ស្នាដៃរូបថត“ប្រជុំកោះ Truong Sa” (Spratly Island) ត្រូវបានជ្រើសរើសឱ្យដាក់តាំងបង្ហាញដោយគ្មានកាលកំណត់ដោយនៅស្ថានទូតវៀតណាមប្រចាំនៅសហរដ្ឋអាមេរិក

18:57 | 06/08/2020 （បកប្រែដោយ ហេងវុធ្ធី）

យុគសម័យ - ស្នាដៃរូបថត “ប្រជុំកោះ Truong Sa” (Spratly Island)» ត្រូវបានរចនាឡើងជាផ្ទាំងបដាដែលមានទំហំធំហើយត្រូវបានតាំងបង្ហាញជារៀងរហូតនៅក្នុងព្រឹត្តិការណ៍ការទូតពិសេសរបស់ស្ថានទូតវៀតណាមប្រចាំនៅសហរដ្ឋអាមេរិក។

ស្នាដៃរូបថត“ប្រជុំកោះ Truong Sa” (Spratly Island)

នាថ្ងៃទី ៥ ខែសីហា លោកស្រី Tran Thu Trang ប្រធានផ្នែកទំនាក់ទំនងនៃស្ថានទូតវៀតណាមប្រចាំនៅសហរដ្ឋអាមេរិក បានជូនដំណឹងដល់អ្នកថតរូប Gian Thanh Son អំពីព័ត៌មាននេះ។ យោងតាមអ្នកទទួលបន្ទុកផ្នែកទំនាក់ទំនងព័ត៌មានបានឲ្យដឹងថា ស្ថានទូតបានជ្រើសរើសនិងប្រើប្រាស់រូបថតពីលើអាកាសនៃប្រជុំកោះ Truong Sa” (Spratly Island)» ដើម្បីធ្វើផ្ទាំងបដាធំមួយ។ ផ្ទាំងបដានេះនឹងត្រូវបានតាំងបង្ហាញដោយគ្មានកាលកំណត់ក្នុងអំឡុងពេលមានព្រឹត្តិការណ៍ការទូតពិសេសរបស់ស្ថានទូតវៀតណាមប្រចាំនៅសហរដ្ឋអាមេរិក។

ស្នាដៃរូបថត“ប្រជុំកោះ Truong Sa” (Spratly Island)

អ្នកថតរូប Gian Thanh Son បានឲ្យដឹងថា លោកពិតជាសប្បាយរីករាយណាស់ដែលបានចូលរួមចំណែកតូចមួយដើម្បីកិត្តិយសជាតិនិងអភិរក្សអធិបតេយ្យភាពរបស់វៀតណាមលើសមុទ្រនិងកោះនៅសមុទ្រខាងកើត។ លោកក៏បានថ្លែងអំណរគុណនិងអបអរសាទរចំពោះសមិទ្ធិផលការទូតដ៏អស្ចារ្យរបស់ស្ថានទូតវៀតណាមប្រចាំនៅសហរដ្ឋអាមេរិកផងដែរ៕

（បកប្រែដោយ ហេងវុធ្ធី）

（ប្រភពព័ត៌មាន: thoidai.com.vn）

（បកប្រែដោយ ហេងវុធ្ធី）

មតិពីមិត្តអ្នកអាន

ព័ត៌មានថ្មីៗ

អង្គការសហប្រជាជាតិព្រមានអំពីគ្រោះអត់ឃ្លានកើនឡើងនៅឯទ្វីបអាហ្វ្រិក

យុគសម័យ - យោងតាមរបាយការណ៍របស់អង្គការសហប្រជាជាតិ ប្រកាសនាថ្ងៃទី ២១ ខែកក្កដា ជាលើកដំបូងដែលទ្វីបអាហ្វ្រិកបានក្លាយទៅជាទ្វីបដែលមានចំនួនមនុស្សរងគ្រោះអត់ឃ្លានខ្ពស់បំផុតនៅលើពិភពលោក នៅក្នុងបរិបទដែលស្ថានភាពកង្វះអាហារូបត្ថម្ភនៅឯតំបន់នេះបន្តកើនឡើង។

ជម្រុញការទូតប្រជាជនវៀតណាម - កូរ៉េខាងត្បូង

យុគសម័យ - ចាប់ពីថ្ងៃទី ១៩ ដល់ថ្ងៃទី ២១ ខែកក្កដា គណៈប្រតិភូនៃគណៈកម្មាធិការមជ្ឈិមរណសិរ្សមាតុភូមិវៀតណាមដឹកនាំដោយលោក Hoang Cong Thuy អនុប្រធាន បានអញ្ជើញទៅទស្សនកិច្ចនិងធ្វើការនៅប្រទេសកូរ៉េខាងត្បូង ដែលរួមចំណែកដល់ការជម្រុញការទូតប្រជាជននិងការបង្កើនការភ្ជាប់ទំនាក់ទំនងសហគមន៍ពាណិជ្ជករ អ្នកជំនាញ និងបញ្ញវន្តជនជាតិវៀតណាមនៅប្រទេសកូរ៉េខាងត្បូង។

ក្រុង Can Tho ជម្រុញកិច្ចសហប្រតិបត្តិការពាណិជ្ជកម្មជាមួយប្រទេសប៉ាគីស្ថាន

យុគសម័យ - រសៀលថ្ងៃទី ២១ ខែកក្កដា គណៈប្រតិភូនាំមុខដោយលោក Kohdayar Marri ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋឥស្លាមប៉ាគីស្ថានប្រចាំនៅប្រទេសវៀតណាម បានអញ្ជើញមកទស្សនកិច្ចនិងធ្វើការជាមួយទីក្រុង Can Tho ដើម្បីផ្លាស់ប្តូរយោបល់អំពីសក្ដានុពលនៃការជម្រុញកិច្ចសហប្រតិបត្តិការពាណិជ្ជកម្មរវាងភាគីទាំងពីរនាពេលខាងមុខ។

វៀតណាមគឺជាគោលដៅទេសចរណ៍ដែលភ្ញៀវទេសចរកូរ៉េខាងត្បូងជ្រើសរើសច្រើនជាងគេចំណាត់ថ្នាក់ទីពីរ

យុគសម័យ - បើតាមទិន្នន័យដែលបានប្រកាសដោយអង្គការទេសចរណ៍កូរ៉េខាងត្បូង (KTO) នៅក្នុងខែកក្កដា ឆ្នាំ ២០២៦ វៀតណាមឈរនៅលំដាប់ថ្នាក់ទីពីរនៅក្នុងបញ្ជីបណ្តាគោលដៅទេសចរណ៍បរទេសដែលត្រូវបានភ្ញៀវទេសចរកូរ៉េខាងត្បូងជ្រើសរើស ដោយស្ថិតនៅបន្ទាប់ពីប្រទេសជប៉ុនតែប៉ុណ្ណោះ។

ការបង្កើនការត្រួតពិនិត្យដំណើរការបោះពុម្ពផ្សាយដើម្បីបង្ការនិងទប់ស្កាត់ការបំពាន

យុគសម័យ - នាថ្ងៃទី ២១ ខែកក្កដា នៅទីក្រុងហាណូយ គណៈកម្មាធិការបក្សរណសិរ្សមាតុភូមិនិងបណ្តាអង្គការមហាជនថ្នាក់មជ្ឈិម បានរៀបចំសន្និបាតដាក់ឱ្យអនុវត្តសារាចរលេខ 04-CT/TW ថ្ងៃទី ១៧ ខែមីនា ឆ្នាំ ២០២៦ របស់គណៈលេខាធិការស្តីពីការបង្កើនការដឹកនាំរបស់បក្សចំពោះសកម្មភាពបោះពុម្ពផ្សាយក្នុងបរិបទស្ថានភាពថ្មី ព្រមទាំងប្រជុំប្រគល់ភារកិច្ចការងារបោះពុម្ពផ្សាយឆ្នាំ ២០២៦។