នាយកមន្ទីរប្រឆាំងគ្រឿងញៀន នៃប្រទេសកម្ពុជា បានឲ្យដឹងថា អង្គភាពទើបតែបានសហការជាមួយកម្លាំងមានសមត្ថកិច្ចរបស់វៀតណាមដើម្បីបង្ក្រាបករណីជួញដូរគ្រឿងញៀនឆ្លងដែនដ៏ធំមួយ ដែលរឹបអូសគ្រឿងញៀនជិត ៧០០ គីឡូក្រាម។
 ខេត្ត Dong Thap (វៀតណាម)៖ ពិនិត្យ ព្យាបាលជំងឺ និងផ្តល់ថ្នាំពេទ្យដោយឥតគិតថ្លៃជូនប្រជាពលរដ្ឋកម្ពុជាជាង ១ ពាន់នាក់ |
 ពលករវៀតណាមជាង១ម៉ឺននាក់នឹងទៅធ្វើការនៅបរទេសក្នុងខែកុម្ភៈ ឆ្នាំ២០២៤ |
 |
| ជនសង្ស័យត្រូវបានចាប់ខ្លួនរួមនឹងវត្ថុតាង |
ថ្លែងប្រាប់អ្នកសារព័ត៍មាននៅថ្ងៃទី ២២ មីនា លោកឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀន ឲ្យដឹងថា កងកម្លាងមានសមត្ថកិច្ចកម្ពុជា និងវៀតណាម បានសហការគ្នាបង្រ្កាបករណីដឹកជញ្ជូនគ្រឿងញៀនឆ្លងដែនពីកម្ពុជាទៅវៀតណាម នៅវេលាម៉ោង៦ និង៤០នាទីព្រឹក ថ្ងៃទី១៨ ខែមីនា។
គ្រឿងញៀនដែលចាប់យកបានរួមាន៖ មេតំហ្វេតាមីន (ICE) ទម្ងន់ ៥៩៤ ៨១២ ក្រាម (ជិត៦០០គីឡូក្រាម), អ៉ិចស្ត្រាស៊ី (MDMA) ទម្ងន់ ៤៨ ៩១៩.០១ ក្រាម (ជិត៥០គីឡូក្រាម), កេតាមីន (KETAMINE) ទម្ងន់ ៧ ៩៩០.០៤ក្រាម (ជិត៨គីឡូក្រាម), កញ្ជា (MARIJUANA) ទម្ងន់ ១៧,០០០ ក្រាម (១៧គីឡូក្រាម), សារធាតុមិនច្បាស់ទម្ងន់ ៨៧៦ក្រាម។
លោកឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀន បានមានប្រសាសន៍ថា៖ កម្ពុជាបានបង្រ្កាបករណីជួញដូរគ្រឿងញៀនជាច្រើនករណី ក្នុងនោះមាន៣ករណីធំៗ ដោយក្នុងករណីនិមួយៗរឹបអូសបានគ្រឿងញៀនប្រហែលមួយតោន។ ក្នុងករណីដឹកជញ្ជូនគ្រឿងញៀននេះ ភាគីកម្ពុជាទទួលបានកិច្ចសហការយ៉ាងជិតស្និទ្ធពីភាគីវៀតណាម ដូច្នេះទើបបង្ក្រាបបានករណីនេះ។ តាមមុខសញ្ញាដែនត្រូវចាប់ខ្លួន ឲ្យដឹងថា គ្រឿងញៀនទាំងនេះនឹងដឹកជញ្ជូនទៅប្រទេសវៀតណាម ។ បច្ចុប្បន្នកម្លាំងមានសមត្ថកិច្ចកម្ពុជា និងវៀតណាមនៅតែបន្តស៊ើបអង្កេតយ៉ាងសកម្មលើមុខសញ្ញាពាក់ព័ន្ធនឹងករណីគ្រឿងញៀននេះ។
ចាប់ពីឆ្នាំ ២០១៧ ដល់ឆ្នាំ ២០២៣ កម្ពុជាបានបង្ក្រាបករណីជួញដូរគ្រឿងញៀនបានចំនួន ៥៥ ៣០៥ ករណី ចាប់ខ្លួនជនសង្ស័យ ១២០ ៣០៧ នាក់ និងរឹបអូសបានគ្រឿងញៀន ២៧,៦ តោន និងសារធាតុញៀនជាង ៥២០ តោន៕
មតិពីមិត្តអ្នកអាន