សម្ព័ន្ធសហករណ៍មានសារៈសំខាន់ក្នុងការធ្វើសមាហរណកម្ម

នាយករដ្ឋមន្ត្រី លោក Nguyen Xuan Phuc អញ្ជើញថ្លែងមតិក្នុងជំនួបធ្វើការ (រូបថតៈ TTXVN)

ក្នុងជំនួបធ្វើការនេះ នាយករដ្ឋមន្ត្រី លោក Nguyen Xuan Phuc បានអះអាងថា សហករណ៍មានកាតព្វកិច្ចសំខាន់ក្នុងដំណើរការធ្វើសមាហរណកម្ម រួមចំណែកសំខាន់ទៅក្នុងដំណើរការអភិវឌ្ឍសេដ្ឋកិច្ច - សង្គមរបស់ប្រទេសជាតិ។

នាយករដ្ឋមន្ត្រី លោក Nguyen Xuan Phuc បានចាត់ទុកថា រូបសណ្ឋានសេដ្ឋកិច្ចគ្រួសារធុនតូចមុននេះមិនអាចប្រកួតប្រជែងជាមួយសេដ្ឋកិច្ចទីផ្សារ ត្រូវមានកិច្ចសហប្រតិបត្តិការដើម្បីបង្កើតលក្ខណៈជំនាញសំដៅឆ្ពោះទៅរកការអភិវឌ្ឍប្រកបដោយនិរន្តរភាព។

នាយករដ្ឋមន្ត្រី លោក Nguyen Xuan Phuc អញ្ជើញប្រគល់ផ្ទាំងគំនូ "លោកប្រធានហូជីមិញទៅសាកសួរសុខទុក្ខប្រជាកសិកនៅឃុំ Hung Son ស្រុក Dai Tu ខេត្ត Thai Nguyen កាលពីឆ្នាំ១៩៤៥" ជូនចំពោះសម្ព័ន្ធសហករណ៍ក្នុងជំនួបធ្វើការ (រូបថតៈ TTXVN)

ដើម្បីប្រព័ន្ធសេដ្ឋកិច្ចសហប្រតិបត្តិការសហករណ៍មានការអភិវឌ្ឍប្រកបដោយចរភាពនាពេលខាងមុខនោះ នាយករដ្ឋមន្ត្រីបានស្នើឲ្យជួរកម្មាភិបាលចូលរួមក្នុងសកម្មភាពសហករណ៍គឺត្រូវកំណត់ច្បាស់ថា ការអភិវឌ្ឍសម្ព័ន្ធសហករណ៍ជាតម្រូវការចាំបាច់។ រួមជាមួយគ្នានោះ ត្រូវផ្លាស់ប្តូររបៀបគិត របៀបធ្វើដោយមានការសហការជាមួយក្រសួង ស្ថាប័ននានា ដើម្បីរក្សាការអភិវឌ្ឍ។

នាយករដ្ឋមន្ត្រីក៏បានក្រើនរំលឹកតំបន់នានាឲ្យពង្រឹងរបៀបរបប រៀបចំឡើងវិញខ្សែសង្វាក់តម្លៃពីការទិញទៅដល់ការលក់ទៅទីផ្សារ។ រដ្ឋាភិបាលនឹងបន្តផ្សព្វផ្សាយនូវឯកសារថ្មី ជួយឲ្យការវិនិយោគទៅសហករណ៍ប្រកបដោយភាពងាយស្រួលនិងប្រសិទ្ធិភាព៕

（ប្រែសម្រូលដោយស្រីពេជ្រ）

（ប្រែសម្រូលដោយស្រីពេជ្រ）