យុគសម័យ - ក្នុងក្របខ័ណ្ឌនៃពិព័រណ៍ទេសចរណ៍អន្តរជាតិទីក្រុងហូជីមិញ លើកទី ១៩ ឆ្នាំ២០២៥ (ITE HCMC 2025) ដែលប្រព្រឹត្តទៅនាថ្ងៃទី ៤ ខែកញ្ញា លោក Nguyen Van Duoc ប្រធានគណៈកម្មាធិការប្រជាជនទីក្រុង ហូជីមិញ បានជួបពិភាក្សាការងារជាមួយលោក ហួត ហាក់ រដ្ឋមន្ត្រីក្រសួងទេសចរណ៍កម្ពុជា។
| ក្រុមហ៊ុនអាកាសចរណ៍អន្តរជាតិធំជាងគេលើពិភពលោកបើកជើងហោះហើរមកកាន់ទីក្រុង Da Nang បើកជើងហោះហើរត្រង់ពីទីក្រុងហាណូយទៅកាន់ទីក្រុងភ្នំពេញ |
ក្នុងជំនួបនេះ លោក Nguyen Van Duoc ប្រធានគណៈកម្មាធិការប្រជាជនទីក្រុងហូជីមិញ បានស្វាគមន៍លោក ហួត ហាក់ និងគណៈប្រតិភូក្រសួងទេសចរណ៍កម្ពុជាមកបំពេញទស្សនកិច្ចនៅទីក្រុងហូជីមិញ និងចូលរួមព្រឹត្តិការណ៍នានាក្នុងក្របខ័ណ្ឌនៃពិព័រណ៍ទេសចរណ៍អន្តរជាតិទីក្រុងហូជីមិញឆ្នាំ២០២៥។
 |
| លោក ហួត ហាក់ រដ្ឋមន្ត្រីក្រសួងទេសចរណ៍កម្ពុជា |
ក្នុងជំនួបជាមួយថ្នាក់ដឹកនាំគណៈកម្មាធិការប្រជាជនទីក្រុងហូជីមិញ លោក ហួត ហាក់ រដ្ឋមន្ត្រីក្រសួងទេសចរណ៍កម្ពុជា បានឲ្យដឹងថា ផ្នែកទេសចរណ៍របស់កម្ពុជាកំពុងមានការអភិវឌ្ឍយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះ។ អាស្រ័យហេតុនេះ ចំនួនភ្ញៀវទេសចរអន្តរជាតិមកកម្ពុជានៅឆ្នាំ២០២៤ នឹងកើនដល់ ៦.៧ លាននាក់ ដែលក្នុងនោះភ្ញៀវទេសចរប្រមាណ ១.៣ លាននាក់ មកពីប្រទេសវៀតណាម។
លោក ហួត ហាក់ បានសង្កត់ធ្ងន់ថា វៀតណាមនិងកម្ពុជាជាប់ព្រំដែនគ្នា ដូច្នេះប្រទេសទាំងពីរមាលក្ខណៈអំណោយផលសម្រាប់ការអភិវឌ្ឍទំនាក់ទំនងទេសចរណ៍រវាងប្រទេសទាំងពីរ។
 |
| គណៈប្រតិភូក្រសួងទេសចរណ៍កម្ពុជាជួបពិភាក្សាជាមួយថ្នាក់ដឹកនាំគណៈកម្មាធិការប្រជាជនទីក្រុងហូជីមិញ |
ទោះបីជាយ៉ាងណាក៏ដោយ នាពេលកន្លងមក កិច្ចសហប្រតិបត្តិការរវាងភាគីទាំងពីរនៅតែប្រឈមមុខនឹងបញ្ហាមួយចំនួនដូចជា៖ កង្វះជើងហោះហើរត្រង់ មិនទាន់មានគោលនយោបាយសម្រាប់ជួយគាំទ្រ និងបង្កលក្ខណៈសម្រាប់អាជីវកម្មទេសចរណ៍ឯកជននៃប្រទេសទាំងពីរ។
លោករដ្ឋមន្ត្រីក្រសួងទេសចរណ៍កម្ពុជាមានបំណងចង់សហប្រតិបត្ដិការ និងស្នើឲ្យថ្នាក់ដឹកនាំទីក្រុងហូជីមិញ បង្កើតជើងហោះហើរត្រង់បន្ថែមទៀតដើម្បីតភ្ជាប់ប្រទេសទាំងពីរ។ ជាមួយគ្នានេះ លោក ហួត ហាក់ ក៏បានស្នើឱ្យបង្កើនការផ្លាស់ប្តូរគណៈប្រតិភូ រៀបចំវេទិកាទេសចរណ៍រវាងភាគីទាំងពីរដើម្បីស្វែងរកកាលានុវត្តភាពសហប្រតិបត្តិការ និងជំរុញការអភិវឌ្ឍទេសចរណ៍ផ្លូវគោករវាងប្រទេសទាំងពីរបន្ថែមទៀត។
លោក Nguyen Van Duoc ប្រធានគណៈកម្មាធិការប្រជាជនទីក្រុងហូជីមិញ បានសង្កត់ធ្ងន់ថា ទីក្រុងហូជីមិញតែងតែឈានមុខគេក្នុងសកម្មភាពកិច្ចសហប្រតិបត្តិការជាមួយកម្ពុជា ជាពិសេសជាមួយរាជធានីភ្នំពេញ រួមចំណែកពូនជ្រំទំនាក់ទំនងនេះឈានឡើងកម្រិតកម្ពស់ថ្មីមួយ។
លោក Nguyen Van Duoc បានស្នើឲ្យក្រសួងទេសចរណ៍កម្ពុជាបន្តជំរុញការសម្របសម្រួល និងផ្សព្វផ្សាយទេសចរណ៍លើបណ្តាញសារព័ត៌មាននៃប្រទេសទាំងពីរ និងបង្កើតទួរទេសចរណ៍ឆ្លងដែនដ៏ទាក់ទាញ និងតភ្ជាប់គ្នា៕
 សារព័ត៌មានកម្ពុជាផ្សព្វផ្សាយមិត្តភាពជិតខាងជាមួយវៀតណាម យុគសម័យ - សារព័ត៌មានកម្ពុជាបានបញ្ជាក់ថា ទំនាក់ទំនងមិត្តភាពវៀតណាម-កម្ពុជាត្រូវបានបំផុសចេញពីប្រវត្តិសាស្ត្រនៃការតស៊ូទាមទារឯករាជ្យ និងបន្តអភិវឌ្ឍយ៉ាងទូលំទូលាយ នាំមកនូវផលប្រយោជន៍ជាក់ស្តែងជូនប្រជាជននៃប្រទេសទាំងពីរ។ |
 កងទ័ពរុស្ស៊ី ឡាវ និងកម្ពុជា ចូលរួមដង្ហែក្បួនយោធារួមគ្នា ដើម្បីអបអរសាទរទិវាជាតិនៃថ្ងៃទី២ ខែកញ្ញា យុគសម័យ - នាយប់ថ្ងៃទី ២១ ខែសីហា នៅទីលាន Ba Dinh (ហាណូយ) ពិធីដង្ហែក្បួន និងហាត់សមយោធាលើកដំបូងឆ្ពោះទៅកាន់ខួបលើកទី ៨០ នៃបដិវត្តន៍ខែសីហា និងទិវាជាតិនៃសាធារណរដ្ឋសង្គមនិយមវៀតណាមបានប្រព្រឹត្តទៅដោយមានការចូលរួមពីនាយទាហាន ទាហាន ប៉ូលីស និងកម្លាំងយោធានៃសហព័ន្ធរុស្ស៊ី ឡាវ និងកម្ពុជាចំនួន ១៦.៣០០នាក់។ |
មតិពីមិត្តអ្នកអាន