សាធារណមតិពិភពលោកកោតសរសើរលោក Nguyen Phu Trong អគ្គលេខាបក្ស

សាធារណមតិពិភពលោកកោតសរសើរលោក Nguyen Phu Trong អគ្គលេខាបក្ស

ទីភ្នាក់ងារសារព័ត៌មានធំៗជាច្រើនរបស់គុយបា ដូចជា ទីភ្នាក់ងារព័ត៌មាន Prensa Latina សារព័ត៌មាន Granma ដែលជាសម្លេងរបស់បក្សកុម្មុយនិស្តគុយបា គេហទំព័រ Cubadebate ដែលមានមនុស្សតាមដានច្រើនជាងគេនៅលើកោះ Caribe សុទ្ធតែបានជូនព័ត៌មានអំពីមរណភាពរបស់លោក Nguyen Phu Trong អគ្គលេខាបក្ស។ សារព័ត៌មានគុយបាបានសង្កត់ធ្ងន់ថា ក្នុងអាជីពនយោបាយដ៏យូរអង្វែងដែលសម្រេចបានសមិទ្ធផលជាច្រើន លោក Nguyen Phu Trong អគ្គលេខាបក្ស បានយកចិត្តទុកដាក់ដល់ទំនាក់ទំនងពិសេស និងការជឿទុកចិត្តគ្នាទៅវិញទៅមករវាងបក្ស និងបក្ស រដ្ឋសភា រដ្ឋាភិបាល ប្រជាជនគុយបា និងវៀតណាម។ លោក Nguyen Phu Trong បានមកបំពេញទស្សនកិច្ចជាផ្លូវការនៅគុយបាក្នុងឆ្នាំ ២០១២ និងឆ្នាំ ២០១៨។

ជាពិសេស Cubadebate បានចុះផ្សាយអត្ថបទរបស់លោកបណ្ឌិត González Sáez អនុប្រធានសមាគមមិត្តភាពគុយបា-វៀតណាម ដោយបញ្ជាក់ថា ក្រោមការដឹកនាំរបស់បក្សកុម្មុយនិស្តវៀតណាម ដែលដឹកនាំដោយលោក Nguyen Phu Trong អគ្គលេខាបក្ស ចាប់ពីឆ្នាំ ២០១១ រហូតមកដល់បច្ចុប្បន្ន វៀតណាមដែលពីប្រទេសមានចំណូលមធ្យមកម្រិតទាបក្លាយជា “ខ្លានៃអាស៊ី” ហើយត្រូវបានរំពឹងទុក មានកម្រិតប្រាក់ចំណូលខ្ពស់នៅឆ្នាំ២០៤៥។ ទន្ទឹមនឹងនោះ លោកបណ្ឌិត González Sáez មានការរំជើបរំជួលយ៉ាងខ្លាំងចំពោះសេចក្តីថ្លែងការណ៍របស់លោក Nguyen Phu Trong ក្នុងដំណើរទស្សនកិច្ចផ្លូវរដ្ឋនៅគុយបាក្នុងឆ្នាំ២០១៨ ថា៖ “នេះមិនមែនជាដំណើរទស្សនកិច្ចទេ តែជាដំណើរត្រឡប់មកជួបជុំជាមួយបងប្អូនរបស់ខ្ញុំវិញ។”

ទូរទស្សន៍ NHK របស់ជប៉ុនក៏បានបញ្ចាំងបង្ហាញខ្សែភាពយន្តឯកសារដ៏វែងមួយ ដោយបង្ហាញពីការរួមវិភាគទានរបស់លោក Nguyen Phu Trong អគ្គលេខាបក្ស ចំពោះការងារកសាង ការពារ និងអភិវឌ្ឍន៍របស់វៀតណាម ព្រមទាំងការរួមចំណែកយ៉ាងសំខាន់ក្នុងទំនាក់ទំនងការបរទេសជាមួយប្រទេសនានា រួមទាំងប្រទេសជប៉ុនផងដែរ។ ចំពោះទំនាក់ទំនងជាមួយជប៉ុន ភាពយន្តបានរំលឹកឡើងវិញនូវជំនួបរវាងលោក Nguyen Phu Trong អគ្គលេខាបក្ស ជាមួយលោក Abe Shinzo នាយករដ្ឋមន្ត្រីដែលក្នុងនោះថ្នាក់ដឹកនាំទាំងពីរបានបញ្ជាក់ជាថ្មីម្តងទៀតថានឹងបន្តពង្រីកកិច្ចសហប្រតិបត្តិការទ្វេភាគី។

Nikkei Asia បានបន្ថែមការរួមវិភាគទានដ៏ធំធេងរបស់លោក Nguyen Phu Trong អគ្គលេខាបក្ស ចំពោះការអភិវឌ្ឍសេដ្ឋកិច្ចរបស់វៀតណាម ដែលគូសបញ្ជាក់អំពីសេចក្តីសម្រេចចិត្ត ទាក់ទិននឹងការចុះហត្ថលេខាលើកិច្ចព្រមព្រៀងពាណិជ្ជកម្មសេរីរបស់វៀតណាមជាមួយប្រទេសជាច្រើន ព្រមទាំងសង្កត់ធ្ងន់ថា លោក Nguyen Phu Trong អគ្គលេខាបក្ស គឺអ្នកដែលជួយសេដ្ឋកិច្ចវៀតណាមអភិវឌ្ឍយ៉ាងខ្លាំងក្លា។ ចែករំលែកមតិដូចគ្នា កាសែត Financial Times បានវាយតម្លៃថា លោក Nguyen Phu Trong អគ្គលេខាបក្ស មានតួនាទីសំខាន់ក្នុងការអភិវឌ្ឍសេដ្ឋកិច្ចរបស់វៀតណាម។ Financial Times បានបញ្ជាក់ថា "វៀតណាមបានទាក់ទាញការវិនិយោគបរទេសរាប់ពាន់លានដុល្លារពីក្រុមហ៊ុននៅលើទូទាំងពិភពលោក ហ់យក្លាយជាខ្សែសង្វាក់ដ៏សំខាន់នៅក្នុងខ្សែសង្វាក់ផ្គត់ផ្គង់"។

ទីភ្នាក់ងារសារព័ត៌មាន Xinhua ក៏បានបង្ហាញរូបភាពនៃសកម្មភាពរបស់លោក Nguyen Phu Trong អគ្គលេខាបក្ស ក្នុងព្រឹត្តិការណ៍សំខាន់ៗ។ ដកស្រង់ពីលោក Alexander Lukashenko ប្រធានាធិបតីបេឡារុស្ស កាសែត “បេឡារុស្សសព្វថ្ងៃ” បានបញ្ជាក់យ៉ាងច្បាស់ថា ការខិតខំប្រឹងប្រែងរបស់ Nguyen Phu Trong អគ្គលេខាបក្ស ក្នុងការពង្រឹងតួនាទីរបស់បក្សក្នុងសង្គម និងការពារសិទ្ធិ និងផលប្រយោជន៍ស្របច្បាប់របស់កម្មករ ត្រូវបានគេទទួលស្គាល់យ៉ាងទូលំទូលាយដោយសាធារណមតិពិភពលោក។

ពិនិត្យមើលលក្ខណៈសំខាន់ៗនៃអាជីពរបស់លោក Nguyen Phu Trong អគ្គលេខាបក្ស ទីភ្នាក់ងារសារព័ត៌មាន Reuters មានការចាប់អារម្មណ៍ចំពោះកំណើនសេដ្ឋកិច្ចដ៏ឆាប់រហ័សរបស់វៀតណាម និងលើកកម្ពស់ទំនាក់ទំនងជាមួយមហាអំណាចជាច្រើនតាមរយៈគោលនយោបាយ "ការទូតឫស្សី" ដោយមានភាពទន់ភ្លន់ និងភាពបត់បែនរបស់វា។ ម៉្យាងវិញទៀត នាថ្ងៃទី ២០ ខែកក្កដា ស្ថានីយទូរទស្សន៍ CNBC បានដកស្រង់សេចក្តីថ្លែងការណ៍របស់ឯកអគ្គរដ្ឋទូតអាមេរិកប្រចាំនៅវៀតណាម ដោយសង្កត់ធ្ងន់ថា លោក Nguyen Phu Trong អគ្គលេខាបក្ស គឺជាមេដឹកនាំមានចក្ខុវិស័យដែលជាស្ពានតភ្ជាប់រវាងវៀតណាម និងអាមេរិក ក៏ដូចជាសហគមន៍ពិភពលោកទាំងមូល អស់រយៈពេលជាច្រើនទសវត្សរ៍៕

ស្បែក​ជើង​ចាស់​នៅ​ក្នុង​អាកាសធាតុ​ត្រជាក់នៅ​អឺរ៉ុប​របស់​អគ្គលេខា​បក្ស Nguyen Phu Trong យុគសម័យ -នៅចំពោះព័តិមានអំពីមរណភាពរបស់អគ្គលេខាបក្ស ង្វៀន ភូទ្រុង អ្នកប្រើប្រាស់បណ្ដាញសង្គមជាច្រើនបានសរសេរអត្ថបទចែករំលែកអនុស្សាវរីយ៍ដោយបានបង្ហាញពីការគោរព និងភាពសោកសៅជានិរន្តរ៍ចំពោះការលាចំពោះបុគ្គលិកលក្ខណះដ៏អស្ចារ្យរបស់ប្រជាជាតិ។

មនោសញ្ចេតនាពិសេសរបស់លោក Nguyen Phu Trong អគ្គលេខាបក្ស ចំពោះកងទ័ពលោកអ៊ំ ហូ ក្នុងឋានៈជាអគ្គលេខាគណៈកម្មាធិការមជ្ឈិមបក្ស និងជាលេខាគណៈកម្មាធិការបក្សយោធាមជ្ឈិម លោក Nguyen Phu Trong តែងតែដឹកនាំទាន់ពេលវេលាដល់កម្មាភិបាល យុទ្ធជននៃកងទ័ពប្រជាជនវៀតណាមក្នុងការបំពេញភារកិច្ចការពារមាតុភូមិ។

យោងតាមកាសែតកងទ័ពប្រជាជន