វៀតណាម និងកម្ពុជាពង្រឹងកិច្ចសហប្រតិបត្តិការក្នុងការទប់ស្កាត់ និងប្រយុទ្ធប្រឆាំងនឹងអំពើបោកប្រាស់ក្លែងបន្លំតាមប្រព័ន្ធអ៉ិនធឺណិត

វៀតណាម និងកម្ពុជាពង្រឹងកិច្ចសហប្រតិបត្តិការក្នុងការទប់ស្កាត់ និងប្រយុទ្ធប្រឆាំងនឹងអំពើបោកប្រាស់ក្លែងបន្លំតាមប្រព័ន្ធអ៉ិនធឺណិត

នាថ្ងៃទី២៣ ខែកក្កដា លោក Nguyen Minh Vu ឯកអគ្គរដ្ឋទូតវៀតណាមប្រចាំនៅកម្ពុជា បានជួបពិភាក្សាការងារជាមួយលោក ឆៃ ស៊ីណារិទ្ធ ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានលេខាធិការដ្ឋានគណៈកម្មការចំពោះកិច្ចប្រយុទ្ធប្រឆាំងនឹងការឆបោកតាមប្រព័ន្ធបច្ចេកវិទ្យាកម្ពុជា។

កិច្ចប្រជុំបានផ្តោតលើវិធានការសហប្រតិបត្តិការទ្វេភាគី ដើម្បីទប់ស្កាត់ និងប្រយុទ្ធប្រឆាំងនឹងអំពើបោកប្រាស់ក្លែងបន្លំតាមប្រព័ន្ធអ៉ិនធឺណិត ដែលជាបញ្ហាប្រឈមដ៏ធ្ងន់ធ្ងរសម្រាប់ប្រទេសអាស៊ីអាគ្នេយ៍និយាយរួម និងប្រទេសកម្ពុជានិយាយដោយឡែក។

លោក ឆៃ ស៊ីណារិទ្ធ បានឲ្យដឹងថា ទីភ្នាក់ងារកម្ពុជានឹងកំណត់អត្តសញ្ញាណជនរងគ្រោះ ដោយផ្តល់អាទិភាពលើការបែងចែករវាងជនរងគ្រោះដោយការជួញដូរមនុស្ស និងអ្នករំលោភច្បាប់។ លោកបញ្ជាក់ថា នឹងចែករំលែកព័ត៌មានជាមួយស្ថានទូតវៀតណាមប្រចាំនៅកម្ពុជាឲ្យបានឆាប់ៗ។

កម្ពុជាត្រៀមខ្លួនជាស្រេចសហការជាមួយប្រទេសវៀតណាម ដើម្បីជួយពលរដ្ឋវៀតណាមត្រឡប់ប្រទេសវិញ។ កម្ពុជាក៏គាំទ្រសំណើបង្កើតបណ្តាញទូរស័ព្ទទាន់ហេតុការណ៍និងក្រុមការងារទ្វេភាគីដោយផ្អែកលើយន្តការផ្លាស់ប្តូរព័ត៌មានដែលមានស្រាប់រវាងលេខាធិការដ្ឋាននៃគណៈកម្មាធិការ និងតំណាងក្រសួងនគរបាលវៀតណាមប្រចាំកម្ពុជា។

លោក Nguyen Minh Vu បានវាយតម្លៃខ្ពស់ចំពោះការប្តេជ្ញាចិត្តរបស់រដ្ឋាភិបាលកម្ពុជា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ក្នុងការបង្កើតគណៈកម្មការចំពោះកិច្ចប្រយុទ្ធប្រឆាំងនឹងការឆបោកតាមប្រព័ន្ធបច្ចេកវិទ្យា។ កិច្ចខិតខំប្រឹងប្រែងទាំងនេះបង្ហាញពីការប្តេជ្ញាចិត្តរបស់កម្ពុជាក្នុងការប្រយុទ្ធប្រឆាំងនឹងបញ្ហាមួយដែលប្រទេសនានាក្នុងតំបន់កំពុងជួបប្រទះ។

ជាពិសេស លោកឯកអគ្គរដ្ឋទូតបានកត់សម្គាល់ពីលទ្ធផលដ៏គួរឱ្យចាប់អារម្មណ៍របស់គណៈកម្មាធិការចាប់តាំងពីលោកនាយករដ្ឋមន្ត្រី ហ៊ុន ម៉ាណែត បានចេញសេចក្តីណែនាំកាលពីថ្ងៃទី១៤ ខែកក្កដា ឆ្នាំ២០២៥ ដែលតម្រូវឱ្យលុបបំបាត់មជ្ឈមណ្ឌលបន្លំតាមអ៊ីនធឺណិតទូទាំងប្រទេស។ កិច្ចខិតខំប្រឹងប្រែងទាំងនេះបង្ហាញពីការប្តេជ្ញាចិត្តយ៉ាងមុតមាំរបស់កម្ពុជាក្នុងការប្រយុទ្ធប្រឆាំងនឹងបញ្ហាដែលប្រទេសក្នុងតំបន់កំពុងជួបប្រទះ។

លោកឯកអគ្គរដ្ឋទូតបានអះអាងថា វៀតណាមនឹងសហការយ៉ាងជិតស្និទ្ធជាមួយកម្ពុជា ដើម្បីដោះស្រាយបញ្ហានេះ ហើយត្រៀមខ្លួនជាស្រេចសហការ ដើម្បីប្រឆាំងនឹងការឆ្លងដែនខុសច្បាប់ និងការពារជនរងគ្រោះ ដោយសារអំពើបោកប្រាស់ក្លែងបន្លំតាមប្រព័ន្ធអ៉ិនធឺណិត និងការជួញដូរមនុស្ស៕

កងកម្លាំងប្រដាប់អាវុធវៀតណាម និងកម្ពុជា ពង្រឹងកិច្ចសហប្រតិបត្តិការ ដើម្បីគោលដៅរួមនៃការកសាងព្រំដែនសន្តិភាព និងមិត្តភាព ចាប់ពីថ្ងៃទី ១ ដល់ថ្ងៃទី ៤ ខែមេសា ឆ្នាំ ២០២៥ គណៈប្រតិភូនៃបញ្ជាការដ្ឋានយោធាភូខេត្ត Kien Giang ដឹកនាំដោយលោកវរសេនីយ៍ឯក Nguyen Van Nganh សមាជិកគណៈអចិន្ត្រៃយ៍នៃគណៈកម្មាធិការបក្សខេត្ត មេបញ្ជាការបញ្ជាការដ្ឋានយោធាខេត្ត បានអញ្ជើញទៅសួរសុខទុក្ខ និងជូនពរឆ្នាំថ្មីជូនចំពោះបញ្ជាការដ្ឋានយោធភូមិភាគទី៣ បញ្ជាការដ្ឋានការពារកោះ ឆ្នេរ នាយកដ្ឋានអភិវឌ្ឍន៍ក្រសួងការពារជាតិ និងអង្គភាពយោធានៃខេត្តកែប កំពត ព្រះសីហនុ និងកោះកុង។

ក្រសួងការបរទេសវៀតណាម និងកម្ពុជា បានពង្រឹងកិច្ចសហប្រតិបត្តិការ ដើម្បីពង្រឹងបន្ថែមទៀតនូវទំនាក់ទំនងមិត្តភាព និងកិច្ចសហប្រតិបត្តិការលើគ្រប់វិស័យរវាងប្រទេស នៅក្នុងជំនួបនេះ ភាគីទាំងពីរបានរំលឹកឡើងវិញនូវជោគជ័យដ៏ធំធេងនៃកិច្ចប្រជុំកំពូល​នៃគណបក្សទាំងពីរ កិច្ចប្រជុំរវាងប្រមុខគណបក្សទាំងបី វៀតណាម-កម្ពុជា-ឡាវ ព្រមទាំងជំនួបរវាងនាយករដ្ឋមន្ត្រីទាំងបី ដើម្បីអនុវត្តសេចក្តីសន្និដ្ឋាននៃកិច្ចប្រជុំកំពូល​ដែលទើបតែបានបញ្ចប់កាលពីសប្តាហ៍មុន។

ឌឹកអាញ់