ប្រទេសវៀតណាមបានស្នើឱ្យសមាជិក ARF គាំទ្រជំហររបស់អាស៊ានលើបញ្ហាសមុទ្រខាងកើត

លោក Nguyen Quoc Dung ថ្លែងក្នុងកិច្ចប្រជុំ។ (ប្រភព៖​ Baoquocte)

ទាក់ទងនឹងសមុទ្រខាងកើត ប្រទេសជាច្រើនបានសម្តែងការព្រួយបារម្ភចំពោះការវិវឌ្ឍន៍និងករណីនានាដែលស្មុគស្មាញនាពេលថ្មីៗនេះ ដូចជាការបង្កើនកម្លាំងយោធាការយាយីនិងការរាំងស្ទះដល់សកម្មភាពសេដ្ឋកិច្ចធម្មតារបស់ប្រទេសនៅតាមឆ្នេរសមុទ្រដោយរំលោភច្បាប់អន្តរជាតិ អនុសញ្ញាអន្តរជាតិនិងអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ ១៩៨២ ដែលបង្កអន្តរាយដល់សន្តិភាពនិងសន្តិសុខក្នុងតំបន់ ...

ក្រោមកាលៈទេសៈទាំងនេះ ប្រទេសនានាបានសង្កត់ធ្ងន់លើភាពចាំបាច់នៃការអត់ធ្មត់និងគ្មានសកម្មភាពធ្វើអោយស្មុគស្មាញដល់ស្ថានភាពនិងភាពតានតឹងកើនឡើង។ អំពាវនាវឱ្យមានការអនុវត្តពេញលេញនិងប្រកបដោយប្រសិទ្ធភាពនៃសេចក្តីប្រកាសស្តីពីការប្រតិបត្តិរបស់ភាគីនានានៅសមុទ្រខាងកើត (DOC) ហើយឆាប់ៗនេះបញ្ចប់ការសាងសង់ក្រមប្រតិបត្តិតំបន់នៅសមុទ្រខាងកើត (COC) ប្រកបដោយប្រសិទ្ធភាពនិងស្របតាមច្បាប់អន្តរជាតិនិង UNCLOS។ ប្រទេសជាច្រើនបានស្វាគមន៍និងវាយតម្លៃខ្ពស់ចំពោះជំហរគោលការណ៍របស់អាស៊ានក្នុងបញ្ហាសមុទ្រខាងកើតដែលបានសម្តែងនៅក្នុងកិច្ចប្រជុំកំពូលអាស៊ានលើកទី៣៦ ។

ទិដ្ឋភាពនៃកិច្ចប្រជុំ។ (ប្រភព៖ Baoquocte)

ថ្លែងក្នុងកិច្ចប្រជុំនេះ អនុរដ្ឋមន្រ្តីក្រសួងការបរទេសវៀតណាមលោក Nguyen Quoc Dung បានសង្កត់ធ្ងន់ថាក្នុងបរិបទនៃយុទ្ធសាស្ត្រក្នុងតំបន់និងអន្តរជាតិមានការផ្លាស់ប្តូរជាមូលដ្ឋាននិងខ្លាំងក្លា ARF ត្រូវការបន្តលើកកម្ពស់តួនាទីរបស់ខ្លួនដូចជា ជាវេទិកាសំខាន់សម្រាប់ប្រទេសនានាដើម្បីបង្កើនការសន្ទនាសាមគ្គីភាពនិងកិច្ចសហប្រតិបត្តិការដើម្បីឆ្លើយតបប្រកបដោយប្រសិទ្ធភាពចំពោះបញ្ហាប្រឈមថ្មីៗ។

ទាក់ទិននឹងស្ថានភាពនៅសមុទ្រខាងកើតលោកអនុរដ្ឋមន្ត្រីបានឲ្យដឹងថាចំពោះមុខនឹងការវិវឌ្ឍន៍ដ៏ស្មុគស្មាញនិងរំខាននៅសមុទ្រខាងកើតនាពេលកន្លងមក ក្នុងកិច្ចប្រជុំកំពូលអាស៊ានលើកទី ៣៦ អាស៊ានបានបញ្ជាក់ជំហររបស់ខ្លួនជាថ្មីម្តងទឿតដោយសង្កត់ធ្ងន់លើតម្រូវការនៃការអត់ធ្មត់មិ នធ្វើយោនីនិយម គ្មានសកម្មភាពណាដែលធ្វើឱ្យស្មុគស្មាញដល់ជម្លោះនិងបង្កើនភាពតានតឹងជាពិសេសតម្រូវការលើកកម្ពស់ការអនុលោមតាមច្បាប់អន្ដរជាតិនិង UNCLOS ១៩៨២ បញ្ជាក់ថាអនុសញ្ញាបានបង្កើតក្របខ័ណ្ឌច្បាប់គ្រប់គ្រងសកម្មភាពទាំងអស់នៅដែនសមុទ្រនិងមហាសមុទ្រដែលប្រជាជាតិទាំងអស់ត្រូវអនុវត្តតាម៕

（ប្រែសម្រូលដោយវិច្ឆិកា）

（ប្រែសម្រូលដោយវិច្ឆិកា）