យុគសម័យ - នាព្រឹកថ្ងៃទី ២៦ ខែធ្នូ នៅទីស្នាក់ការរដ្ឋាភិបាលវៀតណាម នាយករដ្ឋមន្ត្រី លោក Nguyen Xuan Phuc បានអញ្ជើញទទួលជួបជាមួយរដ្ឋមន្ត្រីការបរទេសឡាវ លោក Saleumxay Kommasith ដែលកំពុងបំពេញទស្សនកិច្ចជាផ្លូវការនៅវៀតណាម។
នាយករដ្ឋមន្ត្រី លោក Nguyen Xuan Phuc ទទួលជួបជាមួយរដ្ឋមន្ត្រីការបរទេសឡាវ លោក Saleumxay Kommasith (រូបថតៈ TTXVN)
ក្នុងជំនួបនេះ នាយករដ្ឋមន្ត្រី លោក Nguyen Xuan Phuc បានអបអរសាទរ រដ្ឋមន្ត្រីការបរទេសឡាវ លោក Saleumxay Kommasith ដែលបានអញ្ជើញមកបំពេញទស្សនកិច្ចជាផ្លូវការនៅវៀតណាម និងរួមជាមួយឧបនាយរដ្ឋមន្ត្រី រដ្ឋមន្ត្រីការបរទេសវៀតណាមលោក Pham Binh Minh ធ្វើជាសហប្រធាននៃការពិគ្រោះយោបល់នយោបាយថ្នាក់រដ្ឋមន្រ្តីការបរទេសវៀតណាម - ឡាវលើកទី ៦។
អញ្ជើញជាការឆ្លើយតប លោករដ្ឋមន្ត្រី Saleumxay Kommasith បានអបអរសាទរចំពោះប្រទេសវៀតណាមដែលបានទទួលតំណែងជាប្រធានអាស៊ាន ២០២០ និងជាសមាជិកមិនអចិន្រ្តៃយ៍នៃក្រុមប្រឹក្សាសន្តិសុខអង្គការសហប្រជាជាតិសម្រាប់អាណត្តិ ២០២០-២០២១។ លោករដ្ឋមន្រ្តី Saleumxay Kommasith បានអះអាងថា បក្ស រដ្ឋ រដ្ឋាភិបាលនិងប្រជាជនឡាវនឹងប្រឹងប្រែងជួយដល់ប្រទេសវៀតណាមបំពេញប្រកបដោយជោគជ័យនូវតួនាទីសំខាន់ទាំងពីរនេះ ទាំងក្នុងតំបន់និងអន្តរជាតិផងដែរ។
ឆ្លៀតពេលនេះ រដ្ឋមន្ត្រីការបរទេសឡាវ ក៏បានជម្រាបលោកនាយករដ្ឋមន្ត្រីអំពីជោគជ័យនៃជំនួបពិគ្រោះយោបល់នយោបាយថ្នាក់រដ្ឋមន្ត្រីការបរទេសវៀតណាម-ឡាវលើកទី ៦។ តាមនោះ ភាគីទាំងពីរបានឯកភាពថា ក្រសួងការបរទេសវៀតណាមនឹងបង្កើនចែករំលែកជាមួយក្រសួងការបរទេសឡាវ នូវបទពិសោធន៍របស់វៀតណាម ក្នុងការកសាងគោលនយោបាយការទូត សេដ្ឋកិច្ចការបរទេស និងធ្វើសមាហរណកម្មអន្តរជាតិ ដោយហេតុថា គោលនយោបាយការទូតមានតួនាទីសំខាន់ក្នុងការជំរុញការអភិវឌ្ឍាសេដ្ឋកិច្ចនិងធ្វើសមាហរណកម្ម។
នាព្រឹកថ្ងៃទី ២៥ ធ្នូក្រសួងការបរទេសវៀតណាមនិងឡាវបានចុះហត្ថលេខាលើកម្មវិធីសកម្មភាពសហប្រតិបត្តិការដើម្បីជំរុញការទូតសេដ្ឋកិច្ចបន្ថែមទៀត សម្រាប់ដំណាក់កាល ២០២០-២០២៥ (រូបថតៈ VGP)
លោករដ្ឋមន្ត្រីរូបនេះរីករាយជម្រាបបន្ថែមថា បន្ទាប់ពីជំនួបពិគ្រោះយោបល់មក ភាគីទាំងពីរបានចុះហត្ថលេខាលើកម្មវិធីសកម្មភាព ស្តីពីកិច្ចសហប្រតិបត្តិការរវាងក្រសួងការបរទេសវៀតណាមនិងក្រសួងការបរទេសឡាវ ដោយផ្តោតលើការជំរុញថែមទៀត ការទូតសេដ្ឋកិច្ច ដំណាក់កាល ២០២០-២០២៥ ផងដែរ។
អញ្ជើញថ្លែងនៅទីនេះ នាយករដ្ឋមន្ត្រី លោក Nguyen Xuan Phuc បានសម្តែងក្តីសោមនស្សន៍រីករាយ ចំពោះការអភិវឌ្ឍវិជ្ជមាននៃទំនាក់ទំនងវៀតណាម-ឡាវ ក្នុងឆ្នាំ ២០១៩ ជាពិសេស យន្តការសហប្រតិបត្តិការបន្តបានពង្រីក។ លោកនាយករដ្ឋមន្ត្រីក៏បានសង្កត់ធ្ងន់ទៅលើការបំផុសសក្កានុពលនៃប្រទេសនីមួយៗ ដោយចាត់ទុកថា នេះជាកម្លាំងចលករដ៏សំខាន់ សម្រាប់ការអភិវឌ្ឍរបស់ប្រទេសទាំងពីរ។ លោកនាយករដ្ឋមន្ត្រីក៏បានវាយតម្លៃខ្ពស់ ចំពោះការសម្របសម្រួលយ៉ាងជិតស្និទ្ធក៏ដូចជាការផ្តល់ប្រឹក្សា ដែលបានរួមចំណែករឹតបន្តឹងនិងធ្វើអោយស៊ីជម្រៅថែមទៀត នូវទំនាក់ទំនងមិត្តភាពដ៏មហិមា សមាគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយវៀតណាម-ឡាវ។
ឧបនាយរដ្ឋមន្ត្រី រដ្ឋមន្ត្រីការបរទេសវៀតណាម លោក Pham Binh Minh និងដ្ឋមន្ត្រីការបរទេសឡាវ លោក Saleumxay Kommasith ធ្វើជាសហប្រធាននៃការពិគ្រោះយោបល់នយោបាយថ្នាក់រដ្ឋមន្រ្តីការបរទេសវៀតណាម - ឡាវលើកទី ៦ (រូបថតៈ VGP)
ក្នុងឆ្នាំខាងមុខនេះ វៀតណាមបានធ្វើជាប្រធានអាស៊ាននិងសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ ហេតុដូច្នេះ លោកនាយករដ្ឋមន្ត្រីបានស្នើអោយភាគីទាំងពីរ បង្កើនការផ្លាស់ប្តូរព័ត៌មានដើម្បីពិគ្រោះនិងគាំទ្រគ្នាទៅវិញទៅមក ជាពិសេសបញ្ហាសន្តិសុខ យុទ្ធសាស្រ្តក្នុងតំបន់; ចូលរួមចំណែកក្នុងការរក្សាសាមគ្គីភាពនិងតួនាទីជាមជ្ឈភាពរបស់អាស៊ានក្នុងបរិបទនៃស្ថានភាពពិភពលោកនិងតំបន់កំពុងពោរពេញដោយភាពចម្រូងចម្រាស់។
លោករដ្ឋមន្រ្តី Saleumxay Kommasith បានថ្លែងអំណរគុណចំពោះបក្ស រដ្ឋ រដ្ឋាភិបាលនិងប្រជាជនវៀតណាម ចំពោះការគាំទ្រប្រកបដោយអត្ថន័យនិងស្មោះត្រង់សម្រាប់ ប្រជាជននៃកុលសម្ព័ន្ធឡាវនិងបានបញ្ជាក់ថា ក្រសួងការបរទេសឡាវនឹងរួមជាមួយក្រសួងនិងស្ថាប័ននានារបស់ឡាវ នឹងជំរុញថែមទៀតនូវទំនាក់ទំនង កិច្ចសហប្រតិបត្តិការជាមួយក្រសួងសាខានិងមូលដ្ឋាននានារបស់វៀតណាម សំដៅរឹតបន្តឹងនិងពង្រឹងទំនាក់ទំនងប្រពៃណីសាមគ្គីភាពពិសេសរវាងវៀតណាមនិងឡាវផងដែរ៕
（ដោយ ស្រីព្រេជ）
មតិពីមិត្តអ្នកអាន