ប្រព័ន្ធផ្សព្វផ្សាយក្នុងតំបន់បានឲ្យដឹងថា បំណែកនានារបស់មីស៊ីលបានធ្លាក់ជិតមូលដ្ឋាន al-Qayyarah ហើយអះអាងថាការវាយប្រហារនេះ មិនបណ្ដាលឲ្យមានមនុស្សស្លាប់ រងរបួស ឬបង្កខូចខាតខាងសំភារៈឡើយ។
មូលដ្ឋានអ៊ីរ៉ាក់ដែលមានទាហានអាមេរិកឈរជើង ត្រូវរងការវាយប្រហារដោយមីស៊ីល (RFP)
នាថ្ងៃទី ១ ខែកុម្ភ ប្រភពព័ត៌មានសន្តិសុខបានអោយដឹងថា មីស៊ីលជាបន្តបន្ទាប់បានវាយប្រហារទៅលើមូលដ្ឋានអាកាស al-Qayyarah របស់អ៊ីរ៉ាក់ ដែលជាកន្លែងឈរជើងរបស់កងកម្លាំងអាមេរិក ប៉ុន្តែគ្មាន របាយការណ៍ស្ដីអំពីការស្លាប់និងរងរបួសឡើយ។ មូលដ្ឋាននេះមានទីតាំងស្ថិតនៅភាគខាងត្បូងទីក្រុង Mosul ដែលជាគោលដៅរងការវាយប្រហារជាបន្តបន្ទាប់ដោយមីស៊ីល Katyusha ចាប់ពីឆ្នាំ ២០១៩ ។ រហូតមកដល់ពេលនេះ មិនទាន់មានក្រុមប្រដាប់អាវុធណាមួយ បានចេញមុខទទួលខុសត្រូវចំពោះបណ្ដាការវាយប្រហារដោយមីស៊ីទៅលើ មូលដ្ឋាន al-Qayyarah ក៏ដូចជាបណ្ដាការវាយប្រហារទៅលើមូលដ្ឋានកងទ័ពចម្រុះ និងកងកម្លាំងអាមេរិកដែលឈរជើងនៅ Anbar Salahuddin Kirkuk និង Baghdad ចំណុះអ៊ីរ៉ាក់ផងដែរ។
ប្រព័ន្ធផ្សព្វផ្សាយក្នុងតំបន់បានឲ្យដឹងថា បំណែកនានារបស់មីស៊ីលបានធ្លាក់ជិតមូលដ្ឋាន al-Qayyarah ហើយអះអាងថាការវាយប្រហារនេះ មិនបណ្ដាលឲ្យមានមនុស្សស្លាប់ រងរបួស ឬបង្កខូចខាតខាងសំភារៈឡើយ៕
（ប្រភពព័ត៌មាន: vov5）
មតិពីមិត្តអ្នកអាន