Zhishan Foundation ឧបត្ថម្ភថវិកាជាង ២០០ លានដុងដើម្បីជួយដល់សិស្សនៅខេត្តភាគកណ្តាលចំនួន ៥ ដោយគម្រោង “បង្កើតមិត្តជាមួយសៀវភៅ”

15:44 | 20/05/2020 （បកប្រែដោយសាមេត）

យុគសម័យ - នាថ្ងៃទី ១៨ ខែឧសភា អង្គការ Zhishan Foundation បានអនុម័តិមលើគម្រោង “បង្កើតមិត្តជាមួយសៀវភៅ” ដែលបានឧបត្ថម្មថវិកាចំនួន ២១០ លានដុងដើម្បីជួយដល់សិស្សចំនួន ១.០១៦ នាក់នៅខេត្តចំនួន ៥ រួមមាន៖ Thua Thien Hue, Quang Tri, Quang Binh, Ha Tinh និង Nghe An ដើម្បីឱ្យមានភាពសប្បាយរីករាយបន្ថែមទៀតក្នុងការទៅសាលារៀន បន្ទាប់ពីលែងមានជំងឺរាតត្បាតតែម្ដង។

ជំងឺរាតត្បាតសកល COVID-19 បានបន្តរីករាលដាលពាសពេញសកលលោក ជះឥទ្ធិពលយ៉ាងខ្លាំងទៅលើគ្រប់ផ្នែកនៃជីវភាព សេដ្ឋកិច្ច-សង្គមរបស់បណ្ដាប្រទេស រួមទាំងប្រទេសវៀតណាមផងដែរ។ ដើម្បីលើកទឹកចិត្ត ចែករំលែកនិងជួយដល់ក្រុមគ្រួសារនិងសិស្សដែលជួបការលំបាកក្នុងការទទួលបានអត្ថប្រយោជន៍ពីគម្រោងនេះដើម្បីជំនះរាល់ការលំបាកដោយជំងឺរាតត្បាត អង្គការ Zhishan Foundation បានរៀបចំការប្រគល់អំណោយដល់សិស្សដែលទទួលបានអត្ថប្រយោជន៍ពីគម្រោងនេះនៅខេត្ត Thua Thien Hue, Quang Tri, Quang Binh, Ha Tinh និង Nghe An ។

គម្រោង “បង្កើតមិត្តជាមួយសៀវភៅ”របស់ Zhishan Foundation បានជួយគាំទ្រដល់សិស្សដែលជួបការលំបាកចំនួន ១.០១៦ នាក់នៅក្នុងខេត្តចំនួន ៥។

គម្រោង “បង្កើតមិត្តជាមួយសៀវភៅ”របស់ Zhishan Foundation បានជួយគាំទ្រដល់សិស្សដែលជួបការលំបាកចំនួន ១.០១៦ នាក់នៃសាលាចំនួន ៤២ នៅក្នុងខេត្តភាគកណ្ដាលចំនួន ៥ ដែលក្នុងនោះ ខេត្ត Thua Thien Hue មានសាលារៀនចំនួន ៨ ខេត្ត Quang Tri មានសាលារៀនចំនួន ៨ ខេត្ត Quang Binh មានសាលារៀនចំនួន ៨ ខេត្ត Ha Tinh មានសាលារៀនចំនួន ៨ ខេត្ត Nghe An មានសាលារៀនចំនួន ១០។

សិស្សចំនួន ១០១៦ នាក់នៃសាលាបឋមចំនួន ៤២ ទទួលបានអត្ថប្រយោជន៍ពីគម្រោង “បង្កើតមិត្តជាមួយសៀវភៅ”

ដើម្បីជំនះនូវផលវិបាកនៃជំងឺ COVID-19 អង្គការ Zhishan Foundation បានមានសកម្មភាពយ៉ាងឆាប់រហ័សនិងទាន់ពេលវេលាជាច្រើនដើម្បីរួមគ្នាជាមួយប្រជាជនដើម្បីជំនះការលំបាក។ នាពេលកន្លងមក អង្គការ Zhishan បានជួយឧបត្ថម្ភគ្រួសារក្រីក្រចំនួន ៧០០ គ្រួសារនៅខេត្ត Thua Thien Hue, Quang Binh, Quang Tri, Ha Tinh និង Nghe An ។ អំណោយសរុបរួមមានសំភារៈចាំបាច់ដូចជា៖ មី អង្ករ ប្រេងឆា ដោយចំណាយថវិការហូតមកដល់ ២៥០ លានដុង។

Zhisha Foudation បានប្រគល់អំណោយចំនួន ១០០ ដល់ ១០០ ក្រុមគ្រួសារនៅខេត្ត Quang Binh ។

Zhisha ក៏បានផ្តល់ឧបត្ថម្ភថវិការចំនួន ២០០ លានដុងដើម្បីជួយដល់សិស្សចំនួន ១.៧៦៥ នាក់នៃសាលាមត្តេយ្យចំនួន ៧ គឺ Mo O, Huong Hiep, Ba Nang, Dakrong 1, Dakrong 2, Huc Nghi និង Ta Long ស្រុក Dakrong ខេត្ត Quang Tri

សិស្សម្នាក់ៗនៃគម្រោងមត្តេយ្យទទួលបានអំណោយគឺអង្ករចំនួន ៥ គីឡូក្រាមនិងទឹកដោះគោ។

យោងតាម “គំរោងមត្តេយ្យ” សិស្សម្នាក់ៗទទួលបានអំណោយគឺអង្ករចំនួន ៥ គីឡូក្រាមនិងទឹកដោះគោ។ ក្រៅពីនេះ មន្រ្តីនៃអង្គការ Zhishan Foundation ក៏បានរៀបចំផែនការដើម្បីផ្ដល់អាហារបំប៉នដល់ចៅៗចំនួន ១,៧៦៥ នាក់ផងដែរ៕

（បកប្រែដោយសាមេត）

（ប្រភពព័ត៌មាន: thoidai.com.vn）

（បកប្រែដោយសាមេត）

Tags: Zhishan Foundation Zhishan

មតិពីមិត្តអ្នកអាន

ព័ត៌មានថ្មីៗ

អង្គការសហប្រជាជាតិព្រមានអំពីគ្រោះអត់ឃ្លានកើនឡើងនៅឯទ្វីបអាហ្វ្រិក

យុគសម័យ - យោងតាមរបាយការណ៍របស់អង្គការសហប្រជាជាតិ ប្រកាសនាថ្ងៃទី ២១ ខែកក្កដា ជាលើកដំបូងដែលទ្វីបអាហ្វ្រិកបានក្លាយទៅជាទ្វីបដែលមានចំនួនមនុស្សរងគ្រោះអត់ឃ្លានខ្ពស់បំផុតនៅលើពិភពលោក នៅក្នុងបរិបទដែលស្ថានភាពកង្វះអាហារូបត្ថម្ភនៅឯតំបន់នេះបន្តកើនឡើង។

ជម្រុញការទូតប្រជាជនវៀតណាម - កូរ៉េខាងត្បូង

យុគសម័យ - ចាប់ពីថ្ងៃទី ១៩ ដល់ថ្ងៃទី ២១ ខែកក្កដា គណៈប្រតិភូនៃគណៈកម្មាធិការមជ្ឈិមរណសិរ្សមាតុភូមិវៀតណាមដឹកនាំដោយលោក Hoang Cong Thuy អនុប្រធាន បានអញ្ជើញទៅទស្សនកិច្ចនិងធ្វើការនៅប្រទេសកូរ៉េខាងត្បូង ដែលរួមចំណែកដល់ការជម្រុញការទូតប្រជាជននិងការបង្កើនការភ្ជាប់ទំនាក់ទំនងសហគមន៍ពាណិជ្ជករ អ្នកជំនាញ និងបញ្ញវន្តជនជាតិវៀតណាមនៅប្រទេសកូរ៉េខាងត្បូង។

ក្រុង Can Tho ជម្រុញកិច្ចសហប្រតិបត្តិការពាណិជ្ជកម្មជាមួយប្រទេសប៉ាគីស្ថាន

យុគសម័យ - រសៀលថ្ងៃទី ២១ ខែកក្កដា គណៈប្រតិភូនាំមុខដោយលោក Kohdayar Marri ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋឥស្លាមប៉ាគីស្ថានប្រចាំនៅប្រទេសវៀតណាម បានអញ្ជើញមកទស្សនកិច្ចនិងធ្វើការជាមួយទីក្រុង Can Tho ដើម្បីផ្លាស់ប្តូរយោបល់អំពីសក្ដានុពលនៃការជម្រុញកិច្ចសហប្រតិបត្តិការពាណិជ្ជកម្មរវាងភាគីទាំងពីរនាពេលខាងមុខ។

វៀតណាមគឺជាគោលដៅទេសចរណ៍ដែលភ្ញៀវទេសចរកូរ៉េខាងត្បូងជ្រើសរើសច្រើនជាងគេចំណាត់ថ្នាក់ទីពីរ

យុគសម័យ - បើតាមទិន្នន័យដែលបានប្រកាសដោយអង្គការទេសចរណ៍កូរ៉េខាងត្បូង (KTO) នៅក្នុងខែកក្កដា ឆ្នាំ ២០២៦ វៀតណាមឈរនៅលំដាប់ថ្នាក់ទីពីរនៅក្នុងបញ្ជីបណ្តាគោលដៅទេសចរណ៍បរទេសដែលត្រូវបានភ្ញៀវទេសចរកូរ៉េខាងត្បូងជ្រើសរើស ដោយស្ថិតនៅបន្ទាប់ពីប្រទេសជប៉ុនតែប៉ុណ្ណោះ។

ការបង្កើនការត្រួតពិនិត្យដំណើរការបោះពុម្ពផ្សាយដើម្បីបង្ការនិងទប់ស្កាត់ការបំពាន

យុគសម័យ - នាថ្ងៃទី ២១ ខែកក្កដា នៅទីក្រុងហាណូយ គណៈកម្មាធិការបក្សរណសិរ្សមាតុភូមិនិងបណ្តាអង្គការមហាជនថ្នាក់មជ្ឈិម បានរៀបចំសន្និបាតដាក់ឱ្យអនុវត្តសារាចរលេខ 04-CT/TW ថ្ងៃទី ១៧ ខែមីនា ឆ្នាំ ២០២៦ របស់គណៈលេខាធិការស្តីពីការបង្កើនការដឹកនាំរបស់បក្សចំពោះសកម្មភាពបោះពុម្ពផ្សាយក្នុងបរិបទស្ថានភាពថ្មី ព្រមទាំងប្រជុំប្រគល់ភារកិច្ចការងារបោះពុម្ពផ្សាយឆ្នាំ ២០២៦។

អានច្រើនបំផុត

VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យុគសម័យ - ថ្ងៃទី ១៨ ខែកក្កដា មជ្ឈមណ្ឌលជម្រុញកិច្ចសហប្រតិបត្តិការវប្បធម៌ អប់រំវៀតណាម - ជប៉ុន VJCE បានចេញមុខជាផ្លូវការនូវការិយាល័យតំណាងនៅឯរាជធានី Hanoi បើកចេញនូវដំណាក់កាលថ្មីនៅក្នុងសកម្មភាពតភ្ជាប់ការអប់រំ វប្បធម៌ព្រមទាំងការផ្លាស់ប្តូរប្រជាជនរវាងវៀតណាមនិងជប៉ុន។

ខេត្ត Hung Yen ជម្រុញការវិនិយោគព្រមទាំងពាណិជ្ជកម្មនៅឯកូរ៉េខាងត្បូង

យុគសម័យ - ថ្មីៗនេះ នៅឯរាជធានី Seoul គណៈកម្មាធិការប្រជាជនខេត្ត Hung Yen សម្របសម្រួលជាមួយនិងនាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាម ស្ថានទូតវៀតណាមប្រចាំនៅកូរ៉េខាងត្បូង ទីភ្នាក់ងារជម្រុញពាណិជ្ជកម្មព្រមទាំងការវិនិយោគកូរ៉េខាងត្បូង KOTRA ចាត់តាំងសន្និបាតជម្រុញការវិនិយោគព្រមទាំងពាណិជ្ជកម្មខេត្ត Hung Yen។

អភិវឌ្ឍន៍ថាមពលនុយក្លេអ៊ែរ៖ ល្បែងប្រឡងប្រជែងធនធានមនុស្សត្រូវតែដើរមុនមួយជំហាន

យុគសម័យ - ប្រសិនបើការសាងសង់រោងចក្រថាមពលនុយក្លេអ៊ែរមួយត្រូវការពេលរៀបចំជាង ១០ ឆ្នាំនោះ ផ្នែកនៃពេលវេលាដ៏មានសារៈសំខាន់បំផុតគឺមិនត្រឹមតែស្ថិតនៅលើការរចនា ការស្ថាបនា ឬក៏ការដំឡើងឧបករណ៍ប៉ុណ្ណោះទេ ប៉ុន្តែគឺស្ថិតនៅលើការរៀបចំមនុស្ស។ ពីព្រោះរោងចក្រមួយទោះបីជាទំនើបដល់កម្រិតណាក៏ដោយក៏មិនអាចដំណើរការប្រតិបត្តិការប្រកបដោយសុវត្ថិភាពបានឡើយ ប្រសិនបើខ្វះខាតជួរអ្នកជំនាញការដែលមានសមត្ថភាពគ្រប់គ្រាន់ ទទួលបានការបណ្តុះបណ្តាលយ៉ាងត្រឹមត្រូវតាមក្បួនខ្នាតព្រមទាំងជ្រាបចូលជ្រៅនូវវប្បធម៌សុវត្ថិភាព។

វៀតណាមស្ថិតក្នុងក្រុម ៥ ប្រទេសឈានមុខគេក្នុងវដ្តកំណើនសេដ្ឋកិច្ចថ្មីរបស់អាស៊ាន

យុគសម័យ - យោងតាមអ្នកជំនាញការ វដ្តកំណើនសេដ្ឋកិច្ចបន្ទាប់នៃបណ្តាប្រទេសនៅអាស៊ីអាគ្នេយ៍នឹងត្រូវបានកំណត់រូបរាងដោយក្រុម ៥ ប្រទេស រួមមាន វៀតណាម ម៉ាឡេស៊ី ឥណ្ឌូនេស៊ី ថៃព្រមទាំងហ្វីលីពីន។

វិទ្យាសាស្ត្រនិងបច្ចេកវិទ្យា ការច្នៃប្រឌិតបង្កើតថ្មីព្រមទាំងការបំប្លែងជាឌីជីថល៖ ស្ថាប័នបានគ្រប់ដណ្តប់ហើយ ការផ្តោតអារម្មណ៍គឺការអនុវត្តគោលនយោបាយ

យុគសម័យ - ក្រោយពេលបង្កើនភាពល្អឥតខ្ចោះជាមូលដ្ឋាននូវប្រព័ន្ធស្ថាប័នសម្រាប់វិទ្យាសាស្ត្រ បច្ចេកវិទ្យា ការច្នៃប្រឌិតបង្កើតថ្មីព្រមទាំងការបំប្លែងជាឌីជីថលរួចមក នោះការផ្តោតអារម្មណ៍នាពេលបច្ចុប្បន្នគឺការដោះស្រាយបណ្តាចំណុចស្ទះនៅក្នុងដំណើរការដាក់ឱ្យដំណើរការអនុវត្ត នាំយកបណ្តាយន្តការនិងគោលនយោបាយឱ្យឈានចូលទៅក្នុងជីវភាពរស់នៅយ៉ាងឆាប់រហ័ស ព្រមទាំងបង្កើតកម្លាំងចលករសម្រាប់ការអភិវឌ្ឍន៍។