យុគសម័យ - នេះគឺជាគោលដៅនៃគម្រោង "ផ្តល់ការងារធ្វើសម្រាប់ពលករ រួមគ្នាប្រឆាំងជំងឺកូវីដ១៩ " ដែលបានបើកដំណើរការនៅព្រឹកថ្ងៃទី២៤ ខែមេសាក្រោមក្របខ័ណ្ឌនៃកម្មវិធី "វប្បធម៌សាជីវកម្មដើម្បីចូលរួមក្នុងការការពារនិងប្រយុទ្ធប្រឆាំងជំងឺឆ្លងកូវីដ១៩" ដោយមានប្រធានបទ "ដើម្បីប្រទេសវៀតណាមមួយប្រកបដោយសុខភាពល្អ” ។
គម្រោង "ផ្តល់ការងារធ្វើសម្រាប់ពលករ រួមគ្នាប្រឆាំងជំងឺកូវីដ១៩ "
នាថ្ងៃទី ២៤ ខែមេសា នៅទីក្រុងហាណូយ គណៈកម្មាធិការអនុវត្តពិធីបំផុសចលនារកសាងវប្បធម៌អង្គភាពពាណិជ្ជកម្មវៀតណាម បានចាប់ផ្តើមជាផ្លូវការនូវគំរោងការបង្កើតឱកាសការងារធ្វើចំនួន ២០ ម៉ឺន ដើម្បីជួយគាំទ្រដល់ពលករ និងអង្គភាពអាជីវកម្ម ជំនះពុះពារជំងឺរាតត្បាតសកលកូវីដ១៩ដែលមានឈ្មោះថា "ឱកាសការងារធ្វើសម្រាប់ពលករ រួមគ្នាប្រឆាំងនឹងជំងឺកូវីដ១៩" ។
គម្រោងនេះមានគោលបំណងនាំមកនូវឱកាសការងារធ្វើចំនួន ២០០០០០ មកពីអង្គភាពអាជីវកម្មជាង ១០ ម៉ឺននៅទូទាំងប្រទេសវៀតណាមដែលត្រូវបានតភ្ជាប់ដោយឥតគិតថ្លៃជាមួយសេរីជាមួយអង្គភាពអាជីវកម្មត្រូវការជ្រើសរើសនៅលើប្រព័ន្ធអេកូឡូស៊ីការងារតាមអន់ឡាញរបស់ Sieu Viet Group ពីវិបផតថលព័ត៌មានការងារធ្វើចំនួន ៤ រួមមាន Timviecnhanh.com, Vieclam24h.vn, Viectotnhat.com និង Mywork.com.vn ។
ក្រៅពីនោះ គម្រោងនេះក៏ផ្តល់ជូនពលករនិងអង្គភាពអាជីវកម្មនូវកម្មវិធីបណ្តុះបណ្តាល ការប្រឹក្សាយោបល់ តភ្ជាប់កិច្ចសហប្រតិបត្តិការខាងអាជីវកម្ម ការវិនិយោគ និងកម្មវិធីផ្ទេរគំរូទម្រូង់អាជីវកម្មការផ្ទេរឌីជីថល និងការកសាងវប្បធម៌សាជីវកម្មជាដើម៕
លើសពីនេះទៀត គម្រោង "ឱកាសការងារធ្វើសម្រាប់អ្នក ហើយយើងរួមដៃគ្នាប្រឆាំងនឹងជំងឺកូវីដ១៩" ក៏អនុវត្តគោលដៅកៀងគរអង្គភាពអាជីវកម្ម សហគ្រិន សហគមន៍អាជីវកម្មនៃវិស័យផ្សេងៗគ្នាឱ្យរួបរួមគ្នា និងគាំទ្រគ្នាទៅវិញទៅមកក្នុងសកម្មភាពផលិតកម្មនិងអាជីវកម្មជាពិសេស ជួយឲ្យសហគ្រាសដែលជួបការលំបាក ក៏ដូចជារួមចំណែកដល់ប្រទេសទាំងមូលយកឈ្នះលើការទប់ស្កាត់ការឆ្លងរាលដាលនៃជំងឺកូវីដ១៩ផងដែរ៕
（បកប្រែដោយ ហេង វុធ្ធី）
មតិពីមិត្តអ្នកអាន