នាយករដ្ឋមន្ត្រីវៀតណាម អញ្ជើញជួបជាមួយសហគមន៍ធុរកិច្ច FDI និងចូលរួមវេទិកាធុរកិច្ចវៀតណាម

សហគ្រាស FDI ជប៉ុនចំនួន ១០០ ចូលរួមកិច្ចសន្ទនាស្តីពីគោលនយោបាយធានារ៉ាប់រងសង្គមនៅវៀតណាម

វៀតណាមពង្រឹងការទាក់ទាញ FDI និងភ្ញៀវទេសចរអន្តរជាតិ

នាយករដ្ឋមន្ត្រីលោក Pham Minh Chinh អញ្ជើញចូលរួមសន្និសីទនាយករដ្ឋមន្ត្រីជួបសំណេះសំណាលសហគមន៍ធុរកិច្ច FDI និងចូលរួមវេទិកាធុរកិច្ចវៀតណាមប្រចាំឆ្នាំ (VBF)

ថ្លែងមតិនៅទីនេះ នាយករដ្ឋមន្ត្រី លោក Pham Minh Chinh បានសង្កត់ធ្ងន់ថា រដ្ឋាភិបាលវៀតណាមតែងតែផ្ទៀងស្តាប់ និងមានការយល់ដឹងរវាងអង្គភាពអាជីវកម្ម ជាមួយរដ្ឋាភិបាល និងប្រជាជន; ចែករំលែកចក្ខុវិស័យ និងសកម្មភាពសម្រាប់ការអភិវឌ្ឍសេដ្ឋកិច្ច កំណើនបៃតង និងរួមជាមួយសហគ្រាសដើម្បីអភិវឌ្ឍន៍។ វៀតណាមចង់ឲ្យធុរកិច្ចបរទេស និងដៃគូបន្តកែលម្អទុនវិនិយោគឆ្ពោះទៅរកកំណើនបៃតង ការផ្លាស់ប្តូរឌីជីថល ការផ្ទេរបច្ចេកវិទ្យាសម្រាប់កំណើនបៃតង។ លោកនាយករដ្ឋមន្ត្រីបានសង្កត់ធ្ងន់ថា ឆ្នាំនេះ វៀតណាមប្តេជ្ញាអភិវឌ្ឍន៍យ៉ាងឆាប់រហ័ស និងនិរន្តរភាព ដោយផ្តល់អាទិភាពដល់ការជំរុញកំណើន ផ្សារភ្ជាប់ជាមួយនឹងការរក្សាស្ថិរភាពម៉ាក្រូសេដ្ឋកិច្ច គ្រប់គ្រងអតិផរណា និងធានាតុល្យភាពសំខាន់ៗនៃសេដ្ឋកិច្ច; ផ្តោតលើការកែលម្អបរិយាកាសវិនិយោគអាជីវកម្ម; ជំរុញកិច្ចការបរទេស និងសមាហរណកម្មអន្តរជាតិ; រក្សាបរិយាកាសសន្តិភាព និងស្ថិរភាពសម្រាប់ការអភិវឌ្ឍន៍ប្រទេសជាតិ។ លោកនាយករដ្ឋមន្ត្រីសង្ឃឹមថា សហគ្រាស FDI និងអ្នកវិនិយោគបរទេសចាត់ទុកប្រជាជន និងអាជីវកម្មជាមជ្ឈមណ្ឌល និងប្រធានបទ ហើយតែងតែធ្វើបានល្អក្នុងសមភាពសង្គម និងសន្តិសុខសង្គម។

ទាក់ទិននឹងទស្សនវិស័យអភិវឌ្ឍន៍លើកំណើនបៃតង លោកនាយករដ្ឋមន្ត្រីបានបញ្ជាក់យ៉ាងច្បាស់ថា វៀតណាមកំណត់កំណើនបៃតងជាកតត្តាស្នូលចំនួនពីរ (រួមទាំង៖ ការផ្លាស់ប្តូរឌីជីថល និងកំណើនបៃតង) នៃដំណើរការរៀបចំរចនាសម្ព័ន្ធសេដ្ឋកិច្ចឡើងវិញ។ លោកនាយករដ្ឋមន្ត្រីបានស្នើសហគមន៍ធុរកិច្ច FDI វិនិយោគិនបរទេស និងដៃគូអភិវឌ្ឍន៍ត្រួសត្រាយលើកំណើនបៃតង ហើយអះអាងថា វៀតណាមនឹងធានានូវសិទ្ធិ និងផលប្រយោជន៍ស្របច្បាប់របស់អង្គភាពអាជីវកម្មនិយាយរួម និងសហគ្រាស FDI និយាយដោយឡែក; ធានាឱ្យសហគ្រាស FDI មានស្ថិរភាព និងអភិវឌ្ឍឆ្ពោះទៅរកកំណើនបៃតង; ធានាឯករាជ្យ អធិបតេយ្យភាព បូរណភាពទឹកដី ស្ថិរភាពនយោបាយ សណ្តាប់ធ្នាប់សង្គម និងសុវត្ថិភាព ដើម្បីឱ្យវិនិយោគិនមានអារម្មណ៍សុវត្ថិភាពក្នុងការធ្វើអាជីវកម្មរយៈពេលវែង។ ក្នុងឱកាសនេះ លោករដ្ឋមន្ត្រី Nguyen Chi Dung បានប្រគល់ប័ណ្ណសរសើរពីរដ្ឋមន្ត្រីក្រសួងផែនការ និងវិនិយោគ ដល់សហគ្រាស FDI គំរូមួយចំនួន៕

យោងតាមវិទ្យុសំលេងវៀតណាម