាន់ប្រទេសវិញពីប្រទេសថៃ។
យោងតាមកាសែត Khmer Times ពលករចំណាកស្រុកប្រមាណ ១២.០០០ នាក់បានវិលត្រឡប់មកកាន់ប្រទេសវិញពីប្រទេសថៃនៅចន្លោះថ្ងៃពីថ្ងៃទី ២០ ខែធ្នូឆ្នាំ ២០២០ ដល់ថ្ងៃទី ៩ ខែមករា។
រដ្ឋាភិបាលកម្ពុជាមានការព្រួយបារម្ភអំពីចំនួនមនុស្សដែលបានរៀបរាប់ខាងលើនឹងនាំយកវីរុសកូរ៉ូណាចូលទឹកដីកម្ពុជា ជាពិសេសបន្ទាប់ពីមានការផ្ទុះឡើងនូវជំងឺរាតត្បាតនៅខេត្តសាមុតសាខុន ប្រទេសថៃ។
គិតត្រឹមថ្ងៃទី ១១ ខែមករា ក្រសួងសុខាភិបាលកម្ពុជាបានរកឃើញមុនស្សចំនួន ២៧ ករណីឆ្លងវីរុស Covid-19 ក្នុងចំណោមរលកនៃជនចំណាកស្រុកដែលវិលត្រឡប់មកកាន់ប្រទេសវិញពីប្រទេសថៃ។
នៅក្នុងសេចក្តីថ្លែងការណ៍មួយ លោក Or Vandine បាននិយាយថា “ក្រសួងសុខាភិបាលកម្ពុជាកំពុងរឹតបន្តឹងការត្រួតពិនិត្យព្រំដែនជាបន្ទាន់។ យើងនឹងមិនអនុញ្ញាតឱ្យពលករដែលវិលត្រឡប់មកកាន់ប្រទេសវិញដោយខុសច្បាប់ឡើយ។”
យោងតាមទិន្នន័យពីសាកលវិទ្យាល័យចនហបគីនស៍ (សហរដ្ឋអាមេរិក) គិតត្រឹមថ្ងៃទី ១១ ខែមករាចំនួនករណីឆ្លង Covid-19 នៅកម្ពុជាបានកើនឡើងដល់ ៣៩១ ករណី៕
（បកប្រែដោយសាមេត）
（ប្រភពព័ត៌មាន: zingnews.vn）
មតិពីមិត្តអ្នកអាន