សហរដ្ឋ​អាមេរិក​គាំទ្រ​វៀតណាម​ក្នុង​ការ​ពង្រឹង​សមត្ថភាព​អនុវត្ត​ច្បាប់​ដែនសមុទ្រ

ឯកអគ្គរដ្ឋទូតនៃសហរដ្ឋអាមេរិកប្រចាំនៅវៀតណាម លោក Marc E. Knapper បានពិភាក្សាជាមួយអនុរដ្ឋមន្ត្រីក្រសួងកសិកម្ម និងអភិវឌ្ឍន៍ជនបទវៀតណាម លោក Phung Duc Tien។

តាមរយៈការិយាល័យប្រឆាំងគ្រឿងញៀននិងការអនុវត្តច្បាប់អន្តរជាតិ (INL) ក្រសួងការបរទេសសហរដ្ឋអាមេរិក កញ្ចប់ជំនួយនេះនឹងជួយឧបត្ថម្ភវៀតណាមក្នុងការបង្កើនសមត្ថភាពអនុវត្តច្បាប់ដែនសមុទ្រនិងប្រយុទ្ធប្រឆាំងនឹងការនេសាទខុសច្បាប់ មិនរាយការណ៍ និងមិនមានការគ្រប់គ្រង (IUU)។ កញ្ចប់ជំនួយនេះនឹងត្រូវបែងចែកទៅឱ្យទីភ្នាក់ងារអនុវត្តច្បាប់របស់វៀតណាម រួមមាននាយកដ្ឋានឃ្លាំមើលជលផល ក្រសួងនគរបាល និងអគ្គនាយកដ្ឋានគយវៀតណាម សម្រាប់ការទិញទូកខ្នាតតូច ការបណ្តុះបណ្តាលសមត្ថភាព និងការសាងសង់គំរូសម្រាប់ការហ្វឺកហ្វឺន រួមទាំងការបណ្តុះបណ្តាលអំពីការអនុវត្តច្បាប់ដែនសមុទ្រ។

សហរដ្ឋ​អាមេរិក​គាំទ្រ​វៀតណាម​ក្នុង​ការ​ពង្រឹង​សមត្ថភាព​អនុវត្ត​ច្បាប់​ដែនសមុទ្រ

រីឯខ្លួនវិញ អនុរដ្ឋមន្ត្រី លោក Phung Duc Tien បានវាយតម្លៃខ្ពស់ចំពោះការឧបត្ថម្ភរបស់សហរដ្ឋអាមេរិកសម្រាប់វិស័យជលផលវៀតណាម តាមរយៈកម្មវិធី/គម្រោង និងជំនួយបច្ចេកទេសក្នុងវិស័យអភិរក្សធនធានជលផល ជាពិសេសគឺការជួយឧបត្ថម្ភកសាងសមត្ថភាពសម្រាប់កម្លាំងឃ្លាំមើល និងការពារជលផលវៀតណាមប្រយុទ្ធប្រឆាំងនឹងការនេសាទ IUU។ កញ្ចប់ជំនួយនឹងជួយបន្ថែមធនធានសំខាន់ៗ ដល់កងកម្លាំងឃ្លាំមើលជលផល និងអនុវត្តច្បាប់ដែនសមុទ្ររបស់វៀតណាម ដើម្បីបន្តអនុវត្តប្រកបដោយប្រសិទ្ធភាពនូវភារកិច្ចអនុវត្តច្បាប់ជលផល និងទប់ស្កាត់ការនេសាទ IUU៕

ពង្រឹង​សាមគ្គីភាព និង​ពង្រីក​កិច្ចសហប្រតិបត្តិការ​រវាង​យុវជន​វៀតណាម និង​កម្ពុជា យុគសម័យ - គណៈប្រតិភូជាន់ខ្ពស់នៃសម្ព័ន្ធយុវជនមជ្ឈិម ដឹកនាំដោយលេខាសម្ព័ន្ធយុវជនមជ្ឈិម និងជាប្រធានសមាគមនិស្សិតវៀតណាមមជ្ឈិម លោក Nguyen Minh Triet បានជួបពិភាក្សាការងារជាមួយគណៈកម្មាធិការយុវជនគណបក្សប្រជាជនកម្ពុជា និងគណៈកម្មាធិការកណ្តាលសហភាពយុវជនកម្ពុជា។

ពង្រឹង និងធ្វើពិពិធកម្មសកម្មភាពកិច្ចការបរទេសប្រជាជន យុគសម័យ - ទន្ទឹមនឹងការទូតបក្ស ការទូតរបស់រដ្ឋ ការទូតប្រជាជនគឺជាសសរស្តម្ភមួយក្នុងចំណោមសសរស្តម្ភទាំងបីនៃទំនាក់ទំនងការទូតវៀតណាម។ នៅខេត្ត Dong Nai សកម្មភាពកិច្ចការបរទេសរបស់ប្រជាជនក្នុងប៉ុន្មានឆ្នាំថ្មីៗនេះមានភាពរស់រវើក សម្បូរទៅដោយទម្រង់ និងខ្លឹមសារជាក់ស្តែង។

ហេង វុធ្ធី