វៀតណាម-កម្ពុជាបង្កើនកិច្ចសហប្រតិបត្តិការក្នុងការប្រមូលអដ្ឋិធាតុយុទ្ធជនពលី

អនុប្រធានគណៈកម្មាធិការប្រជាជនខេត្ត ប្រធានគណៈកម្មាធិការជំនាញខេត្ត An Giang លោក Le Trung Ho និងអភិបាលរង ប្រធានគណៈកម្មាធិការជំនាញខេត្តកោះកុង លោក ហាក់ ឡេង សហប្រធានក្នុងពិធីនេះ។ មានការអញ្ជើញចូលរួមពីថ្នាក់ដឹកនាំមន្ទីរ អង្គភាព និងវិស័យនានានៃខេត្តអានយ៉ាង និងខេត្តកោះកុង។

អនុប្រធានគណៈកម្មាធិការប្រជាជនខេត្ត ប្រធានគណៈកម្មាធិការដឹកនាំខេត្ត An Giang លោក Le Trung Ho និងលោក Hak Leng អភិបាលរងខេត្ត ប្រធានគណៈកម្មាធិការដឹកនាំខេត្តកោះកុង បានធ្វើពិធីចុះហត្ថលេខាលើកំណត់ហេតុ។

អញ្ជើញថ្លែងមតិក្នុងពិធីនេះ អនុប្រធានគណៈកម្មាធិការប្រជាជនខេត្ត ប្រធានក្រុមការងារខេត្ត An Giang លោក Le Trung Ho បានឲ្យដឹងថា ចាប់តាំងពីឆ្នាំ ២.០០០ រហូតមកដល់ពេលនេះ ក្រុមការងារចំនួន ២ ដំណើរការស្វែងរកនិងប្រមូលអដ្ឋិធាតុយុទ្ធជនពលីនៅខេត្ត An Giang បានស្វែងរកនិងប្រមូលអដ្ឋិធាតុយុទ្ធជនពលីចំនួន ៤.២៨៦ នៅតាមខេត្តចំនួន ៦ នៃព្រះរាជាណាចក្រកម្ពុជា។ ដោយឡែក នៅក្នុងខេត្តកោះកុង ក្រុមការងារ K៩២ បានប្រមូលអដ្ឋិធាតុចំនួន ១៦០ ដែលក្នុងនោះ អដ្ឋិធាតុយុទ្ធជនចំនួន ២ ត្រូវបានរកឃើញនៅរដូវប្រាំង ឆ្នាំ ២០២៤-២០២៥។ ពិធីចុះហត្ថលេខាបន្តបញ្ជាក់ពីចំណងសាមគ្គីភាព និងមិត្តភាពជាប្រពៃណីរវាងវៀតណាមនិងកម្ពុជា ហើយទន្ទឹមនឹងនោះក៏បង្ហាញពីការដឹងគុណយ៉ាងជ្រាលជ្រៅចំពោះវីរជន យុទ្ធជនពលីដែលបានពលីកម្មដើម្បីសន្តិភាព ឯករាជ្យភាព និងចំណង់មិត្តភាពរវាងប្រជាជាតិទាំងពីរ។

ចំណែកលោក ហាក់ ឡេង បានវាយតម្លៃខ្ពស់ចំពោះលទ្ធផលកិច្ចសហប្រតិបត្តិការជាវិជ្ជមានរវាងក្រុមការងារនៃខេត្តទាំងពីរនាពេលកន្លងមក។ បានបញ្ជាក់ថា ខេត្តកោះកុង នឹងបន្តគាំទ្រ និងសម្របសម្រួលយ៉ាងជិតស្និទ្ធ ក្នុងការចុះអង្កេត ស្រាវជ្រាវ និងផ្តល់ព័ត៌មាន ដើម្បីបញ្ចប់ការងារប្រកបដោយជោគជ័យក្នុងរដូវប្រាំង ឆ្នាំ២០២៥-២០២៦ និងដំណាក់កាលបន្តបន្ទាប់ទៀត។

ក្នុងពិធីនេះ ភាគីទាំងពីរបានចុះហត្ថលេខាលើអនុស្សរណៈនៃកិច្ចសហប្រតិបត្តិការ ដើម្បីដាក់ពង្រាយការងាររុករក ប្រមូល និងធ្វើមាតុភូមិនិវត្តន៍អដ្ឋិធាតុរបស់យោធិនស្ម័គ្រចិត្ត និងអ្នកជំនាញវៀតណាម ដែលបានស្លាប់នៅកម្ពុជានៅខេត្តកោះកុង ក្នុងដំណាក់កាលទី ២៥ រដូវប្រាំង ២០២៥-២០២៦។

ទិដ្ឋភាពនៃពិធីចុះហត្ថលេខា។

ក្នុងឱកាសនេះ ក្រុមការងារខេត្ត An Giang បានប្រគល់ថវិកាឧបត្ថម្ភរបស់រដ្ឋាភិបាលវៀតណាម ដល់ក្រុមការងារខេត្តកោះកុង ដើម្បីសម្របសម្រួលស្វែងរក និងប្រមូលអដ្ឋិធាតុរបស់យុទ្ធជនពលី ព្រមទាំងបានប្រគល់អំណោយជូនអាជ្ញាធរ កងកម្លាំងប្រដាប់អាវុធ និងប្រជាជនខេត្តកោះកុង ដែលបានជួយឧបត្ថម្ភ និងបង្កលក្ខណៈងាយស្រួលសម្រាប់ក្រុមការងារខេត្តនិងក្រុមការងារលេខ K៩២ នៃបញ្ជាការដ្ឋានយោធាខេត្ត An Giang ក្នុងការបំពេញភារកិច្ចកន្លងមកប្រកបដោយជោគជ័យ៕

ខេត្តប៉ៃលិន៖ សម្ពោធគម្រោងទីកន្លែងសក្ការៈបូជានិងរក្សាទុកអដ្ឋិធាតុយុទ្ធជនពលីនៃកងទ័ពស្ម័គ្រចិត្តវៀតណាម នាថ្ងៃទី ៣១ មករា នៅខេត្តប៉ៃលិន ភាគពាយ័ព្យនៃព្រះរាជាណាចក្រកម្ពុជា បានប្រព្រឹត្តទៅពិធីសម្ពោធគម្រោងទីធ្វើសក្កាៈបូជានិងរក្សាទុកអដ្ឋិធាតុកងទ័ពស្ម័គ្រចិត្តវៀតណាម។

វៀតណាមមានបំណងចង់បន្តទទួលការជួយគាំទ្រ និងបង្កលក្ខខណៈងាយស្រួលសម្រាប់ការរុករក និងប្រមូលអដ្ឋិធាតុយុទ្ធជនពលីពីភាគីកម្ពុជា នាថ្ងៃទី៧ និងទី៨ ខែវិច្ឆិកា ក្រុមការងារនៃគណៈកម្មការដឹកនាំលេខ ៥១៥ ខេត្ត Dak Lak បានធ្វើការជាមួយអាជ្ញាធរ កងកម្លាំងប្រដាប់អាវុធ និងប្រគល់អំណោយជូនប្រជាពលរដ្ឋខេត្តមណ្ឌលគិរី ។

ឌឹកអាញ់