លោកនាយករដ្ឋមន្ត្រី Pham Minh Chinh អញ្ជើញជួបជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា

នាយករដ្ឋមន្ត្រីវៀតណាមលោក Pham Minh Chinh នឹងអញ្ជើញទៅបំពេញទស្សនកិច្ចជាផ្លូវការនៅហុងគ្រី និងរូម៉ានី៖ បង្កើនទំនាក់ទំនងរវាងវៀតណាម និងដៃគូអឺរ៉ុប

បញ្ញវន្តវៀតណាមនៅប្រទេសស្វីសទន្ទឹងរង់ចាំដំណើរធុរកិច្ចរបស់នាយករដ្ឋមន្ត្រី Pham Minh Chinh

លោកនាយករដ្ឋមន្ត្រី Pham Minh Chinh ជួបជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា

ក្នុងជំនួបនេះ នាយករដ្ឋមន្ត្រីទាំងពីរមានសេចក្តីសោមនស្សរីករាយដែលបានជួបគ្នាម្តងទៀតបន្ទាប់ពីដំណើរទស្សនកិច្ចដ៏ជោគជ័យ​របស់សម្តេចធិបតី ហ៊ុន ម៉ាណែត នៅប្រទេសវៀតណាមកាលពីខែធ្នូ ឆ្នាំ២០២៣។

លោកនាយករដ្ឋមន្ត្រី Pham Minh Chinh បានចែករំលែកថា វៀតណាមទើបតែប្រារព្ធខួបលើកទី ៤៥ នៃជ័យជំនះក្នុងសង្គ្រាមការពារព្រំដែនភាគនិរតី និងរួមជាមួយកងទ័ព និងប្រជាជនកម្ពុជាផ្ដួលរំលំរបបប្រល័យពូជសាសន៍ ហើយជាឱកាសដើម្បីផ្សព្វផ្សាយដល់ប្រជាជនគ្រប់ស្រទាប់នៃប្រទេសទាំងពីរ ជាពិសេសយុវជនជំនាន់ក្រោយអំពីប្រពៃណីជាប្រវត្តិសាស្ត្រនៃសាមគ្គីភាព និងការជួយគ្នាទៅវិញទៅមករវាងប្រជាជាតិទាំងពីរ។

នាយករដ្ឋមន្ត្រីទាំងពីរមានបំណងចង់បង្កើនការតភ្ជាប់ចរាចរណ៍រវាងប្រទេសទាំងពីរ រួមទាំងការតភ្ជាប់ផ្លូវល្បឿនលឿន ជាពិសេសតភ្ជាប់រាជធានីភ្នំពេញជាមួយទីក្រុងហូជីមិញ។ សម្របសម្រួលជាមួយប្រទេសឡាវ ដើម្បីជំរុញកញ្ចប់ទេសចរណ៍ "ប្រទេស​បីគោលដៅតែមួយ"។ រដ្ឋមន្ត្រីក្រសួងវប្បធម៌នៃប្រទេសទាំងបី កម្ពុជា ឡាវ និងវៀតណាម នឹងជួបប្រជុំ និងពិភាក្សាអំពីវិធានការជាក់លាក់សម្រាប់កិច្ចសហប្រតិបត្តិការវប្បធម៌ និងទេសចរណ៍។

ក្នុងឱកាសនេះដែរ ភាគីទាំងពីរក៏បានឯកភាពគ្នាជំរុញការបោះបង្គោលព្រំដែនដែលនៅសល់ ១៦ ភាគរយទៀតឱ្យបានឆាប់​ចប់៕

យោងតាមកាសែតកងទ័ពប្រជាជន