យុគសម័យ - នាថ្ងៃទី ២៣ ខែមេសា នៅច្រកទ្វារព្រំដែនអន្តរជាតិ Ha Tien តំណាងគណៈកម្មាធិការបក្សខេត្ត Kien Giang អាជ្ញាធរនិងប្រជាជនខេត្ត Kien Giang បានផ្តល់ជំនួយបន្ទាន់ដែលមានថវិការជាង ២០០ លានដុង ដល់ប្រជាជនខ្មែរមានដើមកំណើតវៀតណាម ដែលមានស្ថានភាពលំបាក ជាពិសេសនៅក្នុងតំបន់ស្ថានអគ្គកុងស៊ុលវៀតណាមប្រចាំនៅខេត្តព្រះសីហនុ ប្រចាំនៅព្រះរាជាណាចក្រកម្ពុជា។
ពិធីផ្តល់អំណោយដល់ប្រជាជនខ្មែរមានដើមកំណើតវៀតណាម។ (រូបថត៖ VOV)
ក្នុងនាមអគ្គកុងស៊ុលនិងអាណិកជនវៀតណាម លោកអគ្គកុងស៊ុល Vu Ngoc Ly បានថ្លែងអំណរគុណយ៉ាងជ្រាលជ្រៅចំពោះគណៈកម្មាធិការបក្ស អាជ្ញាធរនិងប្រជាជនខេត្ត Kien Giang ដែលបានចែករំលែកប្រកបដោយអត្ថន័យនិងទាន់ពេលវេលា មកដល់បងប្អូនជនជាតិខ្មែរមានដើមកំណើតវៀតណាម ដែលស្ថិតក្នុងស្ថានភាពលំបាក ដោយសារការរីករាលដាលនៃជំងឺ Covid-19។ លោកអគ្គកុងស៊ុលបានមានប្រសាសន៍ថា អំណោយនេះមិនត្រឹមតែមានអត្ថន័យខាងសម្ភារៈប៉ុណ្ណោះទេ ថែមទាំងលើកទឹកចិត្តបងប្អូនប្រជាជនឱ្យបានសុខស្រួល និងស្ថេរភាពជីវភាពរស់នៅផងដែរ។ លោកអគ្គកុងស៊ុលក៏បានសន្យាថា នឹងប្រើថវិកានេះប្រកបដោយសតម្លាភាព ឆាប់រហ័សនិងមានប្រសិទ្ធភាព។
នារសៀលថ្ងៃទី ២៣ ខែមេសា ស្ថានអគ្គកុងស៊ុលបានរៀបចំពិធីប្រគល់អំណោយចំនួន ៣១ (រួមមានអង្ករ ម៉ាស់និងអាល់កុល) ជូនដល់អាណិជនវៀតណាមក្រីក្រ រស់នៅខេត្តកំពតនិងខេត្តកែប។
ថ្លែងក្នុងពិធីទទួលអំណោយនេះ លោកជួន សីហា ជំនួសមុខប្រជាជនខ្មែរមានដើមកំណើតវៀតណាម នៅខេត្តកំពតនិងខេត្តកែប បានថ្លែងអំណរគុណយ៉ាងជ្រាលជ្រៅ ចំពោះបក្សនិងរដ្ឋវៀតណាម ជាពិសេសគឺខេត្ត Kien Giang និងស្ថានអគ្គកុងស៊ុលវៀតណាម ប្រចាំនៅខេត្តព្រះសីហនុ តែងតែយកចិត្តទុកដាក់និងជួយប្រជាជនដែលរស់នៅខេត្តកំពតនិងខេត្តកែប។ លោកបានចែករំលែកថា ក្នុងបរិបទពិភពលោកក៏ ដូចជាប្រទេសកម្ពុជានិងវៀតណាមកំពុងជួបការលំបាក ដោយសារផលប៉ះពាល់នៃការរីករាលដាលនៃ Covid-19 រដ្ឋវៀតណាមនៅតែយកចិត្តទុកដាក់ដល់ប្រជាជនមានដើមកំណើតវៀតណាម រស់នៅកម្ពុជា។ នេះគឺជាការលើកទឹកចិត្តដ៏ធំធេងដែលជួយប្រជាជនអោយជម្នះការលំបាកនៅក្នុងរយៈពេលបច្ចុប្បន្ន./.
（បកប្រែដោយឌីណា）
មតិពីមិត្តអ្នកអាន