ទីក្រុងហាណូយ - គោលដៅទេសចរណ៍មិត្តភាព និងទាក់ទាញសម្រាប់ភ្ញៀវទេសចរឥស្លាម

ទេសចរណ៍ហាឡាលមានសក្តានុពលដ៏អស្ចារ្យជាមួយនឹងទីផ្សារដែលមានប្រជាជនជាង ១.៩ ពាន់លាននាក់។

នៅថ្ងៃទី ១៥ ខែមេសា ឆ្នាំ ២០២៥ នៅទីក្រុងហាណូយ សន្និសីទអន្តរជាតិស្តីពីទស្សនវិស័យអភិវឌ្ឍន៍ទេសចរណ៍ផ្សារភ្ជាប់ជាមួយហាឡាលបានប្រព្រឹត្តទៅ ដោយមានការចូលរួមពីគណៈប្រតិភូក្នុងស្រុក និងអន្តរជាតិចំនួន ១៥០ នាក់។ សន្និសីទនេះត្រូវបានរៀបចំដោយមហាវិទ្យាល័យពាណិជ្ជកម្ម និងទេសចរណ៍ហាណូយ វិទ្យាស្ថានស្រាវជ្រាវអាស៊ីខាងត្បូង អាស៊ីខាងលិច និងអាហ្វ្រិក (នៃបណ្ឌិតសភាវិទ្យាសាស្ត្រសង្គមវៀតណាម) ព្រមទាំងស្ថានទូតនៃប្រទេសអាស៊ែបៃហ្សង់ ប៉ាគីស្ថាន ប៉ាឡេស្ទីន ម៉ាឡេស៊ី ទួរគី កាហ្សាក់ស្ថាន និងអង្គភាពពាក់ព័ន្ធផ្សេងទៀត។

ទេសចរណ៍ហាឡាល គឺជាទម្រង់ទេសចរណ៍ដែលសមស្របនឹងបទប្បញ្ញត្តិនៃសាសនាឥស្លាម ឬជាទេសចរណ៍ដែលមានភាពរួសរាយរាក់ទាក់ចំពោះភ្ញៀវទេសចរឥស្លាម ដោយធានាថាសេវាកម្មទេសចរណ៍ឆ្លើយតបនឹងតម្រូវការពិសេសរបស់សាសនា។ នៅក្នុងសន្និសីទនេះ លោកជំទាវបណ្ឌិត Trinh Thi Thu Ha នាយកមហាវិទ្យាល័យពាណិជ្ជកម្ម និងទេសចរណ៍ហាណូយ បានសង្កត់ធ្ងន់ថា៖ “ទេសចរណ៍ហាឡាលកំពុងក្លាយជានិន្នាការសកលដ៏សំខាន់ ដែលរួមចំណែកយ៉ាងច្រើនដល់ការអភិវឌ្ឍន៍ឧស្សាហកម្មទេសចរណ៍នៅប្រទេសជាច្រើន។ តាមការព្យាករណ៍ នៅឆ្នាំ ២០៣០ ទេសចរណ៍ហាឡាលនឹងរួមចំណែក ៣៣៤,៥ ពាន់លានដុល្លារដល់វិស័យទេសចរណ៍ពិភពលោក។ បណ្តាប្រទេសជាច្រើនបាននិងកំពុងរៀបចំគោលនយោបាយ កម្មវិធីសកម្មភាព និងការវិនិយោគដើម្បីអភិវឌ្ឍទេសចរណ៍ហាឡាល ក្នុងគោលបំណងទាក់ទាញភ្ញៀវទេសចរដ៏មានសក្តានុពលនេះ”។

ទោះជាយ៉ាងណា បច្ចុប្បន្ន ផលិតផល និងសេវាកម្មហាឡាលនៅទីក្រុងហាណូយនៅមិនទាន់មានការអភិវឌ្ឍន៍គ្រប់ជ្រុងជ្រោយ និងស៊ីសង្វាក់គ្នាទេ ដែលបានបង្កការកម្រិតក្នុងការទាក់ទាញភ្ញៀវទេសចរឥស្លាម។ ដើម្បីដោះស្រាយបញ្ហានេះ សន្និសីទនេះត្រូវបានរៀបចំឡើងដើម្បីរួមចំណែកដល់ការអនុវត្តគម្រោង “ពង្រឹងកិច្ចសហប្រតិបត្តិការអន្តរជាតិ ដើម្បីកសាង និងអភិវឌ្ឍន៍ឧស្សាហកម្មហាឡាលរបស់វៀតណាមរហូតដល់ឆ្នាំ ២០៣០” ដែលត្រូវបានអនុម័តដោយនាយករដ្ឋមន្ត្រី Pham Minh Chinh នៅថ្ងៃទី ១៤ ខែកុម្ភៈ ឆ្នាំ ២០២៣ ព្រមទាំngលើកកម្ពស់ការយល់ដឹងស្តីពីទេសចរណ៍ហាឡាល។

សន្និសីទនេះក៏បានបង្កើតជាវេទិកាសម្រាប់ការពិភាក្សារវាងស្ថាប័នរដ្ឋ អ្នកវិទ្យាសាស្ត្រ សហគ្រិន អង្គការអន្តរជាតិ និងសហគមន៍ ស្តីពីសក្តានុពលនៃការអភិវឌ្ឍន៍ទេសចរណ៍ហាឡាលនៅទីក្រុងហាណូយ ដោយវិភាគស្ថានភាពបច្ចុប្បន្ន និងស្នើគោលនយោបាយ និងយុទ្ធសាស្ត្រអភិវឌ្ឍន៍ប្រកបដោយនិរន្តរភាព។ ទន្ទឹមនឹងនេះ សន្និសីទបានជំរុញការតភ្ជាប់ និងកិច្ចសហប្រតិបត្តិការអន្តរជាតិ ពង្រឹងទំនាក់ទំនងរវាងទីក្រុងហាណូយ និងបណ្តាប្រទេសឥស្លាម ព្រមទាំngអង្គការអន្តរជាតិនានា។

ជាពិសេស សន្និសីទបានលើកតម្កើងតួនាទីរបស់ទីក្រុងហាណូយជាគោលដៅទេសចរណ៍មិត្តភាព និងទាក់ទាញសម្រាប់ភ្ញៀវទេសចរឥស្លាម ដែលរួមចំណែកដល់ការអភិវឌ្ឍន៍ទេសចរណ៍គ្រប់ជ្រុងជ្រោយ និងនិរន្តរភាពរបស់រាជធានី។

បណ្ឌិត Trinh Thi Thu Ha ថ្លែងសុន្ទរកថាបើកសិក្ខាសាលា។

នៅក្នុងសន្និសីទ ឯកឧត្តម Shovgi Kamal Oglu Mehdizade ឯកអគ្គរដ្ឋទូតអាស៊ែបៃហ្សង់ប្រចាំវៀតណាម បានវាយតម្លៃខ្ពស់ចំពោះសក្តានុពលទេសចរណ៍ហាឡាលរបស់វៀតណាម ដោយលើកឡើងថា៖ “វៀតណាមមានសក្តានុពលដ៏ធំសម្រាប់ការអភិវឌ្ឍន៍ទេសចរណ៍ហាឡាល ជាពិសេសសម្រាប់បណ្តាប្រទេសឥស្លាម ហើយកំពុngក្លាយជាគោលដៅទាក់ទាញសម្រាប់ប្រទេសជាច្រើនដូចជា ប៉ាគីស្ថាន អាស៊ែបៃហ្សង់ កាហ្សាក់ស្ថាន និងទួរគី”។

លោកជំទាវ Dang Huong Giang ប្រធានមន្ទីរទេសចរណ៍ទីក្រុងហាណូយ បានមានប្រសាសន៍ថា៖ “ទីក្រុងហាណូយអាចក្លាយជាមជ្ឈមណ្ឌលទេសចរណ៍ឈានមុខគេក្នុងតំបន់ ក្នុងការទទួលយកទីផ្សារហាឡាល តាមរយៈការប្រើប្រាស់ធនធានដែលមានប្រកបដោយប្រសិទ្ធភាព ការលើកកម្ពស់គុណភាពសេវាកម្ម និងការពង្រឹងកិច្ចសហប្រតិបត្តិការអន្តរជាតិ។ មន្ទីរទេសចរណ៍ហាណូយកំពុងរៀបចំផែនទីបង្ហាញផ្លូវយុទ្ធសាស្ត្រ ដើម្បីប្រែក្លាយរាជធានីទៅជាគោលដៅទេសចរណ៍មិត្តភាព និងទាក់ទាញសម្រាប់ភ្ញៀវទេសចរឥស្លាម”។

ទន្ទឹមនឹngការអភិវឌ្ឍន៍ហេដ្ឋារចនាសម្ព័ន្ធ ទីក្រុងហាណូយក៏បានពង្រឹងកម្មវិធីបណ្តុះបណ្តាលជំនាញសម្រាប់សហគ្រិននៅក្នុngឧស្សាហកម្មទេសចរណ៍ ដោយសហការជាមួយអង្គការអន្តរជាតិ និងអង្គភាពស្រាវជ្រាវឯកទេស ដូចជាវិទ្យាស្ថានស្រាវជ្រាវអាស៊ីខាងត្បូង អាស៊ីខាងលិច និងអាហ្វ្រិក ដើម្បីកសាងក្រុមធនធានមនុស្សដែលមានសមត្ថភាព សមស្របនឹងការបម្រើទីផ្សារហាឡាលដ៏មានសក្តានុពល៕

ទីក្រុងហាណូយ (វៀតណាម)៖ ពិធីបុណ្យអំណោយទេសចរណ៍ហាណូយ៖ បង្កើនបទពិសោធន៍គួរឱ្យចាប់អារម្មណ៍សម្រាប់ភ្ញៀវទេសចរ ពិធីបុណ្យអំណោយទេសចរណ៍ហាណូយឆ្នាំ ២០២៤ ក្រោមប្រធានបទ “ហាណូយ មកដើម្បីស្រឡាញ់ - អំណោយហាណូយ” បានបើកកាលពីយប់ថ្ងៃទី ២៣ ខែសីហា នៅតំបន់វិថីដើរថ្មើជើង Tran Nhan Tong (ខ័ណ្ឌ Hai Ba Trung ទីក្រុង ហាណូយ)។

ទីក្រុងហាណូយ (វៀតណាម)៖ ពិធីបិទវគ្គបណ្តុះបណ្តាលជំនាញវិទ្យុ និងទូរទស្សន៍ ដល់កងយោធពលខេមរភូមិន្ទ នារសៀលថ្ងៃទី ១៧ មិថុនា នៅទីក្រុងហាណូយ មជ្ឈមណ្ឌលវិទ្យុ និងទូរទស្សន៍យោធាបានរៀបចំពិធីបិទវគ្គបណ្តុះបណ្តាលជំនាញវិទ្យុ និងទូរទស្សន៍សម្រាប់មន្ត្រីនៃកងយោធពលខេមរភូមិន្ទឆ្នាំ ២០២៤។

ឌឹកអាញ់