យុគសម័យ៖ នាថ្ងៃទី ៣០ ខែមករា នៅទីក្រុង New York ក្រុមប្រឹក្សាសន្តិសុខអង្គការសហប្រជាជាតិបានធ្វើឡើងនូវសម័យប្រជុំ ស្តីពីកិច្ចសហប្រតិបត្តិការរវាងអង្គការសហប្រជាជាតិនិងអាស៊ាន ក្នុងការថែរក្សាសន្តិភាពនិងសន្តិសុខអន្តរជាតិ ក្រោមអធិបតីភាពរបស់ប្រទេសវៀតណាម ប្រធានក្រុមប្រឹក្សាសន្តិសុខ ចាប់ពីខែមករាឆ្នាំ ២០២០ ។ ក្នុងសម័យប្រជុំនេះមានការចូលរួមពីលោកអគ្គលេខាធិការអង្គការសហប្រជាជាតិ António Guterres និងលោកអគ្គលេខាធិការអាស៊ាន Lim Jock។
នៅក្នុងសម័យប្រជុំនេះសមាជិកនៃក្រុមប្រឹក្សាសន្តិសុខអង្គការសហប្រជាជាតិបានអបអរសាទរចំពោះ ការរៀបចំកិច្ចប្រជុំជាលើកដំបូង ស្តីពីកិច្ចសហប្រតិបត្តិការរវាងអង្គការសហប្រជាជាតិនិងអាស៊ាន
នៅក្រុមប្រឹក្សាសន្តិសុខ។ សង្កត់ធ្ងន់ទៅលើភាព ជោគជ័យរបស់អាស៊ានដែលក្លាយទៅជាបទពិសោធន៍ដ៏មានតម្លៃសម្រាប់ ការលើកកម្ពស់ស្មារតីសហគមន៍និងអត្តសញ្ញាណ ការកោតសរសើរដល់មាគ៌ាអាស៊ានជាគំរូនៃការពិគ្រោះយោបល់ សហប្រតិបត្តិការនិងបង្កើតការយល់ព្រមក្នុងតំបន់ ការគាំទ្រចំពោះកិច្ចខិតខំប្រឹងប្រែងរបស់អាស៊ានក្នុងការជំរុញកិច្ចពិភាក្សានិងកិច្ចសហប្រតិបត្តិការ តាមរយៈយន្តការដែលបានផ្តួចផ្តើម ដឹកនាំ ដោយអាស៊ាន។ សង្កត់ធ្ងន់លើសារៈសំខាន់នៃការពង្រឹងតួនាទីស្នូលរបស់អាស៊ាន ក្នុងរចនាសម្ព័ន្ធតំបន់។ ទន្ទឹមនឹងនេះដែរ បណ្តាសមាជិកក៏បានសម្តែងក្តីសង្ឃឹមថា អាស៊ាននឹងបន្ត ខិតខំប្រឹងប្រែងនិងលើកកម្ពស់តួនាទីរបស់ខ្លួន ក្នុងការដោះស្រាយបញ្ហាដែលតំបន់និងពិភពលោកយកចិត្តទុកដាក់។
លោកឯកអគ្គរដ្ឋទូត Dang Dinh Quy ប្រធានក្រុមបេសកម្មអចិន្រ្តៃយ៍ប្រចាំនៅប្រទេសវៀតណាមនៅឯអង្គការសហប្រជាជាតិនៅក្នុងកិច្ចប្រជុំនេះ។ (រូបថត៖កាសែត Quoc te)
បណ្តាប្រទេសបានកត់សម្គាល់ការវិវឌ្ឍន៍នៃកិច្ចសហប្រតិបត្តិការរវាងអង្គការសហប្រជាជាតិ និងអាស៊ាន ជាពិសេសគឺការបង្កើតភាពជាដៃគូគ្រប់ជ្រុងជ្រោយក្នុងឆ្នាំ ២០១១ និងការអនុវត្តប្រកបដោយប្រសិទ្ធភាពនៃផែនការសកម្មភាពសហប្រតិបត្តិការ ក្នុងដំណាក់កាល ២០១៦-២០២០ ដែលមានអត្រាជាង ៩០ ។ % ។ អបអរសាទរចំពោះការរៀបចំផែនការសកម្មភាពថ្មី ក្នុងរយៈពេល ៥ ឆ្នាំខាងមុខ។
ថ្លែងសុន្ទរកថាក្នុងសម័យប្រជុំនេះ លោកឯកអគ្គរដ្ឋទូត Dang Dinh Quy ប្រធានក្រុមបេសកកម្មវៀតណាមប្រចាំនៅអង្គការសហប្រជាជាតិ បញ្ជាក់ពីសារៈសំខាន់និងភាពចាំបាច់នៃការពង្រឹងកិច្ចសហប្រតិបត្តិការរវាងអង្គការសហប្រជាជាតិនិងអង្គការនានាក្នុងតំបន់ ក្នុងនោះមានអាស៊ាន បញ្ជាក់ថាអាស៊ានជាដៃគូសកម្មនិងគួរឱ្យទុកចិត្តរបស់អង្គការសហប្រជាជាតិ ចែករំលែកភាពជោគជ័យរបស់អាស៊ានរួមទាំងការបង្កើតសហគមន៍អាស៊ាន នៅឆ្នាំ ២០១៥ ដែលជាសក្ខីភាពដ៏រឹងមាំមួយចំពោះសាមគ្គីភាព និងការខិតខំប្រឹងប្រែងរួមគ្នា ដើម្បីជាស្រេចគោលដៅរួម ។
ទាក់ទងនឹងកិច្ចសហប្រតិបត្តិការអាស៊ាន - អង្គការសហប្រជាជាតិ លោកឯកអគ្គរដ្ឋទូតវៀតណាម Dang Dinh Quy បានអះអាងថា វៀតណាមក្នុងនាមជាប្រធានអាស៊ាន ២០២០ និងជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិនឹងខិតខំ ប្រឹងប្រែងអស់ពីកាយចិត្ត ដើម្បីបន្តជំរុញកិច្ចសហប្រតិបត្តិការគ្រប់ជ្រុងជ្រោយនិងប្រកបដោយប្រសិទ្ធភាពរវាងអង្គការទាំងពីរ ផ្តោតទៅលើវិស័យអាទិភាពមួយចំនួន ដូចជា ការដោះស្រាយជម្លោះដោយសន្តិវិធី ការទូតការការពារ ការដកហូតអាវុធ ការរក្សាសន្តិភាព ការប្រឆាំងនឹងភេរវកម្ម កិច្ចសហប្រតិបត្តិការលើដែនសមុទ្រ សន្តិសុខនៅលើផ្លូវសមុទ្រ។
ផ្អែកលើមូលដ្ឋានទាំងនោះលោកឯកអគ្គរដ្ឋទូតវៀតណាម Dang Dinh Quy បានឧទ្ទេសនាមនូវសំណើ សហប្រតិបត្តិការរវាងអាស៊ាននិងអង្គការសហប្រជាជាតិ ដែលវៀតណាមនឹងជំរុញក្នុងឆ្នាំ ២០២០ ដូចជាការលើកកម្ពស់គុណភាពនិងប្រសិទ្ធភាពនៃការចូលរួមរបស់បណ្តាប្រទេសអាស៊ាន ក្នុងបណ្តាសកម្មភាពរក្សាសន្តិភាពរបស់អង្គការសហប្រជាជាតិ។ ; លើកកម្ពស់តួនាទីនិងការចូលរួមចំណែករបស់ស្ត្រីអាស៊ាន ក្នុងវិស័យសន្តិភាពនិងសន្តិសុខ។ ការអនុវត្តប្រកបដោយប្រសិទ្ធភាពនៃផែនទីចង្អុលផ្លូវនៃការតភ្ជាប់ជួយគាំទ្រទៅវិញទៅមករវាងគោលដៅអភិវឌ្ឍន៍រប្រកបដោយចីរភាពរបស់អង្គការសហប្រជាជាតិ និងចក្ខុវិស័យនៃសហគមន៍អាស៊ាន ២០២៥។ យោងតាមនេះវៀតណាមស្នើឱ្យរៀបចំកិច្ចពិភាក្សាកំពូល អាស៊ាន - អង្គការសហប្រជាជាតិ ស្តីពីការអភិវឌ្ឍន៍ប្រកបដោយចីរភាព ដែលនឹងលើកឡើង ក្នុងកិច្ចប្រជុំកំពូលអាស៊ាន - អង្គការសហប្រជាជាតិ នឹងប្រព្រឹត្តទៅនៅប្រទេសវៀតណាម នាខែតុលាឆ្នាំ ២០២០ ./.
（ប្រែសម្រួលដោយឌីណា）
（ប្រភពព័ត៌មាន: ប្រភពព័ត៌មាន៖ baoquocte）
មតិពីមិត្តអ្នកអាន