នារសៀលថ្ងៃទី២៩ ខែមីនា នៅរាជធានីភ្នំពេញ សមាគមអតីតនិស្សិតកម្ពុជាដែលសិក្សានៅប្រទេសវៀតណាម (CAVA) បានរៀបចំសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារសម្រាប់ឆ្នាំ២០២៥។
 |
| លោកឯកអគ្គរដ្ឋទូត Nguyen Minh Vu ថ្លែងក្នុងព្រឹត្ដិការណ៍ |
ក្នុងពិធីនេះ លោក អ៊ុច លាង ប្រធាន CAVA បានថ្លែងរបាយការណ៍បូកសរុបលទ្ធផលការងាររបស់សមាគមក្នុងឆ្នាំ២០២៤ និងលើកទិសដៅការងារសម្រាប់ឆ្នាំ២០២៥។ ចាប់តាំងពីបង្កើតឡើងនៅថ្ងៃទី៣១ ខែមករា ឆ្នាំ២០២៤ មកក្នុងរយៈពេលមួយឆ្នាំកន្លងមកនេះ CAVA បានអនុវត្តសកម្មភាពសំខាន់ៗជាច្រើនរបស់សមាគម ដូចជាការរៀបចំឡើងវិញនូវរចនាសម្ព័ន្ធរបស់សមាគម ជួបសំដែងការគួរសម ចូលរួមសកម្មភាពសប្បុរសធម៌សង្គម តភ្ជាប់ជាមួយក្រសួង ទីភ្នាក់ងារ ស្ថាប័នដើម្បីពិភាក្សាលើទីផ្សារការងាររបស់អតីតនិស្សិត…
មានប្រសាសន៍ក្នុងព្រឹត្ដិការណ៍នេះ លោក Nguyen Minh Vu ឯកអគ្គរដ្ឋទូតវៀតណាមប្រចាំនៅកម្ពុជា បានបញ្ជាក់ថា អតីតនិស្សិតកម្ពុជាដែលសិក្សានៅប្រទេសវៀតណាម គឺជាបេសកជនតភ្ជាប់ចំណងមិត្តភាពដ៏រឹងមាំរវាងប្រជាជននៃប្រទេសទាំងពីរវៀតណាមនិងកម្ពុជា។
 |
| និស្សិតកម្ពុជាដែលសិក្សានៅប្រទេសវៀតណាម គឺជាស្ពានតភ្ជាប់ចំណងមិត្តភាពរវាងប្រជាជាតិទាំងពីរ |
លោកឯកអគ្គរដ្ឋទូត Nguyen Minh Vu បានមានប្រសាសន៍ថា ទំនាក់ទំនងរវាងប្រទេសយើងទាំងពីរកាន់តែជិតស្និទ្ធ និងទទួលបានលទ្ធផលកាន់តែប្រសើរឡើង។ លោកឯកអគ្គរដ្ឋទូត Nguyen Minh Vu សង្ឃឹមថា សមាជិកសមាគមអតីតនិស្សិតកម្ពុជាដែលសិក្សានៅវៀតណាមនឹងបន្តរួមចំណែកក្នុងការអភិវឌ្ឍនៃប្រទេសនីមួយៗ ក៏ដូចជាជំរុញទំនាក់ទំនងរវាងប្រជាជាតិទាំងពីរ។នៅក្នុងព្រឹត្ដិការណ៍នេះ អតីតនិស្សិតកម្ពុជាបានរំលឹកឡើងវិញនូវអនុស្សាវរីយ៍ក្នុងរយៈពេលសិក្សានៅឆ្ងាយពីផ្ទះ ភាពស្និទ្ធស្នាលជាមួយមិត្តភ័ក្តិ និងគ្រូបង្រៀននៅប្រទេសវៀតណាម ព្រមទាំងសំដែងការដឹងគុណចំពោះការជួយគាំទ្ររបស់វៀតណាមចំពោះនិស្សិតកម្ពុជាដែលសិក្សានៅវៀតណាម។ដោយសង្កត់ធ្ងន់លើសារៈសំខាន់នៃជំនួបនេះ លោកផាត កុសល រដ្ឋលេខាធិការ ទីស្តីការគណៈរដ្ឋមន្ត្រី បានបញ្ជាក់ថា៖ ជំនួបថ្ងៃនេះ គឺជាសក្ខីភាពនៃភាពជិតស្និទ្ធ និងការយោគយល់រវាងប្រជាជននៃប្រទេសទាំងពីរ និស្សិត អតីតនិស្សិតនិងអាជីវករនៃប្រទេសទាំងពីរ។ កម្ពុជា និងវៀតណាមគឺជាប្រទេសជិតខាងដែលមានទំនាក់ទំនងប្រពៃណីល្អប្រសើរ ហើយយើងមានបំណងជំរុញទំនាក់ទំនងនេះឱ្យកាន់តែរីកចម្រើន៕
 ប្រធានតុលាការកំពូលនៃប្រទេសទាំងបី វៀតណាម កម្ពុជា និងឡាវ ចុះហត្ថលេខាលើខ្លឹមសារនៃការទប់ស្កាត់បទល្មើស និងការដោះស្រាយវិវាទរដ្ឋប្បវេណីឆ្លងដែន នាថ្ងៃទី ១៨ កក្កដា នៅខេត្ត Quang Nam ភាគកណ្តាលវៀតណាម តុលាការប្រជាជនកំពូលវៀតណាមបានរៀបចំកិច្ចប្រជុំតុលាការបណ្តាខេត្តជាប់ព្រំដែនវៀតណាម កម្ពុជា ឡាវ។ លោក Nguyen Hoa Binh សមាជិកការិយាល័យនយោបាយ លេខាមជ្ឈិមបក្ស ប្រធានតុលាការប្រជាជនកំពូលវៀតណាម បានអញ្ជើញជាអធិបតីនៃសន្និសីទ។ |
 សមាគមមិត្តភាពវៀតណាម និងកម្ពុជាដើរតួនាទីជាស្ពានជំរុញកិច្ចសហប្រតិបត្តិការពាណិជ្ជកម្ម និងវិនិយោគ នាថ្ងៃទី ១២ វិច្ឆិកា សមាគមមិត្តភាពវៀតណាម - កម្ពុជា និងសមាគមមិត្តភាពកម្ពុជា - វៀតណាមបានរៀបចំសន្និបាតនៅខេត្ត Tay Ninh។ |
មតិពីមិត្តអ្នកអាន