ប្រទេសកាណាដាវាយតម្លៃខ្ពស់ចំពោះតួនាទីដឹកនាំរបស់បក្សកុម្មុយនីស្តវៀតណាម

បណ្ដុំសៀវភៅដែលសរសេរដោយលោកប្រធានហូជីមិញនៅសិក្ខាសាលា។ (ប្រភព៖​TTXVN)

មានគោលបំណងឆ្ពោះទៅអបអរសាទរខួបលើកទី ៩០ នៃការបង្កើតបក្សកុម្មុយនិស្តវៀតណាម (២ ខែកុម្ភៈឆ្នាំ ១៩៣០​ - ៣២ ខែកុម្ភះ​ ឆ្នាំ ២០២០) នាថ្ងៃទី ១ ខែកុម្ភៈនៅទីក្រុងតូរ៉ុនតូ (កាណាដា) សមាគមមិត្តភាពកាណាដា - វៀតណាម ( CVFS) បានរៀបចំសិក្ខាសាលាមួយក្រោមប្រធានបទ “បក្សកុម្មុយនិស្តវៀតណាម៖ ៩០ ឆ្នាំនៃសមិទ្ធិផលនិងសាមគ្គីភាពអន្តរជាតិ” ។

ថ្លែងនៅក្នុងសន្និសីទនោះលោក Loius Lang តំណាងបក្សកុម្មុយនិស្តកាណាដា (ម៉ាក្សស៊ីស្ត - លេនីននិយម) បានផ្ញើការអបអរសាទរយ៉ាងកក់ក្តៅដល់បក្សកុម្មុយនីស្តនិងប្រជាជនវៀតណាមដោយបញ្ជាក់ថាសិក្ខាសាលានេះនឹងប្រារព្ធខួបលើកទី ៩០ នៃការបង្កើតបក្សកុម្មុយនិស្តវៀតណាមគឺជាឱកាសមួយដើម្បីស្រាវជ្រាវនិងស្វែងយល់អំពីតួនាទីរបស់បក្សកុម្មុយនិស្តនៅក្នុងសង្គមទំនើបក្នុងការរៀបចំប្រមូលផ្តុំប្រជាជននិងដោះស្រាយបញ្ហាសង្គម។

តាមលោក Lang ទំនាក់ទំនងរវាងប្រជាជនវៀតណាមនិងកាណាដាកំពុងត្រូវបានពង្រឹងតាមរយៈដំណើរទស្សនកិច្ចស្វែងយល់អំពីប្រទេសវៀតណាមរបស់កាណាដាដោយការអភិវឌ្ឍទំនាក់ទំនងទ្វេភាគីលើវិស័យជាច្រើននិងជាពិសេសជាមួយការចូលរួមចំណែករបស់និស្សិតវៀតណាមដែលកំពុងសិក្សានៅកាណាដា។

បច្ចុប្បន្នវៀតណាមគឺជាប្រទេសឈានមុខគេមួយនៅអាស៊ីដែលមានកំណើនសេដ្ឋកិច្ចមានស្ថេរភាពនិងខ្ពស់។ ជំហររបស់វៀតណាមក៏ត្រូវបានកែលម្អឥតឈប់ឈរនៅលើឆាកអន្តរជាតិ។

នៅក្នុងបទសម្ភាសន៍ជាមួយអ្នកយកព័ត៌មាននៃទីភ្នាក់ងារសារព័ត៌មានវៀតណាមលោក​ Philip Fernandez សមាជិកនៃ CVFS ដែលជាសមាជិកម្នាក់នៃបក្សកុម្មុយនីស្តកាណាដា (ម៉ាក្សស៊ីស - លេនីននិយម) បានបញ្ជាក់ពីតួនាទីដឹកនាំដែលមិនអាចខ្វះបានរបស់បក្សកុម្មុយនិស្តវៀតណាមក្នុងសមិទ្ធិផលជាតិ។

លោកបានសង្កត់ធ្ងន់ថា៖ "កិត្យានុភាពនិងឋានៈខ្ពស់របស់វៀតណាមលើឆាកអន្តរជាតិឆ្លុះបញ្ចាំងពីអំណាចនយោបាយនិងមនោគមវិជ្ជារបស់បក្សក៏ដូចជាសមត្ថភាពប៉ិនប្រសប់របស់បក្សក្នុងការស្វែងរកទិសដៅក្នុងស្ថានភាពអន្តរជាតិដែលស្មុគស្មាញនាពេលបច្ចុប្បន្ននេះ និងដោយមានការចូលរួមពីប្រជាជនដើម្បីបង្កើតរបៀបវារៈដើម្បីកសាងប្រទេសវៀតណាមទំនើប។​ លក្ខណៈលេចធ្លោមួយរបស់បក្សកុម្មុយនិស្តវៀតណាមគឺសមត្ថភាពដែលត្រូវអនុវត្តបង្កើតគោលការណ៍ម៉ាក្សនិយម - លេនីននិយមនិងសតិអារម្មណ៍លោកប្រធានហូជីមិញក្នុងលក្ខខណ្ឌរបស់វៀតណាមដើម្បីសំរេចគោលដៅជាតិនិងអន្តរជាតិ។

នេះក៏ឆ្លុះបញ្ចាំងពីជំនឿរបស់ប្រជាជនវៀតណាមចំពោះការដឹកនាំរបស់បក្ស។ ហើយជំនឿរបស់សហគមន៍អន្តរជាតិលើបក្សកុម្មុយនិស្តវៀតណាមក៏ត្រូវបានបង្ហាញផងដែរនៅពេលដែលប្រទេសវៀតណាមនាពេលថ្មីៗនេះបានជាប់ឆ្នោតជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិសម្រាប់អាណត្តិ ២០២០-២០២១ ដោយសម្លេងគាំទ្រយ៉ាងជិតស្និទ្ធជាដាច់ខាត"៕

（ប្រែសម្រូលដោយវិច្ឆិកា）

（ប្រែសម្រូលដោយវិច្ឆិកា）