កិច្ចប្រជុំពិគ្រោះយោបល់ស្តីពីកិច្ចសហប្រតិបត្តិការសេដ្ឋកិច្ចរវាងអាស៊ាននិងកាណាដា

រដ្ឋមន្ត្រីក្រសួងឧស្សាហកម្មនិងពាណិជ្ជកម្មវៀតណាម លោក Tran Tuan Anh

រដ្ឋមន្រ្តីទាំងអស់នៅក្នុងកិច្ចប្រជុំនេះបានកោតសរសើរចំពោះការកើនឡើងនូវតម្លៃនៃប្រតិបត្តិការពាណិជ្ជកម្មទ្វេភាគីរវាងភាគីទាំងពីរដោយឈានដល់ ១៧,១ ពាន់ពាន់លានដុល្លារអាមេរិកស្របពេលដែល FDI ពីកាណាដាទៅអាស៊ានសម្រេចបាន ៣,២ ពាន់ពាន់លានដុល្លារអាមេរិកក្នុងឆ្នាំ ២០១៩ ។ ចំនួនជាក់លាក់នេះធ្វើឱ្យកាណាដាក្លាយជាដៃគូពាណិជ្ជកម្មធំទី ៩ និងដៃគូវិនិយោគបរទេសធំជាងគេទី ៥ ក្នុងចំណោមដៃគូខាងក្រៅរបស់អាស៊ានផងដែរ។

ក្នុងឱកាសនេះ រដ្ឋមន្រ្តីក្រសួងធុរកិច្ចខ្នាតតូច ជម្រុញពាណិជ្ជកម្ម និងពាណិជ្ជកម្មអន្តរជាតិរបស់កាណាដាលោកស្រី Mary Ng បានឲ្យដឹងថាប្រទេសកាណាដាមានបំណងចង់បន្តក្លាយជាគោលដៅសម្រាប់វិនិយោគិនអាស៊ាន ហើយភាគីទាំងពីរនឹង រួមគ្នាកសាងមូលដ្ឋានគ្រឹះដ៏រឹងមាំសម្រាប់អង្គភាពអាជីវកម្មនិងប្រជាជនផងដែរ។

អញ្ជើញថ្លែងនៅក្នុងកិច្ចប្រជុំរដ្ឋមន្ត្រីក្រសួងឧស្សាហកម្មនិងពាណិជ្ជកម្មវៀតណាម លោក Tran Tuan Anh បានសង្កត់ធ្ងន់ថា៖ «កាណាដាជានិច្ចកាលជាដៃគូសន្ទនាដ៏សំខាន់របស់អាស៊ាន។ ការធ្វើពាណិជ្ជកម្មទំនិញរវាងប្រទេសទាំងពីរបានកើនឡើយយ៉ាងស្ថិរភាពក្នុងរយៈពេល ១០ ឆ្នាំកន្លងមក ហើយភាគីទាំងពីរបានទទួលស្គាល់នូវឱកាសជាច្រើន នៅពេលដែលភាគីទាំងពីរសហការជាមួយគ្នាកាន់តែជិតស្និទ្ធថែមទៀតក្នុងវិស័យសេដ្ឋកិច្ច។ ទំហំពាណិជ្ជកម្មទំនិញរវាងភាគីទាំងពីរសម្រេចបាន ៧០ ពាន់លានដុល្លារអាមេរិកក្នុងឆ្នាំ ២០១៩ ។ ឆ្នាំនេះគឺជាឆ្នាំដ៏លំបាកមួយនៅក្នុងបរិបទដែលជំងឺរាតត្បាតកូវីដ១៩ បានជះឥទ្ធិពលយ៉ាងខ្លាំងដល់ជីវភាពរស់នៅនិងសេដ្ឋកិច្ច-សង្គមរបស់ប្រទេស នីមួយៗ។ ក្នុងបរិបទនោះ ភាគីទាំងពីរចាំបាច់ត្រូវរក្សាការតភ្ជាប់ និងបង្កើនកិច្ចសហប្រតិបត្តិការដើម្បីឆ្លើយតបនឹងវិបត្តិនេះ»។

ទិដ្ឋភាពនៃកិច្ចប្រជុំតាមប្រព័ន្ធអនឡាញនេះ

គួរបញ្ជាក់ថានាយប់ថ្ងៃទី ២៨ ខែសីហា រដ្ឋមន្រ្តីសេដ្ឋកិច្ចអាស៊ានបានជួបប្រជុំគ្នាលើកទី ៨ ជាមួយដៃគូបរទេសនៅតំបន់អាស៊ីខាងកើតផងដែរ។ នៅក្នុងកិច្ចប្រជុំនេះ រដ្ឋមន្រ្តីទាំងឡាយបានអះអាងពីការប្តេជ្ញាចិត្តក្នុងការជំរុញពាណិជ្ជកម្មនិងការវិនិយោគនៅក្នុងតំបន់ ជាពិសេសសម្រាប់ទំនិញនិងសេវាកម្មសំខាន់ៗ ដូចជា សុខាភិបាល វ៉ាក់សាំង និងស្បៀងអាហារជាដើម។ទន្ទឹមនឹងនេះដែរ រដ្ឋមន្រ្តីទាំងអស់ក៏បានកោតសរសើរចំពោះការគាំទ្ររបស់តំបន់ក្នុងការធ្វើកំណែទម្រង់អង្គការពាណិជ្ជកម្មពិភពលោក (WTO) និងបានសន្យាសហការគ្នាដើម្បីធ្វើកំណែទម្រង់អង្គការពាណិជ្ជកម្មពិភពលោកឲ្យបានល្អបំផុត ដើម្បីប្រព័ន្ធពាណិជ្ជកម្ម ពហុភាគីមួយប្រកបដោយនិរន្តរភាពផងដែរ៕

（បកប្រែដោយ ហេងវុធ្ធី）

（ប្រភពព័ត៌មាន: vtv.vn）

（បកប្រែដោយ ហេងវុធ្ធី）