បញ្ជាក់ជាថ្មីទៅប្រតិភូសមាជិកសភាសហរដ្ឋអាមេរិក សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការជាតិ បានអះអាងថា កម្ពុជាមិនអនុញ្ញាតប្រទេសចិន ឬបរទេសណាមួយកសាង ឬមានមូលដ្ឋានយោធារបស់ខ្លួននៅលើទឹកដីកម្ពុជាជាដាច់ខាត ព្រោះរដ្ឋធម្មនុញ្ញបានចែងយ៉ាងច្បាស់ ក៏ប៉ុន្តែកម្ពុជាមានសិទ្ធិទទួលយកជំនួយជាសម្ភារយោធា ដើម្បីកម្រិតការពារជាតិរបស់ខ្លួន។
សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការជាតិកម្ពុជា និង លោក Seth Wibur Moulton សមាជិកគណៈកម្មាធិការកិច្ចយោធាអាមេរិក (រូបថត៖ information.gov.kh)
សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការជាតិ បាន គូសបញ្ជាក់សារជាថ្មីប្រាប់ទៅប្រតិភូសមាជិកសភាសហរដ្ឋអាមេរិកថា កម្ពុជាមិនអនុញ្ញាត ប្រទេសចិន ឬបរទេសណាមួយកសាង ឬមានមូលដ្ឋានយោធារបស់ខ្លួននៅលើទឹកដីកម្ពុជា ជាដាច់ខាត ព្រោះរដ្ឋធម្មនុញ្ញបានចែងយ៉ាងច្បាស់ ក៏ប៉ុន្តែកម្ពុជាមានសិទ្ធិទទួលយកជំនួយជា សម្ភារយោធា ដើម្បីកម្រិតការពារជាតិរបស់ខ្លួន។ ការបញ្ជាក់បែបនេះរបស់ប្រមុខការពារ ជាតិកម្ពុជានេះ បានធ្វើឡើង កាលពីរសៀលថ្ងៃទី២២ ខែមករា ឆ្នាំ២០២០ នៅក្នុងឱកាសដែល អនុញ្ញាតឱ្យប្រតិភូសមាជិកសភាសហរដ្ឋអាមេរិក ដែលដឹកនាំដោយលោក Seth Wibur Moulton សមាជិកគណៈកម្មាធិការកិច្ចយោធា ចូលជួបសម្តែងការគួរសម និងពិភាក្សាការងារ នៅទីស្តីការគណៈរដ្ឋមន្ត្រី។
សម្តេចពិជ័យសេនា ទៀ បាញ់ បានអះអាងថា “ដូច្នេះ ខ្ញុំសូមបញ្ជាក់ហើយ បញ្ជាក់ទៀតថា ចំពោះមូលដ្ឋានយោធារបស់បរទេស គឺមិនមានជាដាច់ខាតចំពោះកម្ពុជា ព្រោះរដ្ឋធម្មនុញ្ញ គឺបានចែងច្បាស់ណាស់ ដូច្នេះក្នុងរដ្ឋធម្មនុញ្ញ គឺមានវាយក្យខណ្ឌមួយ គឺកម្ពុជា មានសិទ្ធិទទួលយកជំនួយជាសម្ភារយោធា ដើម្បីកម្រិតការពារជាតិរបស់ខ្លួនបាន។ឯកឧត្ដម នាយឧត្តមសេនីយ៍ ណឹម សុវត្ថិ អគ្គនាយក នៃអគ្គនាយកដ្ឋានទំនាក់ទំនងការបរទេស ក្រសួងការពារជាតិបានថ្លែងថា នៅកិច្ចពិភាក្សាគ្នានោះ សម្តេចពិជ័យសេនា បានលើកឡើងថា កម្ពុជាធ្វើកិច្ចការអ្វីមួយត្រូវតែមានផែនការ និងគោលការណ៍ ដើម្បីអភិវឌ្ឍន៍របស់កងទ័ព ជាពិសេសគឺអភិវឌ្ឍន៍កងទ័ពជើងទឹករបស់ខ្លួន ដើម្បីឆ្លើយតបទៅនឹងការរីកចម្រើនរបស់ ពិភពលោកនាពេលបច្ចុប្បន្ននេះ។
សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការជាតិកម្ពុជា និង លោក Seth Wibur Moulton សមាជិកគណៈកម្មាធិការកិច្ចយោធាអាមេរិក (រូបថត៖ FreshNews)
សម្តេចពិជ័យសេនាបានបន្តថា កើតចេញពីរឿងចាស់ទើបយើងមានការចាំបាច់ត្រូវមានការបង្កើនសមត្ថភាព កងទ័ពជើងទឹក តាមរយៈការបំពាក់បន្ថែមនូវនាវា ដែលមានខ្នាតធុនមធ្យម ដើម្បីមានសមត្ថភាពក្នុងការធ្វើល្បាត ក្នុងការការពារនៅដែនសមុទ្រ ដ៏តូចរបស់ខ្លួនបានផងដែរ។ សម្តេចពិជ័យសេនាបានបន្ដទៀតថា សព្វថ្ងៃនេះ កងទ័ពជើងទឹកកម្ពុជា មាននាវាតូចៗទេ មិនអាចចេញឆ្ងាយទេ ហើយម្យ៉ាងទៀត ពេលដែលមានកិច្ចសហប្រតិបត្តិការនៅវិស័យទាំងឡាយនៅខាងសមុទ្រ មិនទាន់មានលទ្ធភាពចូលរួមសមយុទ្ធនៅសមុទ្ររួមគ្នា ពេលមានបញ្ហាកើតឡើង នៅសមុទ្រដែលធ្វើសមយុទ្ធផ្សេងៗ គឺយើងមិនមានលទ្ធភាព។ សម្តេចពិជ័យសនាក៏បានអរគុណផងដែរ ដែលកន្លងមក កម្ពុជាបានទទួលការបំពាក់ពីសហរដ្ឋអាមេរិក គឺនាវាតូចតែលឿន ដែលខាងផ្នែកសន្តិសុខលម្ហសមុទ្រ បានប្រើប្រាស់រហូតមកដល់សព្វថ្ងៃនេះ។ ក៏ប៉ុន្តែ ចាំបាច់បំពេញបន្ថែមនូវនាវាធនមធ្យម ដើម្បីយើងមានសមត្ថភាព ទៅមួយកម្រិតទៀត ឥឡូវមិនទាន់មានទេ តែយើងមានគម្រោងនឹងកំពុងតែស្វះស្វែងរកប្រភពធនធាន ហើយចុងក្រោយនេះចិន នឹងរៀបចំបំពាក់ជូននូវនាវានោះ ប៉ុន្តែតែមិនដឹងថ្ងៃណានោះទេ។ សម្ដេចពិជ័យសេនាបានបន្ថែមទៀតថា នាវាដែលតម្រូវការរបស់កម្ពុជានេះ គឺបានត្រឹមតែសហការរៀបចំមិនទាន់បានដំឡើងនៅឡើយ ហើយកម្ពុជា មិនទទួលនាវា ដរាបណាមិនទាន់មានកន្លែងចត និងកន្លែងសម្រាប់ជួសជុល។
កន្លងមកនេះ សម្តេចពិជ័យ ក៏បានអរគុណណាស់ គឺបានទទួលការបំពាក់ពីសហរដ្ឋអាមេរិក គឺនាវាតូចតែលឿន ដែលខាងផ្នែកសន្តិសុខលម្ហសមុទ្រ បានប្រើប្រាស់រហូតមកដល់សព្វថ្ងៃនេះ។ ក៏ប៉ុន្តែ ចាំបាច់បំពេញបន្ថែមនូវនាវាធនមធ្យម ដើម្បីយើងមានសមត្ថភាព ទៅមួយកម្រិតទៀត ឥឡូវមិនទាន់មានទេ តែយើងមានគម្រោងនឹងកំពុងតែស្វះស្វែងរកប្រភពធនធាន ហើយចុងក្រោយនេះចិននឹងរៀបចំបំពាក់ជូននូវនាវានោះ ប៉ុន្តែតែមិនដឹងថ្ងៃណានោះទេ។ ព្រោះនាវាដែលតម្រូវការរបស់កម្ពុជានេះ គឺបានត្រឹមតែសហការរៀបចំមិនទាន់បានតម្លើងនៅឡើយ ហើយកម្ពុជា មិនទទួលនាវា ដរាបណាមិនទាន់មានកន្លែងចត និងកន្លែងសម្រាប់ជួសជុល។ នេះជាការបញ្ជាក់បន្ថែមពីនាយឧត្តមសេនីយ៍ ណឹម សុវត្ថិ៕
（ហេង វុធ្ធ）
（ប្រភពព័ត៌មាន: information.gov.kh និង Freshnews）
មតិពីមិត្តអ្នកអាន