វៀតណាមជាប់ចំណាត់ថ្នាក់លេខ ២ ក្នុងចំណោមប្រទេសនិងតំបន់ដែនដី​ទាំង​ ៨៩​ ក្នុងព្រឹត្តិការណ៍អូឡាំពិកគីមីសាស្រ្ត​អន្តរជាតិឆ្នាំ ២០២៤​

គណៈប្រតិភូសិស្សានុសិស្ស និងគ្រូបង្រៀនទៅចូលរួមព្រឹត្តិការណ៍អូឡាំពិកគីមីសាស្ត្រអន្តរជាតិ។ ប្រភព៖ ក្រសួងអប់រំ និងបណ្តុះបណ្តាល

ជាមួយនឹងលទ្ធផលនេះ វៀតណាមបានជាប់ចំណាត់ថ្នាក់លេខ២ ក្នុងចំណោមប្រទេស និងតំបន់ដែនដីទាំង៨៩ ដែលបានចូលរួមព្រឹត្តិការណ៍នេះ។

សិស្សានុសិស្សទាំងបីនាក់ដែលទទួលបានមេដាយមាស គឺ៖ Nguyen Huu Tien Hung សិស្សថ្នាក់ទី១២ សាលាវិទ្យាល័យជំនាញ Bac Ninh ខេត្ត Bac Ninh; Giap Vu Son Ha សិស្សថ្នាក់ទី១២ សាលាវិទ្យាល័យជំនាញ Bac Giang ខេត្ត Bac Giang និង Tran Dang Khoi សិស្សថ្នាក់ទី១២ សាលាវិទ្យាល័យជំនាញ Hanoi-Amsterdam ទីក្រុងហាណូយ។ មេដាយប្រាក់បានទៅ Do Phu Quoc សិស្សថ្នាក់ទី១២ សាលាវិទ្យាល័យជំនាញ Le Thanh Tong ខេត្ត Quang Nam។

ព្រឹត្តិការណ៍អូឡាំពិកគីមីសាស្ត្រអន្តរជាតិលើកទី៥៦ បានប្រព្រឹត្តិទៅចាប់ពីថ្ងៃទី២១ ដល់ថ្ងៃទី៣០ ខែកក្កដា នៅប្រទេសអារ៉ាប៊ីសាអូឌីត ដោយមានបេក្ខជនចំនួន៣២៧នាក់ចូលរួមប្រកួតប្រជែង។ ក្នុងតារាងមេដាយសរុប គណៈប្រតិភូវៀតណាមជាប់ចំណាត់ថ្នាក់លេខ២ រួមជាមួយគណៈប្រតិភូអាមេរិក ហើយនៅពីក្រោយគណៈប្រតិភូចិន៕

វៀតណាមជាប់ចំណាត់ថ្នាក់លេខ ៣​ ក្នុង ការប្រឡងមនុស្សយន្តអាស៊ី-ប៉ាស៊ីហ្វិក (ABU Robocon) ២០២៣ ការប្រឡងមនុស្សយន្តអាស៊ី-ប៉ាស៊ីហ្វិក (ABU Robocon) បានធ្វើឡើងកាលពីថ្ងៃទី ២៧ ខែសីហា នៅទីក្រុងភ្នំពេញ កម្ពុជា ដោយមានការចូលរួមពីក្រុមសាកលវិទ្យាល័យចំនួន ១៤ ដែលតំណាងឱ្យប្រទេសនិងតំបន់ដែនដីចំនួន ១៣។

ក្រុមហ៊ុនអាកាសចរណ៍វៀតណាម ស្ថិត​ក្នុងបញ្ជីក្រុមហ៊ុនអាកាសចរណ៍អន្តរជាតិល្អបំផុត​ទាំង​១០ ក្នុងឆ្នាំ ២០២៣​ របស់ Bounce ក្រុមហ៊ុនអាកាសចរណ៍វៀតណាម Vietnam Airlines ត្រូវបានបញ្ចូលក្នុងបញ្ជីក្រុមហ៊ុនអាកាសចរណ៍អន្តរជាតិល្អបំផុតទាំង ១០ក្នុងឆ្នាំ ២០២៣ យោងតាមចំណាត់ថ្នាក់របស់ក្រុមហ៊ុន Bounce ដែលជាក្រុមហ៊ុនសេវាកម្មឥវ៉ាន់ដែលមានទីស្នាក់ការនៅសហរដ្ឋអាមេរិកនិងប្រតិបត្តិការនៅក្នុងទីក្រុងជាង ១.០០០ជុំវិញពិភពលោក។